Shree Bijeshwori Gyan Mandir Sainik Mahavidyalaya

मिति २०८३/०२/२२ गते काठमाडौं महानगरपालिका, वडा नं. २३ वडाले आयोजना गरेको नेपाल भाषा र नेपाली भाषामा आधारित महानगरपालिकास्तरीय निबन्ध र कविता प्रतियोगितामा नेपाली निबन्धतर्फ यस महाविद्यालयको कक्षा ७ का सुवाशना खड्का के.सी.ले द्वितीय स्थान तथा प्रजिश कार्कीले तृतीय स्थान हासिल गरी प्रमाणपत्रका साथ क्रमशः नगद पुरस्कार रू. १०,०००।- र रू. ५०००।- जित्‍न सफल भए ।

उक्त वडाका पूर्व वडाध्यक्ष तथा वरिष्ठ बालसाहित्यकार शान्तदास मानन्धरको स्मृतिमा आयोजित उक्त प्रतियोगितामा यस महाविद्यालयबाट कक्षा ६ देखि ९ सम्मका जम्मा ४ जना विद्यार्थीहरूले सहभागिता जनाएका थिए । प्रतियोगितामा महानगरपालिका अन्तर्गत रहेका विद्यालयहरूबाट करिब ३०० जना विद्यार्थीहरूको सहभागिता रहेको थियो।

विजेता विद्यार्थीहरूलाई महाविद्यालयको तर्फबाट हार्दिक बधाई ।

🌍 विश्व वातावरण दिवस 🌍
👉 विश्व वातावरण दिवस (World Environment Day 2026) को अवसरमा ‘Inspired by Nature. For Climate. For Our Future’ नाराका साथ विश्वभर विभिन्न कार्यक्रम गरी वातावरण दिवस मनाईरहँदा आज मिति २०८३/०२/२२ गते अर्थात June 5, 2026 को दिन यस महाविद्यालयले पनि विद्यार्थीहरूलाई विविध गतिविधिमा सहभागी गराईयो ।

👉 विद्यार्थीहरूमा वातावरण सफा राख्न प्रोत्साहन दिने र सरसफाईको महत्त्वबारे ज्ञान दिलाउने उद्देश्यले महाविद्यालयको कक्षा ७ मा अध्ययनरत विद्यार्थीहरूलाई काठमाडौंको विजेश्‍वरीस्थित विजेश्‍वरी माताको मन्दिर, शोभा भगवती माता मन्दिर र इन्द्रायणी माता मन्दिर परिसर सरसफाई कार्यक्रममा सहभागी गराइयो ।
👉 साथै, यसै अवसरमा कक्षा १,२ र ३ मा अध्ययनरत स-साना नानीहरूले पनि वातावरण विषयवस्तुसँग केन्द्रित रही क्रमशः परियोजना कार्यहरू तयार पार्ने, विभिन्न बोटबिरुवाका बीउ छर्ने र खेर जाने सामग्रीको पुनः सदुपयोग गरी उपयोगी सामग्री तयार गरे ।

👉 यस्ता क्रियाकलापबाट विद्यार्थीहरूले वातावरण संरक्षण तथा सम्वर्द्धन सम्बन्धी कार्यहरू सिक्ने अवसर प्राप्त गरे ।
🌍 🌍

✨✨ अभिमुखीकरण कार्यक्रम-२०८३ सम्पन्न ✨✨
👉 आज मिति २०८३/०२/२० गते शैक्षिक सत्र २०८३/८४ को लागि महाविद्यालयमा कक्षा ११ मा भर्ना भएका नयाँ विद्यार्थीहरूलाई स्वागतसहित अभिमुखीकरण कार्यक्रम-२०८३ (Orientation Program-2083) सम्पन्न गरियो ।

👉 महाविद्यालयका प्रिन्सिपल श्रीमती कान्ती थापा कार्की र व्यवस्थापक अधिकृत प्र.से. कन्चना सिंहको उपस्थितिमा सम्पन्न उक्त कार्यक्रममा कक्षा ११ मा नयाँ भर्ना भएका विद्यार्थीका अभिभावकहरूको समेत सहभागिता रहेको थियो ।

