नेपाल नगरपालिका संघ

बैंककमा आयोजित IWA सम्मेलनमा सहभागिता जनाउने उद्देश्यसहित रहेका नेपाल नगरपालिका संघ (MuAN) तथा नेपाल सरकार, खानेपानी मन्त्रालय (MoWS) को टोलीले ११ डिसेम्बर २०२५ मा एशियन इन्स्टिच्युट अफ टेक्नोलोजी (AIT) को भ्रमण गरेको छ । भ्रमणको सुरुवात AIT का अध्यक्ष प्रो. पाइ-ची ली सँगको भेटबाट भएको थियो। त्यसपछि विद्यालयका प्रतिनिधिहरूसँग भविष्यमा सहकार्यका सम्भावनाहरूका बारेमा छलफल गरियो र हाइड्रोलिक्स प्रयोगशाला, एम्बिएन्ट ल्याब तथा EEM ल्याब को अवलोकन गरियो, जहाँ AIT मा भइरहेको अनुसन्धान, प्रयोगशालागत क्षमता तथा नवीन प्रविधिहरूको जानकारी गराइएको थियो। दुवै पक्षबीच अनुसन्धान परियोजनाहरू, क्षमता विकास कार्यक्रमहरू, संयुक्त सम्मेलनहरू, तालिम गतिविधिहरू तथा प्राविधिक सहयोग आदान–प्रदानमा सहकार्यका अवसरहरूबारे छलफल भयो।

नगर स्वास्थ्य योजना कार्यान्वयनमा लैङ्गिक समानता, अपाङ्गता र सामाजिक समावेशिकरण र लैङ्गिक उत्तरदायी बजेट सम्बन्धी अभ्यासहरुको आपसी सिकाई कार्यशाला सम्पन्न ।

नेपाल नगरपालिका संघ (MuAN) को आयोजना तथा जर्मन विकास संस्था (GIZ) नेपालको आर्थिक सहयोगमा स्वास्थ्य क्षेत्र रणनीति सहयोग कार्यक्रम परियोजना अन्तर्गत स्थानीय तहमा समावेशी स्वास्थ्य सेवा प्रवाह, लैंगिक उत्तरदायी योजना–बजेट प्रणाली, तथा समग्र स्थानीय शासन सुधारलाई सुदृढ गर्न उद्देश्य राखी “Peer-to-Peer Learning / Community of Practice (CoP) on GEDSI Strategy and Gender Responsive Budgeting (GRB)” कार्यक्रम २०८२ मङ्सिर ०२ – ०३ गते लुम्बिनी प्रदेशको नेपालगन्ज उप-महानगरपालिकामा र मङ्सिर ०४ -०५ मा सुदुरपश्चिमको धनगढी उप-महानगरपालिकामा सोहि बमोजिमको कार्यशाला सम्पन्न भएको छ ।
नेपालगन्जमा आयोजित कार्यशालामा नेपालगन्ज, घोराही, तुलसीपुर उपमहानगरपालिका, राजापुर, बारबर्दिया, कोहोलपुर, मधुबन, गुलरिया, बासगढ़ी, ठाकुरबाबा गरी १० नगरपालिकाका नगर प्रमुख, उपप्रमुख, प्रमुख प्रशासकीय अधिकृत, स्वाथ्य शाखा प्रमुख, सामाजिक बिकाश समिति संयोजक र सदस्यहरु सहित ३२ जनाको सहभागिता रहेको थियो l त्यस्तैगरी, धनगढीमा सम्पन्न कार्यशालामा पन्चदेवल विनायक, त्रिबेणी, गोदाबरी, अमरगढी, शिखर, पुनर्बास, कृष्णपुर, साफे, गौरिगंगा, भिमदत्त र लम्किचुहा गरी 11 नगरपलिकाका सोहि बमोजिमका ३२ जना प्रतिनिधिहरूको सहभागिता रहेको थियो।
उक्त कार्यशालामा सहभागीहरूले स्वास्थ्य सेवामा Gender Equality, Disability and Social Inclusion (GEDSI) दृष्टिकोण प्रभावकारी रूपमा लागू गर्ने उपाय, आधारभूत स्वास्थ्य सेवामा समावेशी सेवा विस्तार, अपांगता–मैत्री तथा लैंगिक उत्तरदायी सेवा प्रवाह, र स्वास्थ्य बजेटमा GRB अभ्यासलाई संस्थागत गर्ने उपायहरूबारे अनुभव आदान–प्रदान गरिएको थियो l

