Shree Gyan Marga Higher Secondary School

Shree Gyan Marga Higher Secondary School is an institution designed for the teaching of students under the direction of teachers, established in 2038 BS.

A school is where people learn and study. It is situated is Gorkha District at Ghyalchok V.D.C. It is established in 2038 B.S. It is located at very beautihul & peaceful place without any pollution, noise and dust. The atmosphere of school is wonderful where lots of natural scenery and greenery are available.

01/06/2021

Mention your best friend 💕

01/11/2020

कक्षा–१२ को परीक्षा समय डेढ घन्टा मात्र, ४० अंकका लागि परीक्षा

कक्षा–१२ को परीक्षा समय डेढ घन्टा मात्र, ४० अंकका लागि परीक्षा nayapatrikadaily.com | भवानीश्वर गाैतम काठमाडौं २०७७ कार्तिक १६ आइतबार ०५:५०:०० ९ मंसिरदेखि सुरु हुने कक्षा–१२ को परीक्षामा पु.....

03/09/2020

बन्यो यस्तो चिप, जसबाट मानिसको मेमोरी ब्याकअप गर्न सकिने !
-------------------------------------------------------------------------
तपाइँले आफ्नो मेमोरीलाई ब्याकअप गर्न सक्नुहुन्छ। तपाइँको दिमाग एउटा चिपबाट नियन्त्रण गर्न सकिनेछ। कयौँ रोगहरु निको हुन सक्छन्। एउटा चिपले तपाइँको दिमागलाई अपरेट गर्न सक्छ।

यी सबै कुरा सुन्नमा अचम्म लाग्न सक्छ। तर यो वास्तविकतामा परिणत हुन सक्छ। यो कुनै साइन्स फिक्सन फिल्मको दृश्य होइन। यो त विश्वकै तेस्रा धनी व्यक्ति एलन मस्कले भविष्यमा वास्तविकतामा परिणत गर्न लागेको प्रयास हो।

एलन मस्क अमेरिकी धनाढ्य व्यावसायी हुन्। जसले विद्युतीय कारलाई वास्तविकतामा परिणत गरेका थिए। यसका साथै उनी अहिले मंगल ग्रहमा मावन बस्ती बसाउने अभियानमा लागेका छन्।

एलन मस्कको कम्पनी न्युरालिंक पछिल्ला कयौँ वर्षदेखि मानव दिमाग पढ्न सक्ने चिपमाथि काम गरिरहेको छ। अहिले कम्पनीले सुँगुरको दिमागमा यो चिपलाई राखेर काम गरेको छ।

न्युरालिंकले सिक्काको आकारको चिपको प्रदर्शन सुँगुरको दिमागमा राखेर गरेको छ। यो यस्तो चिप हो जुन पछि मानव मष्तिस्कमा पनि फिट गर्न सकिनेछ। स्कल सर्जरीका माध्यमबाट यसलाई मानव दिमागमा फिट गर्न सकिने कम्पनीले दाबी गरेको छ।

यो चिपको लन्च इभेन्टमा एलन मस्कले विश्वलाई तीनवटा यस्ता सुँगुर देखाएका थिए। जसमध्ये एउटाको दिमागमा चिप थियो, दोस्रोको दिमागमा चिप लागाएर निकालिएको थियो र तेस्रोको दिमागलाई त्यतिकै छोडिएको थियो। न्युरालिंकको टिमलाई आधार मान्ने हो भने सुँगुरमाथि गरिएको यो परीक्षण सफल भएको छ।

गरटुर्ड नामको सुँगुरको दिमागमा लगाइएको चिपका माध्यमबाट उसको दिमागमा चलिरहेको सोचविचार वायरलेस सिग्नलमार्फत कम्प्युटरमा देख्न सकिन्थ्यो।

कम्पनीका अनुसार उनीहरुको चिपमा ३ हजार इलेक्ट्रोइड्स लगाइएका छ। जसले मावन दिमागको १ हजार न्युरोनलाई पढ्न सक्छन्। न्युरोन अर्थात् दिमागका कोशिकाहरु। जसले शरीरको बाँकी कोशिकालाई मुभमेन्ट स्पिच र बाँकी क्रियाकलापका लागि संकेत दिने गर्दछन्। यो चिपले सिग्नल रेकर्ड गर्ने गर्दछ। त्योे ईसीसी ग्राफजस्तै देखिने गर्दछ।

एलन मस्कका अनुसार उनको यो पाथब्रकिङ चिपले मानव दिमागको सिग्नल पढ्न सक्नेछ। जसका कारण मेमोरीको ब्याकअप सम्भव हुन सक्नेछ। यसको अर्थ दिमागसँग जोडिएका रोगहरु जस्तै– स्पाइनल कर्ड र मुभमेन्टसँग जोडिएका रोगहरु यो चिपका माध्यमबाट निको हुन सक्छ। किनकि दिमागलाई यो चिपका माध्यमबाट नियन्त्रण गरिनेछ।

मस्कले यो चिपले नोक्सानी पनि गर्न सक्ने स्वीकारेका छन्। किनकि चिपका माध्यमबाट दिमाग नियन्त्रण गरेर जुनसुकै काम पनि गराउन सकिन्छ। – एजेन्सी

05/07/2020

24/06/2020

यसरी निकालिनेछ एसईईको नतिजा
—————-

सुदीप कैनी
विद्यालयले पछिल्लो पटक लिएको परीक्षाको अंकका आधारमा साउन दोस्रो सातासम्म नतिजा प्रकाशन गरी प्रमाणपत्र जारी गरिने

नतिजामा त्रुटि भए र छुटेमा निवेदन दिन सकिने

काठमाडौँ — विद्यालयले पछिल्लो पटक सञ्चालन गरेको कक्षा १० को परीक्षाका आधारमा एसईईका विद्यार्थीलाई प्रमाणपत्र दिने गरी राष्ट्रिय परीक्षा बोर्डले कार्यविधि स्वीकृत गरेको छ । यो कार्यविधि २०७६ सालमा एसईई परीक्षा दिने ४ लाख ८२ हजार विद्यार्थीका लागि मात्र लागू हुनेछ ।

मन्त्रिपरिषद्को बैठकले जेठ २८ मा एसईई परीक्षा रद्द गर्दै विद्यालयले गरेको अन्तिम मूल्यांकनका आधारमा प्रमाणपत्र उपलब्ध गराउने निर्णय गरेको थियो । उक्त निर्णयको आधारमा बोर्डले विद्यालय तहमा नै मूल्यांकन समिति बनाएर विद्यार्थीले प्राप्त गरेको अंक संकलनसहित नतिजा प्रकाशन गर्नेसम्मको कार्यविधि स्वीकृत गरेको हो । बोर्डका सदस्य सचिव दुर्गाप्रसाद अर्यालको संयोजकत्वमा तीन सदस्यीय कार्यविधि निर्माण समिति गठन भएको थियो । समितिले विद्यार्थीको अन्तिम प्राप्तांक तय गर्ने तरिका (सूत्र) सहित कार्यविधि तयार पारेको हो ।

बोर्डले मंगलबार कार्यविधि स्वीकृत गरेर जारी गरेको अर्यालले जानकारी दिए । सामान्यतया विद्यालयमा पहिलो, दोस्रो र अन्तिम त्रैमासिक परीक्षा सञ्चालन हुन्छ । त्यसपछि मात्रै एसईई परीक्षा लिने गरिएको थियो । यस पटक कोरोना महामारीका कारण एसईई परीक्षा रद्द भएसँगै परीक्षार्थीलाई यसअघि अन्तिम पटक सञ्चालित परीक्षाका आधारमा प्रमाणपत्र दिने गरी कार्यविधि बनाइएको सदस्य सचिव अर्यालले जानकारी दिए । उनका अनुसार कुनै विद्यालयले अन्तिम त्रैमासिक परीक्षा सञ्चालन नगरेका रहेछन् भने दोस्रो त्रैमासिक परीक्षालाई नै अन्तिम परीक्षा मानिनेछ ।

दोस्रो त्रैमासिक परीक्षा पनि सञ्चालन नगर्ने विद्यालयले कार्यविधिको सूत्र प्रयोग गरेर पहिलो त्रैमासिक परीक्षाका आधारमा नै अंक पठाउन सक्छन् । सोही अंकलाई आधार मानेर एसईई परीक्षाको प्रमाणपत्र जारी हुनेछ । ‘विद्यालयले जुन परीक्षा सबैभन्दा पछिल्लो पटक लिएको छ, त्यसलाई अन्तिम परीक्षाको मान्यता दिने कार्यविधिले तय गरेको छ,’ परीक्षा नियन्त्रण कार्यालयअन्तर्गत कक्षा १० का परीक्षा नियन्त्रक रामराज खकुरेलले भने, ‘जति पूर्णांकको परीक्षा सञ्चालन गरेको भए पनि त्यसलाई शतप्रतिशत पूर्णांकमा रूपान्तरण गर्ने सूत्र तयार पारेका छौं ।’

प्राप्तांक सिफारिस गर्न समिति

विद्यार्थीले आन्तरिक परीक्षामा प्राप्त गरेको अंकलाई जिल्लास्थित शिक्षा विकास तथा समन्वय इकाई हुँदै बोर्डमा पठाउनुपर्ने व्यवस्था गरिएको छ । त्यसका लागि विद्यालय तहमा नै मूल्यांकन समिति रहनेछ । प्रधानाध्यापक अध्यक्ष रहने तीन सदस्यीय मूल्यांकन समितिले विद्यार्थीले ल्याएको अंक सिफारिस गर्ने अर्यालले जनाए । समितिमा कक्षा १० का कक्षा शिक्षक र नियुक्तिका आधारमा ज्येष्ठ शिक्षक सदस्य रहनेछन् ।

उक्त समितिले विद्यालयद्वारा गरिएको अन्तिम मूल्यांकनको विवरण कायम गर्नेछ । विवरण कायम गर्न बोर्डले नमुना फारमसमेत तय गरेको छ । विद्यार्थीको प्राप्त अंकसहितको फारम समितिका सदस्यहरू र इकाई प्रमुखले प्रमाणित गर्नुपर्नेछ । सैद्धान्तिक र प्रयोगात्मक परीक्षाको मूल्यांकनका लागि छुट्टाछुट्टै सूत्र कायम गरिएको छ । प्रयोगात्मक अंकका लागि विद्यालयले यसअगाडि नै परीक्षा सञ्चालन गरी इकाईमा पठाइसकेको विवरणलाई मान्यता दिइनेछ ।

नियमित, आंशिक र ग्रेडवृद्धि परीक्षामा सहभागी हुन आवेदन फारम भरेका साधारण, संस्कृत र प्राविधिक धारका विद्यार्थीहरूको अलग/अलग फारम तयार पारेर पठाउनुपर्ने व्यवस्था गरिएको छ । ‘परीक्षा आवेदन फारम भरेका, परीक्षा दस्तुर बुझाएका र पाठ्यक्रमले तोकेबमोजिम न्यूनतम ७५ प्रतिशत हाजिरी भएका विद्यार्थीहरूको मात्र मूल्यांकनबापतको अंक पठाउनुपर्नेछ,’ कार्यविधिमा भनिएको छ । त्यसरी पठाएको अंक नतिजा प्रकाशन नभएसम्म गोप्य राख्नुपर्ने प्रावधान छ ।

कसरी छुट्याइन्छ ग्रेड ?

कार्यविधिमा विषयअनुसार एसईई परीक्षा सञ्चालन हुने पूर्णांकका आधारमा विद्यार्थीको आन्तरिक मूल्यांकन गर्ने तरिका तोकिएको छ । एसईईमा गणितबाहेक अन्य विषयमा २५ पूर्णांकको प्रयोगात्मक परीक्षा सञ्चालन हुन्छ । सैद्धान्तिकतर्फ गणितमा १००, अन्य विषयमा ७५ पूर्णांकको परीक्षा हुन्छ । ७५ पूर्णांक भएका विषयको परीक्षामा पनि विद्यार्थीले ल्याएको अंकलाई शतप्रतिशत पूर्णांकको प्राप्तांकमा रूपान्तरण गरेर पठाउनुपर्ने व्यवस्था गरिएको हो ।

जति पूर्णांकमा विद्यालयले अन्तिम परीक्षा सञ्चालन गरेको भए पनि त्यसलाई सम्बन्धित विषयमा एसईई सञ्चालन हुने पूर्णांक बराबर मान्यता दिइने भएको हो । बोर्डमा पठाउने अंक कायम गर्न विद्यार्थीले प्राप्त गरेको प्राप्तांकलाई परीक्षा सञ्चालन भएको पूर्णांकले भाग गरेर सम्बन्धित विषयको एसईई सञ्चालन हुने पूर्णांकले गुणन गर्नुपर्नेछ । कार्यविधिमा भनिएको छ, ‘विद्यालयहरूले दिएका परीक्षाहरूमध्ये अधिकतम पाठ्यक्रम समावेश हुने गरी पछिल्लो पटक लिइएको परीक्षाको अंकलाई विषयगत पूर्णांकअन्तर्गत परिवर्तन गरी विषयगत अन्तिम मूल्यांकनको प्राप्तांक कायम गर्नुपर्नेछ ।’

त्यसरी अन्तिम अंक कायम गरी समितिले तयार पारेको विवरण विद्यालयले इकाईमा बुझाउनुपर्नेछ । इकाईले रुजु गरेर परीक्षा नियन्त्रण कार्यालयमा पठाउनुपर्ने व्यवस्था गरिएको हो । परीक्षा नियन्त्रण कार्यालयले विद्यार्थीले प्राप्त गरेको प्राप्तांकलाई अक्षरांकन पद्धति कार्यान्वयन कार्यविधि २०७२ अनुसार ग्रेडमा बदल्नेछ । ग्रेडिङ पद्धतिअनुसार बोर्डले एसईईको नतिजा प्रकाशन गरेपछि विद्यार्थीलाई ग्रेडसिट र प्रमाणपत्र वितरण सुरु हुनेछ ।

नतिजा त्रुटि र छुटेमा निवेदन दिन सकिने

आन्तरिक मूल्यांकनका आधारमा नतिजा प्रकाशन हुने हुँदा यस वर्ष पुनर्योग गराउने, उत्तरपुस्तिका हेर्ने, पुन: परीक्षण गराउने र पूरक ग्रेडवृद्धि परीक्षा सञ्चालन नहुने बोर्डले जनाएको छ । नतिजा प्रकाशनमा कुनै त्रुटि, नतिजा स्थगित वा छुट भएमा सम्बन्धित विद्यालयको सिफारिससहित नतिजा प्रकाशन भएको मितिले ३५ दिनभित्र सम्बन्धित इकाईमा निवेदन दिनुपर्ने व्यवस्था गरिएको छ ।

बोर्डले असार मसान्तभित्र विद्यालयस्थित मूल्यांकन समितिले इकाईलाई विद्यार्थीको प्राप्तांक विवरण बुझाइसक्नुपर्ने सर्कुलर गरेको छ । ‘असारभित्र विवरण लिएर साउनको दोस्रो सातासम्म नतिजा प्रकाशन गर्ने योजना छ,’ बोर्डका अध्यक्ष चन्द्रमणि पौडेलले भने, ‘विद्यालयहरूमा क्वारेन्टाइन छन्, विद्यालय प्रशासन खोलेर विवरण तयार पार्न अप्ठ्यारो छ ।’ विद्यालयले प्राप्तांक असारभित्र पठाए, साउन दोस्रो सातासम्म नतिजा प्रकाशन गर्न सकिने उनले जनाए ।

कोरोना महामारीका कारण सरकारले चैत ५ को राति एसईई परीक्षा स्थगित गरेको थियो । एसईई चैत ६ बाट सुरु हुने तालिका थियो । महामारी बढ्दै गएको र परीक्षा सञ्चालन गर्न सम्भव नभएको भन्दै जेठ २८ गते परीक्षा नै रद्द गरिएको हो ।