स-साना विद्यार्थीहरूमा नेपाली तथा अङ्ग्रेजी भाषामा सकारात्मक पठन संस्कृतिको विकास गर्न, उचित उच्चारण र अभिव्यक्तिसहित पढ्ने बानीको प्रवर्द्धन गर्न तथा आत्मविश्वासका साथ बोल्ने सीप अभिवृद्धि गर्ने उद्देश्यले आज मिति २०८३/०२/१९ गते यस महाविद्यालयका कक्षा ३ मा अध्ययनरत विद्यार्थीहरूको सहभागितामा “Read to the Principal” कार्यक्रम सफलतापूर्वक सम्पन्न गरियो।

महाविद्यालय प्रिन्सिपलको कार्यालयमा आयोजित उक्त कार्यक्रममार्फत विद्यार्थीहरूले आफूले अध्ययन गरेका सामग्रीहरू प्रिन्सिपलसमक्ष वाचन गरेका थिए। यस अवसरले विद्यार्थीहरूलाई आफ्नो पठन क्षमता, उच्चारण तथा प्रस्तुतीकरण कौशल प्रदर्शन गर्ने अवसर प्रदान गर्नुका साथै आत्मविश्वास अभिवृद्धिमा समेत महत्वपूर्ण योगदान पुर्‍याएको छ।

कार्यक्रमबाट प्रिन्सिपलको कार्यालयलाई सिकाइ प्रक्रियाको एक अभिन्न अंशका रूपमा अनुभूति गर्ने अवसर विद्यार्थीहरूले प्राप्त गरेका छन्। यस्ता गतिविधिहरूले विद्यार्थीहरूमा पठनप्रतिको रुचि बढाउनुका साथै प्रभावकारी सञ्चार सीप र नेतृत्व क्षमताको विकासमा समेत सकारात्मक भूमिका निर्वाह गर्ने विश्वास लिइएको छ।

विद्यार्थीहरूलाई पाठ्यपुस्तकमा आधारित ज्ञानलाई व्यवहारिक अनुभवसँग जोड्न, अवलोकन तथा विश्लेषण क्षमता अभिवृद्धि गर्न र सिकाइलाई थप रोचक, प्रभावकारी तथा जीवनोपयोगी बनाउन महत्वपूर्ण योगदान पुर्‍याउने उद्देश्यका साथ महाविद्यालयका विद्यार्थीहरूलाई मिति २०८३/०२/१३ गते निम्नानुसार शैक्षिक अवलोकन भ्रमण गराइयोः
१. कक्षा ७ : सूर्यविनायक तथा साँगास्थित कैलाशनाथ महादेव मन्दिर
धार्मिक तथा सांस्कृतिक सम्पदाको महत्त्वबारे जानकारी प्रदान गर्न, धार्मिक स्थलहरूको सामाजिक भूमिकासम्बन्धी ज्ञान हासिल गराउन, विद्यार्थीहरूमा आध्यात्मिक तथा नैतिक चेतनाको विकास गर्न तथा प्राकृतिक वातावरण र पर्यटकीय क्षेत्रको प्रत्यक्ष अवलोकन गराउने उद्देश्यले कक्षा ७ मा अध्ययनरत विद्यार्थीहरूलाई भक्तपुरको सूर्यविनायक तथा साँगास्थित कैलाशनाथ महादेव मन्दिर (विश्वका अग्ला शिव मूर्तिहरूमध्ये एक) मा शैक्षिक अवलोकन भ्रमण गराइयो ।
२. कक्षा ८ : Simulation Science Center, कीर्तिपुर
विद्यार्थीहरूमा विज्ञानप्रति रुचि अभिवृद्धि गर्न, जिज्ञासा तथा अनुसन्धानात्मक सोचको विकास गराउन, प्रयोग तथा सिमुलेसनमार्फत सिकाइलाई थप प्रभावकारी बनाउन, वैज्ञानिक सिद्धान्त र अवधारणाहरूलाई व्यवहारिक रूपमा बुझाउन तथा आधुनिक प्रविधि एवं वैज्ञानिक उपकरणहरूको प्रयोगबारे जानकारी प्रदान गर्ने उद्देश्यले कक्षा ८ मा अध्ययनरत विद्यार्थीहरूलाई काठमाडौंको कीर्तिपुरस्थित Simulation Science Center मा शैक्षिक अवलोकन भ्रमण गराइयो ।

