18/09/2024
तत्कालीन शैलपुत्री प्रा बि का एक बिधार्थी एबम हाम्रा जेष्ठ अभिभावकले एक दिन गुनासो पोख्नुभयो "मलाई थाहा छैन मेरो विद्यालयका साथीहरू कहाँ छन्। उनीहरू के गर्दैछन्? अहिले कहाँ बस्छन्? मलाई यो पनि थाहा छैन कि उनीहरूको घर कता हो ? मलाई भित्रि मन देखि चै फेरी भेट होला झैँ लाग्दैन । फेरी भेटे त बाल्यकालका ती दिनहरूको अनुभवहरु साटासाट गर्न मन त थियो नि, के गर्नु र चाहेर मात्रै नहुनी रैछ !"
सायद उहा जस्तै हामी सबैलाइ ती बाल्यकालका, विद्यालयकालका , साथीसंगीहरुसंगका घटनाहरु मानसपटलमा छरपस्ट होलान। यो बिज्ञानले सारा संसार लाइ एक बनाईसकेको अवस्थामा पनि हामी तिनै पुराना साथीभाइ संग टाढा किन छौ त ?
यसै अभिप्रायले पुराना सहपाठीहरुलाइ एकैठाउँ एकीकृत, सहकार्य एबम सहयोग गर्ने उदेश्यका साथ यो संस्था "शैलपुत्री भूतपुर्व विद्यार्थी समाज स्पा" Shailaputri Alumni Association (SPAA) संगठित भएको छ। वि सं २०१७ मा शैलपुत्री माध्यमिक विद्यालय(तत्कालिन समयमा प्राथमिक विद्यालय) को रुपमा विद्यालय स्थापना भएपश्चात् हालको अवस्थासम्म आइपुग्दा धेरै व्यक्तिहरुले उक्त विद्यालयबाट आफ्नो पूर्ण वा आंशिक अध्ययन सम्पन्न गरेका छन् ।तिनै पूर्व विद्यार्थीहरुलाई एउटै छातामा जोडि समस्त पूर्व विद्यार्थी, विद्यालय तथा समग्र पक्षको हितमा राखि यो संस्थाको परिकल्पना गरिएको हो।
हामी २०१७ देखिका सबै पूर्व विद्यार्थीहरूलाई एकत्रित गर्न चाहन्छौं, एउटा छाता संगठन स्पाको रूपमा।शैलपुत्री मावि मा जुनकुनै समयमा अध्ययन गरि विद्यालय छाडेका सबैले यस संस्थाको सदस्यता प्राप्त गर्न सक्ने विधानत व्यवस्था छ ।
यहाँहरु सबैले स्पा वेबसाइट https://spaa.org.np/member-registration मा आ-आफ्नो निःशुल्क प्रोफाइल बनाउनुहुने छ सामाजिक संजालहरुमा पोस्ट गरि सम्पूर्ण पूर्व बिधार्थीहरुसम्म यो सूचना प्रबाह गरि धेरै भन्दा धेरै पूर्व विद्यार्थीहरुलाई यस संगठनमा समाहित गर्न मद्दत गर्नुहुने छ भन्नेमा पनि आशाबादी छौ।
यी जेष्ठ अभिभावक लगायत तमाम युवा बिधार्थी साथीहरुको लागि आफ्नो सहपाठीहरुसंग सम्पर्क, सहयोग एबम सहकार्यको लागि स्पा एक सामुहिक थलो बनोस् भन्ने हाम्रो चाहना छ।
यस सस्थामा आबद्ध हुन तलको लिंकमा click गरि form भर्नु होला। सके सम्म बिद्यालयमा भर्ना भएको लगायत विवरण सहि भर्नु होला।
पुनस्च: तपाईहरु को गोपनितयाको लागि फोन न लगायत विवरण सार्बजनिक गर्ने वा नगर्ने विकल्प पनि दिइएको छ।
धन्यवाद !
https://spaa.org.np/member-registration
SPAA Members