“ नगरपालिकाक कर्मचारीहरुको क्षमता विकास कार्यक्रम सम्पन्न “

नेपाल नगरपालिका संघले “Scaling of Citywide Inclusive Sanitation Service Systems” कार्यक्रम अन्तरगत संघबाट संचालित प्रादेशिक नगर अध्ययन केन्द्र (PMLC) का कर्मचारीहरु र सूचना प्रबिधि अधिकृत गरी देश भरबाट ३७ वटा बिभिन्न नगपालिकाहरुका सहभागीहरु लाई नगरस्तरीय समाबेशी सरसफाई (CWIS), WASH MIS र CWIS Portals बिषयहरुमा क्षमता विकास कार्यक्रम २०८२ मंसिर १५ – १६ गते सूर्यविनायक, भक्तपुरमा सम्पन्न गरेको छ l कार्यक्रको उदेश तथा संघको भाबी योजना सहित संघका कार्यकारी निर्देशक कलानिधि देवकोटाले प्रकाश पार्दै सुरु भएको कार्यक्रममा संबिधान तथा प्रसासनिक विद काशीराज दाहाल, CWISAN को तर्फबाट सृजना कार्की, खानेपानी बिभागबाट मिलन जोशी, Media Helpline बाट गोबिन्द खड्का र Monal Tech. बाट प्रमोद न्याछ्योंले विभिन्न बिषयगत सत्रहरु सहजीकरण गरेका थिए भने कार्यक्रमको समग्र सहजीकरण संघका कार्यक्रम प्रबन्धक मुस्कान श्रेष्ठले गरेका थिए l
नेपाल नगरपालिका संघले दिसाजन्य लेदो ब्यबस्थापन सम्बधी “Scaling of Citywide Inclusive Sanitation Service Systems” कार्यक्रम खानेपानी तथा ढल ब्यबस्थापन बिभाग, UN-Habitat, Water Aid Nepal, Media Help Line र WaSH Khabar को संयुक्त साझेदारीमा सचालन भै रहेको छ l
-Habitat

संघमहासंघका प्रतिनिधिद्वारा प्रधानमन्त्री समक्ष दश बुँदे ज्ञापनपत्र
नेपाल नगरपालिका संघ र गाउँपालिका रास्ट्रीय महासंघ नेपालले २०८२ कार्तिक २४ गते सम्मानीय प्रधानमन्त्री सुशिला कार्की समक्ष ज्ञापन पत्र बुझाएको थियो । जेनजीका नामममा जनप्रतिनिधिलाई राजिनामा दिन तथा कार्य सम्पादनमा अनावश्यक दबाब दिने काम भइरहेको भन्दै भदौ २३ र २४ गतेको विध्वंसमा संलग्नलाई कारबाहीको दायरमा ल्याउन माग गरिएको छ । अन्तर सरकार वित्त हस्तान्तरण अन्तर्गत संघीय संसदले स्वीकृत गरेका समानीकरण अनुदान र कार्यक्रम कटौती नगर्न आग्रह गरिएको छ ।
जनप्रतिनिधिमाथि राजीनामाको दबाब, तोडफोड, लुटपाट नियन्त्रण गरी शान्ति-सुरक्षा सुनिश्चित गर्नुपर्ने सहितका विषय ज्ञापन पत्रमा समेटिएको छ । संघमहासंघले “स्थानीय तहमा नागरिकलाई दैनन्दिन सेवा प्रवाहमा प्रतिकुल असर परिरहने स्थितिको अन्त्य गर्न नेपाल सरकारले कुनै ठोस पहल नगरेमा सबै गाउँपालिका र नगरपालिकाहरूमा अत्यावश्यक सेवा प्रवाह तथा विकास निर्माण अवरुद्ध हुँदा उत्पन्न हुने परिस्थितिको नेपाल सरकारसमेत जिम्मेवार हुने तर्फ ध्यानाकर्षण गराइएको छ।”
गाउँपालिका राष्ट्रिय महासंघका अध्यक्ष लक्ष्मीदेवी पाण्डे र नगरपालिका संघका अध्यक्ष भीमप्रसाद ढुंगानासहित विभिन्न पदाधिकारीहरुद्वारा बुझाइएको ज्ञापन पत्र बुझ्दै प्रधानमन्त्री सुशीला कार्कीले स्थानीय सरकारका संघमहासंघले उठाएका सवालहरूमा सरकार गम्भीर भएको, अनुदान कटौती र करारका कर्मचारी कटौती गर्दा सेवा प्रवाहमा असर परेको विषयलाई सम्बोधन गर्नै तत्कालै सम्बन्धित मन्त्रीलाई आदेश गर्ने प्रतिबद्धता व्यक्त गर्नु भएको थियो । उक्त अवसरमा नेपाल सरकारका तर्फबाट गृहमन्त्री ओमप्रकाश अर्याल र कानुनमन्त्री अनिलकुमार सिन्हाको उपस्थिति थियो । गृहमन्त्री अर्यालले असामान्य परिस्थितिमा आएको यो सरकारले शान्ति सुव्यवस्थाका निम्ति स्थानीय सरकारले गर्न सक्ने सहयोगका निम्ति आग्रह गर्नु भयो । सो अवसरमा प्रधानमन्त्रीले स्थानीय सरकारका जनप्रतिनिधिहरूसँग पछिल्लो समय उत्पन्न परिस्थितिमा स्थानीय सरकारले गरिरहेका काम कारबाही, भोग्नुपरेका समस्या र निर्वाचनको तयारीका सम्बन्धमा छलफल तथा परामर्श गर्नु भएको थियो । संघ, प्रदेश र स्थानीय सरकारबिच सहकार्य, समन्वय र सहअस्तित्वको भावनासहित अघि बढ्ने विषयमा उपस्थित सबैको एकमत थियो। आगामी फागुन २१ गतेको निर्वाचन सम्पन्न गराउने संघ सरकार र निर्वाचन आयोगसँग सहकार्य गर्न स्थानीय सरकार प्रतिबद्ध रहेको भन्दै राजनीतिक दलहरूका बीच आपसी विश्वास र समझदारी बनाउन सरकारको ध्यानाकर्षण गराइएको छ ।

“ फोहोर तथा दिसा जन्य लेदो प्रसोधन केन्द्रको संचालन तथा ब्यबस्थापन बिषयक प्रदेश स्तरीय आपसी सिकाई कार्यशाला ”

नेपाल नगरपालिका संघको आयोजनामा “ फोहोर तथा दिसा जन्य लेदो प्रसोधन केन्द्रको संचालन तथा ब्यबस्थापन बिषयक आपसी सिकाई कार्यशाला “ २०८२ कार्तिक १९ गते बुद्धबार, बिराटनगरमा सम्पन्न भएको छ l नेपाल नगरपलिका संघका केन्द्रिय अध्यक्ष एव निलकन्ठ नगरपालीकका नगर प्रमुख भिम प्रसाद ढुंगानाको अध्यक्षतामा सम्पन्न यस कार्यक्रममा कोशी (झापा, मोरंग, सुनसरी जिल्लाहरु) र मदेश प्रदेश (सिरहा, सप्तरी जिल्लाहरु) अन्तरगतका नगरपालिकाहरु नगर प्रमुख, उप-प्रमुख मध्य तथा नगरपालिकाका प्रसोधन केन्द्र ब्यबस्थापक, कर्मचारीहरुको सहभागिता रहेको थियो l नगरपालिकाहरुमा नगरब्यापी समावेशी सरसफाई सुनिश्चित गर्दै दिगो विकास लक्ष्य ६ मा योगदान दिन नगरपालिकाहरुको क्षमता विकासका लागि आपसी सिकाई गर्ने उदेश्य सहित संचालित यस कार्यक्रममा स्वागत तथा उदेश माथि प्रकाश नेपाल नगरपालिका संघका कोशी प्रदेश समिति संयोजक एव बेलबारी नगरपलिकाका नगर प्रमुख दिल प्रसाद राईले राख्नु भएको थियो भने बिशेष मन्तब्य बिराटनगर महा नगरपालिकाका नगर प्रमुख नागेश कोइराला र इटहरी उप- महा नगरपालिका नगर उप प्रमुख संगीता कुमारी चौधरीले आफ्ना महत्वपूर्ण भनाई राख्नु राख्नु भएको थियो l कार्यक्रमको प्राबिधिक छलफलको सहजीकरण संघका प्राबिधिक साझेदार संस्था वाटर एड नेपालका टिम लिडर कविन्द्र पुडासैनी र संघका कार्यक्रम प्रबन्धक मुस्कान श्रेष्ठले गरेका थिए भने कार्यक्रम संचालन संघका परियोजना संयोजक ज्योती शर्माले गरेका थिए l नेपाल नगरपालिका संघले दिसाजन्य लेदो ब्यबस्थापन सम्बधी “Scaling of Citywide Inclusive Sanitation Service Systems” कार्यक्रम खानेपानी तथा ढल ब्यबस्थापन बिभाग, UN-Habitat, Water Aid Nepal, Media Help Line र WaSH Khabar को संयुक्त साझेदारीमा सचालन भै रहेको छ l
-Habitat

नेपाल नगरपालिका संघको आयोजनामा तहगत सरकार र सरोकारवालाहरु बिच स्थानीय स्तरमा रोजगारीका अवसरहरु सृजना गर्न वैदेशिक रोजगार सम्बन्धी ऐन, नीति, नियम, कार्यविधि, निर्देशिका लगायतका विषयमा मिति २०८२ कार्तिक १८ गते मंगलबार कोशी प्रदेशको बिराटनगरमा बैठक सम्पन्न भएको छ l नेपाल नगरपलिका संघका केन्द्रिय अध्यक्ष एव निलकन्ठ नगरपालीकका नगर प्रमुख भिम प्रसाद ढुंगानाको अध्यक्षतामा बैठकमा भएको थियो भने बेलबारी नगरपालिका नगर प्रमुख एवंम् कोशी प्रदेश संयोजक दिल प्रसाद राई ले स्वागत मन्तब्य राख्नु भएको थियो l नगरपालिका संघका कार्यक्रम प्रबन्धक मुस्कान श्रेष्टले संघको तर्फबाट संघले बैदेशिक रोजगारका क्षेत्रमा गरेको कार्यको प्रस्तुती सहित बैठकको उदेश्य माथी प्रकाश पार्नु भएको थियो l बैठकमा सुर्योदय, मेचीनगर, उर्लाबारी, रामधुनी, कटारी, दिक्तेल रुपाकोट मझुवागढी नगरपालिकाका नगर प्रमुख/उप-प्रमुख र कानेपोखरी गाँउपालिका का अध्यक्ष सहित कोशी प्रदेश सरकारको प्रतिनिधित्व गर्दै सामाजिक विकास मन्त्रालयका निमीत्त सचिव र माहाशाखा प्रमुख लगायत आर्थिक मामिला तथा योजना मन्त्रालय, मुख्यमन्त्री तथा मन्त्रीपरिषद्को कार्यालय, पर्यटन वन तथा वातावरण मन्त्रालय, स्वास्थ्य मन्त्रालय, उद्योग कृषि तथा सहकारी मन्त्रालय, भौतीक पूर्वाधार विकास मन्त्रालय, प्रदेश योजना यायोगबाट महाशाखा प्रमुख र रेमी परियोजना कोशी प्रदेश, सामी परियोजना कोशी प्रदेश र संयोजक एवंम् वैदेशिक रोजगारमा काम गर्ने सामाजिक संघ संस्थाहरुको सहभागीता रहेको थियो l

संघ/महासंघद्वारा अर्थ मन्त्रीको ध्यानाकर्षण ।

नेपाल नगरपालिका संघ र गाउँपालिका राष्ट्रिय महासंघ नेपालले माननीय अर्थ मन्त्री रामेश्वर खनाल समक्ष २०८२ कात्तिक ९ गते भेट गरी स्थानीय सरकार सञ्चालनका विविध विषयमा ११ बुदे ध्यानाकर्षण पत्र बुझाइएको छ। ध्यानाकर्षण पत्र बुझ्दै मन्त्री खनालले स्थानीय सरकारले उठाएका सवालहरुमा नेपाल सरकार गम्भिर रहेको र कार्यान्वयनमा प्राथमिकता दिने प्रतिबद्धता जनाउनु भएको छ।

पत्राचार ।

नेपाल नगरपालिका संघका अध्यक्ष श्री भीम प्रसाद ढुगांना United Cities Local Governments Asia Pacific (UCLG ASPAC) को उपाध्यक्ष पदमा पून: निर्वाचित हुनुभएकोमा हार्दिक बधाई तथा सफल कार्यकालको शुभकामना ।

प्रेस विज्ञप्ति

हार्दिक श्रद्धाञ्जली तथा समवेदना !!

हार्दिक बधाई ।

https://l.facebook.com/l.php?u=https%3A%2F%2Fwww.onlinekhabar.com%2F2025%2F08%2F1748285%2Fdhadings-neelkantha-always-excellent-in-government-evaluations%3Ffbclid%3DIwZXh0bgNhZW0CMTEAAR6qEWQjiGF68BteVV6kVEi6xxg8J-TD9EKA7lXLFLFKyJWR521Q04W3ohCMsw_aem_CCnb4boSlGWMKEIZEDosHA&h=AT3BPr9WE6L1lfHUj-Q5n3tHdoW4XRUxXFWyUPW9ndpt0S4ZrILdgnIW4mx2GjNPDE54NJOSstZry_2es26MyPwtnpET7TwFycXvXLZ4uSasRbQ6DHhbBqAwzvTEyNLedx-0c5Q0xXfT&s=1

धादिङको नीलकण्ठ : सरकारी मूल्याङ्कनमा सधैं उत्कृष्ट देशमा संघीय लोकतान्त्रिक गणतन्त्र आएको सर्वसाधारण नागरिकले कसरी थाहा पाउने ? सैद्धान्तिक तर्क धेरै हुनसक्छन् त.....