शैक्षिक अवलोकन भ्रमण सम्पन्न

विद्यार्थीहरूलाई ऐतिहासिक सम्पदाको संरक्षण तथा संवर्द्धनप्रति सचेत बनाउने, मन्दिरमा रहेको वास्तुकलासम्बन्धी ज्ञान प्रदान गर्ने, धार्मिक तथा सांस्कृतिक सम्पदाको परिचय गराउने, साथै हिन्दु धार्मिक ग्रन्थहरूमा उल्लेखित विषयवस्तुहरूको प्रत्यक्ष अवलोकनमार्फत ज्ञान अभिवृद्धि गराउने उद्देश्यले आज मिति २०८३/०२/१८ गते कक्षा १० मा अध्ययनरत विद्यार्थीहरूलाई बज्रयोगिनी मन्दिर तथा शालिनदी क्षेत्रमा शैक्षिक अवलोकन भ्रमण गराइएको छ।

भ्रमणका क्रममा विद्यार्थीहरूले ऐतिहासिक, धार्मिक तथा सांस्कृतिक महत्त्व बोकेका स्थलहरूको प्रत्यक्ष अध्ययन गर्नुका साथै विभिन्न वनस्पतिहरूको अवलोकन गरी वनस्पतिसम्बन्धी ज्ञानसमेत हासिल गरेका छन् ।

कक्षा ११ मा नयाँ विद्यार्थी भर्नाको अन्तिम नतिजा प्रकाशन सम्बन्धी सूचना !!

बालबालिकाको चौतर्फी विकासका लागि समूहमा काम गर्ने भावनाको विकासमा टेवा पुर्‍याउने र विद्यार्थीहरूलाई व्यावहारिक तथा प्रत्यक्ष अवलोकन शिक्षण सिकाईबाट ज्ञान प्रदान गर्ने उद्देश्यले आज मिति २०८३/०२/१२ गते महाविद्यालयद्वारा निम्नानुसारका कक्षामा अध्ययनरत विद्यार्थीहरूलाई विभिन्न स्थानहरूमा शैक्षिक अवलोकन भ्रमण गराइयोः
१. कक्षा ४
जैविक विविधताको बारेमा प्रत्यक्ष अवलोकन गरी विभिन्न प्रजातिका वनस्पतिहरूको प्रकार तथा सोको उपयोगिताका बारेमा जनकारी प्राप्त गर्न, काठमाडौँ उपत्यका भित्र रहेको गाउँले जिवनका बारेमा अवलोकन गराउने उद्देश्यले कक्षा ४ मा अध्ययनरत विद्यार्थीहरूलाई ललितपुरको गोदावरीस्थित राष्ट्रिय वनस्पति उद्यानमा शैक्षिक अवलोकन भ्रमण गराइयो ।

२. कक्षा ५
प्रत्यक्ष अवलोकन गराई जलविद्युत उत्पादनबारे ज्ञान प्रदान गर्न र विभिन्न प्रजातिका वनस्पतिहरूको प्रकार तथा सोको उपयोगिताका बारेमा जनकारी प्रदान गराउने उद्देश्यले कक्षा ५ मा अध्ययनरत विद्यार्थीहरूलाई काठमाडौंको सुन्दरीजल क्षेत्रमा शैक्षिक अवलोकन भ्रमण गराइयो ।

३. कक्षा ६
भक्तपुर दरबार क्षेत्रको ऐतिहासिक पृष्ठभूमिको महत्त्वपूर्ण जानकारी प्रदान गर्न, सङ्ग्रहालयमा प्रयोग भएका वास्तुकला, धातुकला र काष्ठकलाको अध्ययन अवलोकन गर्न, दरबार क्षेत्रमा अवस्थित सामाजिक, सांस्कृतिक एवम् धार्मिक पक्षहरूको अध्ययन गर्न, धार्मिक स्थानको पहिचान तथा मन्दिरमा रहेको वास्तुकलाका बारेमा ज्ञान दिलाउन र त्यस क्षेत्रको वर्तमान अवस्थाको जानकारी दिलाई संरक्षणका लागि विद्यार्थीहरूले आफ्नो तहबाट गर्नुपर्ने दायित्वबारे जानकारी लिने उद्देश्यले कक्षा ६ मा अध्ययनरत विद्यार्थीहरूलाई भक्तपुर दरबार क्षेत्र र चाँगुनारायण मन्दिरमा शैक्षिक अवलोकन भ्रमण गराइयो ।

Educational Excursion-2083
Grade I-III

विद्यार्थीहरूलाई व्यवहारिक तथा अनुभवात्मक ज्ञान प्रदान गर्ने उद्देश्यले मिति २०८३/०२/११ गते महाविद्यालयद्वारा निम्नानुसारका कक्षामा अध्ययनरत विद्यार्थीहरूलाई विभिन्न स्थानहरूमा शैक्षिक अवलोकन भ्रमण गराइयोः

१. कक्षा १
विभिन्न प्रजातिका वनस्पतिहरूको परिचय तथा उपयोगिताबारे जानकारी दिलाउन, स्थानीय खानाका परिकार तथा कृषि औजारबारे ज्ञान प्रदान गर्न, जैविक विविधताको प्रत्यक्ष अवलोकन गराउन, साथै काठमाडौँ उपत्यकाभित्रको ग्रामीण जीवनशैलीसँग परिचित गराई समूहमा कार्य गर्ने भावनाको विकास गराउने उद्देश्यले कक्षा १ मा अध्ययनरत विद्यार्थीहरूलाई ललितपुरको थेचोस्थित Agri Studio मा शैक्षिक अवलोकन भ्रमण गराइयो ।

२. कक्षा २
कला र रङ्गहरूको अवलोकनमार्फत विद्यार्थीहरूको कल्पनाशक्ति अभिवृद्धि गर्न, नेपाली संस्कृति, ग्रामीण जनजीवन तथा ऐतिहासिक सम्पदाबारे जानकारी गराउन, वन्यजन्तु, जलयात्रा तथा हिमाल–नदीनालाजस्ता रोचक विषयवस्तुहरूसँग परिचित गराउन, साथै खेल तथा मनोरञ्जनका माध्यमबाट सिकाइलाई व्यवहारिक, रोचक र उत्साहजनक बनाउँदै सामूहिक भ्रमणमार्फत आपसी सहकार्य र अनुशासनको विकास गराउने उद्देश्यले कक्षा २ मा अध्ययनरत विद्यार्थीहरूलाई ललितपुरको इमाडोलस्थित 3D Art Museum मा शैक्षिक अवलोकन भ्रमण गराइयो ।

३. कक्षा ३
विद्यार्थीहरूलाई मनोरञ्जनसँगै विभिन्न प्रकारका बोटबिरुवा तथा जनावरबारे जानकारी प्रदान गर्न, जलविद्युत् उत्पादन प्रक्रिया, नेपाली परम्परागत साधन, नेपाली संस्कृति तथा कृषि उत्पादनसम्बन्धी व्यवहारिक ज्ञान दिलाउन, साथै सामूहिक भ्रमणमार्फत आपसी सहकार्य र अनुशासनको विकास गराउने उद्देश्यले कक्षा ३ मा अध्ययनरत विद्यार्थीहरूलाई भक्तपुरको सिरुटारस्थित Tiger Lily Petting Farm मा शैक्षिक अवलोकन भ्रमण गराइयो ।

लिखित प्रवेश परीक्षा (कक्षा ११)को नतिजा प्रकाशन सम्बन्धी सूचना !

अन्तर्वार्ता मिति:
विज्ञान समूह: मिति २०८३ जेठ १२ गते मङ्गलबार
व्यवस्थापन समूह: मिति २०८३ जेठ १३ गते बुधबार