29/12/2023
पाच गल्ती ।
गल्ती नम्बर १.
एच आर डी कोरिया र इ पि एस शाखा ग्वार्खो ले शिप बिल्डिङ परिक्षामा सामेल हुने परिक्षार्थी ले ' २०२३ मा हुने अर्को परिक्षामा सामेल हुन पाइने छैन ' भन्ने पहिल्यै पुर्ण जानकारी गराइसकेको थियो । तर आन्दोलन गरे पछि जे पनि हुन्छ भन्ने खराब नेपाली मनोबिज्ञान छ । अझ मेहनत गरेर २/४ महिना कसैले कुर्न सकेनन् ।
गल्ती नम्बर २.
' कोरिया भाषा परिक्षामा उतिर्ण हुनु भनेको कोरिया जाने ग्यारेन्टी हैन ' भनेर फाराम देखि , प्रश्न पत्र हुँदै प्रबेश पत्र सम्म ठुला-ठुला अक्षर ले लेखिएको हुन्छ तर हामी असाध्यै एकोहोरो छौ । नियम , कानुन बालमतलब छैन आफुलाइ चाहिँ हुनै पर्यो ।
गल्ती नम्बर ३ .
इ पि एस सग सम्बन्धित बिषयको कुनै ज्ञान नै नभएको अदालतका श्रीमान हरुले जाडको तालमा झै ' निबेदक लाई परिक्षामा सामेल गराउनु ' भनेर आदेश दियो । अनेक-अनेक आन्दोलन गरेर दिक्क भैसकेका इ पि एस कार्यलयका कर्मचारी ले पनि 'यत्रै सित्ति' भनेर १८ जनालाइ फाराम भर्न बोलायो ।
गल्ती नम्बर ४.
कि हामी छैनौ कि इ पि एस छैन भन्दै आबेग नै आबेग मा आएका साथि हरुले मन्त्रीको गाडीमा आगजानी गरे । यति धेरै बितन्डा भए पछि राज्यको प्रहरी मुकदर्शक भएर बस्न मिल्दैन गोली ठोक्यो । ठाउका ठाउँ दुई जनाको सहादत भयो एकबारको जिन्दगी सकियो ।
गल्ती नम्बर ५.
यति ठूलो घटना घटे पछि सायद कोरियाले अब नेपाल बाट कामदार लैजान पक्कै बन्द गर्छ । कोरिया नियम र पद्धतिमा चल्ने देश हो । नेपाली नलगे पनि कोरियालाइ कुनै असर पर्दैन । तर साथिहरुले २/४ महिना कुर्न नसक्दा २ जनाको ज्यान गयो , प्रहरीका निर्मम लाठीले धेरैका गरिखाने करङ हरु भाचिए , कोरियामा भबिष्य देखेका लाखौ का सपना चकनाचुर हुँदै छन् । 'रिस खाइ आफू बुद्धि खाइ अरु' भन्ने बुढापाकाको भनाइ अब लागु हुने छ ।
हार्दिक श्रद्धाञ्जली ।
# राजु श्री सरको Fb बाट
