15/05/2026
पुनर्योग (Retotal), उत्तरपुस्तिका हेर्ने र पुनः परीक्षण (Recheck) गराउने व्यवस्था संवादबाट बुझ्नुहोस्।
(विद्यार्थी र राष्ट्रिय परीक्षा बोर्डबीचको संवाद)
विद्यार्थी: हिजो प्रकाशित कक्षा १० को परीक्षाफलमा मलाई चित्त बुझेन। के म पुनर्योग, उत्तरपुस्तिका हेर्न, र पुनः परीक्षण गराउन सक्छु?
राष्ट्रिय परीक्षा बोर्ड: पक्कै पनि गर्न सक्नुहुन्छ। तर यी सबै प्रक्रिया तोकिएको विधिअनुसार पालना गर्नुपर्छ।
विद्यार्थी: के म अहिले पुनर्योग (Retotal) गराउन सक्छु?
राष्ट्रिय परीक्षा बोर्ड:
अवश्य २०८३ जेठ १ गतेदेखि ७ गतेसम्म सक्नुहुन्छ। पुनर्योगका लागि प्रति विषय शुल्क रू. ५००/- र tax तथा अन्य सेवा शुल्क लाग्न सक्छ। तपाईंले अनलाइन प्रणालीबाटै पुनर्योगको लागि आवेदन दिन सक्नुहुन्छ।
विद्यार्थी: पुनर्योगको नतिजा आएपछि पनि मलाई अझै चित्त बुझेन। के म आफ्नो उत्तरपुस्तिका हेर्न पाउँछु?
राष्ट्रिय परीक्षा बोर्ड: हो, तपाईंले आफ्नो उत्तरपुस्तिका हेर्न सक्नुहुन्छ। तपाईंले आफ्नो अभिभावक र सम्बन्धित विषयविज्ञसँग बसेर परीक्षा नियन्त्रण कार्यालय, रापबो, सानोठिमी, भक्तपुरमा उत्तरपुस्तिका अवलोकन गर्न सक्नुहुन्छ।
विद्यार्थी: त्यसका लागि आवश्यक कागजातहरू के–के चाहिन्छ?
राष्ट्रिय परीक्षा बोर्ड: विद्यालयको छापसहितको निवेदन, प्रधानाध्यापकको हस्ताक्षर, विद्यार्थीको दस्तखतसहित फोटो टाँसिएको निवेदन, र मञ्जुरीनामा। यस सेवाको लागि प्रति विषय रू. २०००/- शुल्क लाग्नेछ।
विद्यार्थी: मैले उत्तरपुस्तिका पनि हेरेँ, तर मूल्याङ्कनमा अझै पनि सन्तुष्ट भइनँ। के म पुनः परीक्षण (Recheck) गराउन सक्छु?
राष्ट्रिय परीक्षा बोर्ड: अवश्य सक्नुहुन्छ। तर पुनः परीक्षण गर्दा तपाईँले पहिले पाएको अङ्कभन्दा कम्तीमा १०% भिन्नता हुनुपर्नेछ। पुन: परीक्षण ३ जना विषय विज्ञबाट गरिनेछ। तीनवटा विषय विज्ञबाट आएको प्राप्ताङ्कलाई ३ ले भाग गरी नयाँ प्राप्ताङ्क प्राप्त हुनेछ। त्यसपछि कम्तिमा १०% भन्दा माथि भिन्नता भएमा मात्र तपाईंले नयाँ ग्रेड, GPA सहित नवीनतम शैक्षिक प्रमाणपत्र प्राप्त गर्नुहुन्छ। यस सेवाको शुल्क पनि प्रति विषय रू. २००० रहनेछ।
विद्यार्थी: थप जानकारी कहाँबाट प्राप्त गर्न सकिन्छ?
राष्ट्रिय परीक्षा बोर्ड:
