Everest Smart Education Academy

24/09/2026

आदरणीय अभिभावकज्यूहरू, शिक्षक, कर्मचारी तथा विद्यार्थी नानीबाबुहरू
नमस्कार।

देशभर भारी वर्षा तथा प्रतिकूल मौसम रहने पूर्वानुमान तथा यसबाट बाढी, पहिरो, डुबान, नदी कटान, सडक अवरोध लगायतका जोखिम उत्पन्न हुन सक्ने अवस्थालाई मध्यनजर गर्दै नेपाल सरकार, शिक्षा तथा खेलकुद मन्त्रालयबाट जारी सार्वजनिक सूचना तथा बिर्तामोड नगरपालिका, शिक्षा, युवा तथा खेलकुद शाखा एवम् बिर्तामोड प्याब्सनबाट प्राप्त निर्देशनअनुसार विद्यार्थी, शिक्षक तथा कर्मचारीहरूको सुरक्षा सुनिश्चित गर्ने उद्देश्यले मिति २०८३ साल असोज ९ गते शुक्रबार विद्यालयमा एक दिन बिदा रहने व्यहोरा सम्बन्धित सबैमा जानकारी गराइन्छ।

यस अवधिमा सम्भवत असोज ११ गतेसम्म, सम्पूर्ण विद्यार्थीहरूलाई घरमै सुरक्षित रहन तथा अभिभावकज्यूहरूलाई आफ्ना नानीबाबुहरूलाई नदी, खोला, पोखरी, डुबान क्षेत्र तथा अन्य जोखिमयुक्त स्थानमा जान नदिनुहुन र प्रतिकूल मौसमका कारण उत्पन्न हुन सक्ने सम्भावित जोखिमप्रति विशेष सतर्कता अपनाई सुरक्षामा आवश्यक ध्यान दिनुहुन हार्दिक अनुरोध गर्दछौँ।

धन्यवाद।

अनुप शर्मा
प्रिन्सिपल

14/09/2026

राष्ट्रिय बाल दिवसको हार्दिक शुभकामना!

बालबालिका केवल हाम्रो भविष्य होइनन्, आजको सुन्दर सम्भावना हुन्। उनीहरूको बालपन सुरक्षित, आवाज सम्मानित र सपनाहरू स्वतन्त्र हुन सक्ने वातावरण निर्माण गर्नु हामी सबैको साझा जिम्मेवारी हो।

आउनुहोस्, हरेक बालबालिकालाई माया, अवसर, सम्मान र सुरक्षित बालपन दिऔँ।

बालपनको रक्षा, भविष्यको सुरक्षा।

14/09/2026

हरितालिका तीजको हार्दिक शुभकामना!

तीज हाम्रो परम्परा र संस्कृतिको उत्सव मात्र होइन, प्रेम, सम्मान र आत्मीयतासँगै समानता र सहअस्तित्वको मूल्य सम्झने अवसर पनि हो।

परम्पराको सुन्दरता जोगाउँदै, हरेक सम्बन्धमा समान सम्मान, हरेक आवाजमा समान स्थान र हरेक सपनालाई समान अवसर प्राप्त हुने समाज निर्माणतर्फ हामी अघि बढौँ।

यस पावन अवसरमा सम्पूर्ण अभिभावकज्यूहरूमा सुख, शान्ति, सुस्वास्थ्य र समृद्धिको हार्दिक मंगलमय शुभकामना।

एभरेष्ट स्मार्ट एजुकेशन एकेडेमी परिवार

स्नेह, समर्पण र संस्कृतिको सुन्दर पहिचान बोकेको उल्लासमय पर्व हरिता...

09/09/2026

आदरणीय अभिभावकज्यू
नमस्कार ।

विषय: अन्तरक्रिया कार्यक्रम सम्बन्धमा

कक्षा १० मा अध्ययनरत नानीबाबूहरूको शैक्षिक प्रगति, नियमित पठनपाठन, व्यवहार, अनुशासन तथा अन्य बिबिध समसामयिक विषयहरूका सम्बन्धमा छलफल एवं अन्तरक्रिया कार्यक्रम आयोजना गरिएको हुँदा हजुरको अनिवार्य उपस्थितिका लागि हार्दिक अनुरोध गर्दछौं ।

कार्यक्रमको विवरण:

• मिति: २०८३ साल भाद्र २५ गते बिहिबार
• समय: दिउँसो १:३० बजे – ३:३० बजे सम्म
• स्थान: विद्यालय परिसर

विद्यार्थीहरूको सर्वाङ्गीण विकास तथा शैक्षिक उपलब्धिलाई थप प्रभावकारी बनाउन अभिभावक र विद्यालयबीचको सहकार्य अत्यन्त महत्वपूर्ण हुने भएकाले निर्धारित समयमै अनिवार्य उपस्थित भई कार्यक्रमलाई सफल बनाउन सहयोग गरिदिनुहुन अनुरोध गर्दछौं ।

धन्यवाद ।

अनुप शर्मा
प्रिन्सिपल

08/09/2026

आज हामी आफ्ना सपना, आवाज र उज्ज्वल भविष्यका लागि जीवन अर्पण गर्ने वीर युवा आत्माहरूप्रति भावपूर्ण श्रद्धाञ्जली अर्पण गर्दछौँ।

वहाँहरूको बलिदानले हामीलाई एउटा जिम्मेवारी सुम्पिएको छ न्याय, स्वतन्त्रता र आशाले भरिएको नेपाल निर्माण गर्ने। त्यो सपना हाम्रो सोच, शिक्षा र कर्मबाट निरन्तर जीवित रहोस्।

वहाँहरूको साहस, आवाज र बलिदान सधैँ हाम्रो स्मृतिमा अमर रहोस्।

श्रद्धाञ्जली। सम्मान। सम्झना।

07/09/2026

हार्दिक धन्यवाद तथा आभार

राष्ट्रिय विपद्का कारण प्रभावित परिवारहरूको सहयोगार्थ गरिएको राहत अभियानमा एभरेष्ट स्मार्ट एजुकेशन एकेडेमी परिवारका अभिभावकज्यूहरू, नानीबाबु, शिक्षक–कर्मचारी एवम् विद्यालय ब्यावस्थापनको तर्फबाट प्राप्त सामूहिक योगदानप्रति हार्दिक आभार व्यक्त गर्दछौँ।

यस अभियानमा:

• नानीबाबु तथा अभिभावकहरूको योगदान: रु. ६१,०००/-
• शिक्षक तथा कर्मचारीहरूको योगदान: रु. ६४,०००/-
• विद्यालयको योगदान: रु. ५०,०००/-
जम्मा: रु. १,७५,०००/-

उठेको रकम PABSON को खातामा जम्मा गरिएको छ। यस रकमसहित देशभरका विद्यालयहरूबाट संकलित सम्पूर्ण सहयोग रकम PABSON केन्द्रीय नेतृत्वको पहल तथा समन्वयमा नेपाल सरकारलाई हस्तान्तरण गरिनेछ र विपद प्रभावित परिवारहरूको राहत तथा सहयोगमा उपयोग गरिनेछ।

यो योगदान विपदमा परेका परिवारहरूप्रतिको हाम्रो मानवीय संवेदना, ऐक्यबद्धता र सामाजिक उत्तरदायित्वको अभिव्यक्ति हो।

हामी हृदयदेखि नै कामना गर्दछौँ यस्ता पीडादायी विपद्हरू फेरि कहिल्यै नदोहोरियोस। तर, आवश्यकतामा रहेकाहरूको साथमा उभिनुपर्ने जुनसुकै घडीमा हामी सदैव सक्दो सहयोग गर्न तत्पर रहनेछौँ।

यस अभियानमा मन, भावना र सहयोगका साथ जोडिनुहुने सम्पूर्ण अभिभावकज्यूहरू, शिक्षक–कर्मचारीहरू तथा विद्यालय ब्यवस्थापन परिवारप्रति हार्दिक धन्यवाद एवं कृतज्ञता।

आशिष प्रसाई अनुप शर्मा
प्रबन्ध निर्देशक प्रिन्सिपल

06/09/2026

आदरणीय अभिभावकज्यू,
नमस्कार!

नेपाल सरकारको निर्णयबमोजिम भदौ २२ गते रसुवा बाढी तथा पहिरोमा परी ज्यान गुमाउनुभएका दिवंगतहरूप्रति श्रद्धाञ्जली अर्पण गर्दै राष्ट्रिय शोक मनाउने निर्णय भएको व्यहोरा सम्बन्धित सबैमा जानकारी गराइन्छ, सार्वजनिक बिदा नभएकोले विद्यालय नियमित रूपमा सञ्चालन हुनेछ।

भदौ २३ गते ‘जेन्जी शहीद दिवस’ का अवसरमा सार्वजनिक बिदा रहेकाले विद्यालयको पठनपाठन तथा सम्पूर्ण प्रशासनिक कार्यहरू पूर्ण रूपमा स्थगित रहनेछन्।

विद्यालय भदौ २४ गतेदेखि यथावत् रूपमा सञ्चालन हुनेछन्।

धन्यवाद।

अनुप शर्मा
प्रिन्सिपल

04/09/2026

ज्ञानले विवेक देओस्,
कर्मले चरित्र बनाओस्,
र प्रेमले संसार सुन्दर बनाओस्।

भगवान कृष्णका यी शाश्वत शिक्षासँगै
श्रीकृष्ण जन्माष्टमीको हार्दिक शुभकामना!

31/08/2026

समाचार सम्प्रेषणको निम्ति धन्यवाद!

31/08/2026

More feathers in the Everest cap, more reasons to celebrate!