10/09/2026
भोटेकोशी र त्रिशूली नदीमा आएको विनाशकारी बाढीका कारण धेरै नेपाली परिवारले आफ्ना प्रियजन गुमाउनुपरेको दुःखद घटनाप्रति Sigma School तथा College परिवार गहिरो दुःख व्यक्त गर्दछ। यस विपद्मा ज्यान गुमाउनुहुने सम्पूर्णप्रति भावपूर्ण श्रद्धाञ्जली तथा शोकसन्तप्त परिवारजनमा हार्दिक समवेदना व्यक्त गर्दछौँ। साथै, बाढीमा घाइते हुनुभएका सम्पूर्णको शीघ्र स्वास्थ्यलाभको कामना गर्दछौँ।
यस कठिन घडीमा बाढीपीडित तथा प्रभावित परिवारहरूको राहत र सहयोगका लागि HISSAN को खातामा जम्मा हुने गरी Sigma School तथा College का विद्यार्थी, शिक्षक तथा कर्मचारीहरूबाट संकलित रु. १,०१,७०० तथा Sigma School तथा College प्रशासनबाट रु. ४९,३०० गरी कुल रु. १,५१,००० (एक लाख एकाउन्न हजार रुपैयाँ) सहयोग प्रदान गरेका छौँ।
हामीले गरेको यो सहयोग केवल रकम मात्र होइन, दुःखमा रहेका आफ्ना नेपाली दाजुभाइ तथा दिदीबहिनीहरूप्रतिको हाम्रो साथ, संवेदना र मानवताको सानो प्रयास हो।
मानवता नै सबैभन्दा ठूलो धर्म हो। विपद्को समयमा एक–अर्काको पीडामा साथ दिनु र समाज तथा राष्ट्रप्रतिको आफ्नो जिम्मेवारी पूरा गर्नु हाम्रो साझा दायित्व हो।
हामीले दिएको सानो साथ, कसैको जीवनमा आशाको ठूलो आधार बन्न सकोस्।
Sigma Secondary School & College
Together for Humanity. Together for Nepal.
