Everest Smart Education Academy

“Small steps today a greener tomorrow “. All about world environment day celebration by pre primary block

विश्व वातावरण दिवसको अवसरमा एभरेस्ट स्मार्ट बाल क्लबको सक्रिय नेतृत्व एभरेस्ट स्मार्ट एजुकेसन एकेडमीका विद्यार्थी नानीबाबुहरूले आज विर्तामोड वडा नं. ६ स्थित हरियाली सामुदायिक वन क्षेत्रमा वृक्षरोपण कार्यक्रम सम्पन्न गरेका छन्।

“हाम्रो पृथ्वी, हाम्रो भविष्य” भन्ने मूल नारालाई आत्मसाथ गर्दै आयोजित उक्त कार्यक्रममा विद्यार्थीहरूको उत्साहजनक सहभागितासँगै वातावरण संरक्षण, हरियाली प्रवर्द्धन तथा पर्यावरणीय सन्तुलन कायम गर्ने सन्देश प्रभावकारी रूपमा प्रवाह गरिएको थियो।

साथै, विद्यालयको जुनियर ब्लकका नानीबाबुहरूले विद्यालय परिसरमा फूल रोपण कार्यक्रममार्फत वातावरणप्रति प्रेम, सरसफाइ र हरियाली संरक्षणको सन्देश फैलाउँदै उत्साहपूर्ण सहभागिता जनाएका थिए।

आदरणीय अभिभावकज्यूहरू,

विश्व वातावरण दिवसको अवसरमा यहाँहरूमा हार्दिक शुभकामना व्यक्त गर्दछौं।

स्वच्छ, हरियाली र स्वस्थ वातावरण नै हाम्रो तथा भावी पुस्ताको उज्ज्वल भविष्यको आधार हो। वातावरण संरक्षण केवल एक दिनको अभियान नभई हाम्रो दैनिक जीवनशैली र जिम्मेवारी बन्नुपर्दछ। घर, विद्यालय तथा समुदायमा वातावरणमैत्री बानीहरूको विकास गर्दै हाम्रा नानीबाबुहरूलाई प्रकृतिप्रेमी, जिम्मेवार र सचेत नागरिकका रूपमा हुर्काउन हामी सबैको साझा प्रयास आवश्यक छ।

यस अवसरमा वृक्षारोपण, प्लास्टिकको न्यून प्रयोग, पानी तथा ऊर्जाको संरक्षण, सरसफाइ तथा जैविक विविधताको संरक्षणजस्ता सकारात्मक अभ्यासहरू अपनाउने संकल्प गरौं।

प्रकृतिको संरक्षण गरौं, हरित भविष्य निर्माण गरौं।

हार्दिक बधाई तथा शुभकामना!

महिला जनचेतना केन्द्रद्वारा आयोजित “बाल विवाह नगर्दा के हुन्छ?” शीर्षकको जिल्ला स्तरीय चित्रकला प्रतियोगितामा १४ वटा स्थानीय तहका विद्यार्थीहरूको सहभागिताबीच हाम्रो विद्यालयका अनमोल कार्कीले तेस्रो स्थान हासिल गर्न सफल भएकोमा हार्दिक बधाई तथा उज्ज्वल भविष्यको शुभकामना व्यक्त गर्दछौँ।

यस सफलताका लागि मार्गदर्शन गर्नुहुने शिक्षकवर्ग, अभिभावकज्यू तथा आयोजकप्रति हार्दिक आभार व्यक्त गर्दछौँ।

महिला जनचेतना केन्द्रद्वारा "बाल विवाह तथा कम उमेरमा हुने विवाह न्यूनिकरण" विषयक जिल्ला स्तरीय कार्यशाला गोष्ठी तथा चित्रकला प्रतियोगितामा सहभागि हुँदै विद्यालयका विद्यार्थी नानीबाबुहरु।