20/09/2025
फ्याक्ट्रीमा काम गर्दा सुरक्षा र स्वास्थ्यप्रति विशेष ध्यान दिनुपर्छ। सधैं हेल्मेट, मास्क, पञ्जा, सुरक्षा जुत्ता जस्ता Safety उपकरण प्रयोग गर्नुपर्छ। मेसिन चलाउँदा कपडा, हात वा कपाल फस्ने गरी लापरबाही गर्नु हुँदैन र कम्पनीका नियम र चेतावनी पालना गर्नुपर्छ। कार्यक्षेत्र सफा राख्नु आवश्यक हुन्छ ताकि तेल, पानी वा तारका कारण दुर्घटना नहोस्। बिजुली प्रयोग गर्दा भिजेको हात नलगाउनुहोस् र मर्मत गर्दा स्विच बन्द गर्नुहोस्। भारी सामान उठाउँदा शरीरको सन्तुलन मिलाएर वा सहकर्मी/मेशिनको सहयोग लिनुपर्छ। आगो लाग्ने सम्भावना भएकाले आगो नियन्त्रणको उपाय थाहा पाउनुपर्छ र आपतकालीन बाहिरिने बाटो पहिल्यै चिन्नुपर्छ। साथै धुलो वा रसायनमा काम गर्दा मास्क प्रयोग गर्नुपर्छ र थकाइ वा निद्रा लाग्दा मेसिन नचलाउनु नै सुरक्षित हुन्छ। # # #