प्रकाशित : असार १०, २०७७ ०८:३४
Source - kantipur dainik

Photos from Shree Gyan Marga Higher Secondary School's post

11/06/2020

25/05/2020

एसईई दिन नपाएका विद्यार्थीको शैक्षिक वर्ष खेर जाँदैन : प्रधानमन्त्री
———————————-
१२ जेठ, काठमाडौं । कोरोना महामारीसँगै लम्बिएको लकडाउनका कारण एसईई परीक्षा रोकिएपछि भविश्यको चिन्तामा रुमलिएका लाखौं विद्यार्थीहरुको शैक्षिक वर्ष खेर जान नदिने सरकारले आश्वासन दिएको छ ।

सोमबार राष्ट्रका नाममा सम्वोधन गर्ने क्रममा प्रधानमन्त्री केपी शर्मा ओलीले रोकिएको एसईई परीक्षा पुन सञ्चालन गर्न सकिने अवस्था नरहेको स्पष्ट पारे । तर, सरकारले विद्यार्थीको शैक्षिक वर्ष खेर जान नदिने गरी शिक्षा मन्त्रालयले योजना ल्याउने बताए ।

‘महामारीका कारण माध्यमिक शिक्षा परीक्षा (एसईई) सञ्चालन हुनुभन्दा २ दिन अगाडि स्थगित गर्नुपरेको थियो । यो परीक्षा सञ्चालन हुन नसक्दा लाखौं विद्यार्थी अहिले अन्योलमा छन्’ प्रधानमन्त्रीले आफ्नो सम्वोधनमा भने, ‘अहिले तत्काल परीक्षा सञ्चालन गर्न सकिने अवस्था पनि विद्यमान छैन ।’

तर, विद्यार्थीको भविश्य खेर जान नदिने बताउँदै प्रधानमन्त्रीले भने, ‘एसईईका परीक्षार्थी विद्यार्थीहरुको सिङ्गो शैक्षिक बर्ष खेर जान नदिन शिक्षा, विज्ञान तथा प्रविधि मन्त्रालयले छिट्टै आवश्यक प्रबन्ध मिलाउनेछ ।’

प्रधानमन्त्री ओलीले विद्यालयहरुमा नयाँ शैक्षिक वर्षको पठन पाठनको व्यवस्थासमेत मिलाइने बताउँदै भने, ‘आवश्यक नीतिगत व्यवस्थासहित मन्त्रालयले ‘भर्चुअल कक्षा’को समेत प्रयोग गरी सबै विद्यालयहरुमा नयाँ शैक्षिक बर्षअन्तर्गतको पठन/पाठन सञ्चालनको काम अघि बढाउनेछ ।’

सरकारले एसईई दिने विद्यार्थीहरुको समस्यालाई कसरी सम्वोधन गर्छ भन्ने प्रधानमन्त्रीको सम्वोधनमा स्पष्ट व्याख्या नभए पनि सम्भवतः यसबारे मन्त्रालयले प्रष्ट कार्ययोजना ल्याउने छ ।

शिक्षा मामिलाका जानकारहरुले एसईई परीक्षा नै खारेज गरिनुपर्ने र सो तहका परीक्षार्थीहरुलाई स्वतः ११ कक्षामा भर्ना गरिनुपर्ने सुझाव दिँदै आएका छन् ।
Source: Onlinekhabar

22/05/2020

ल उत्तर भन्नुहोस त !!🤔

11/05/2020

आन्तरिक मूल्यांकनका आधारमा एसइईको ग्रेड सिट निर्धारण नहुने

प्रकाशित: May 11, 2020

शिक्षा मन्त्रालय र राष्ट्रिय परीक्षा बोर्डले माध्यमिक शिक्षा परीक्षा (एसइई), कक्षा ११ र १२ को परीक्षाको तयारी गरिरहन आग्रह गरेको छ।

कोरोना भाइरसका कारण स्थगित भएका परीक्षाको आन्तरिक मूल्यांकनका आधारमा ग्रेड सिट दिन माग भए पनि कानुनअनुसार नमिल्ने भएकाले विद्यार्थीलाई परीक्षाको तयारी थाल्न आग्रह गरिएको खबर आजको नयाँ पत्रिका दैनिकले छापेको छ।

विभिन्न संघसंस्था र संसद्मा आवाज उठे पनि अहिलेकै अवस्थामा आन्तरिक मूल्यांकनका आधारमा ग्रेड सिट दिन नमिल्ने शिक्षा मन्त्रालय र राष्ट्रिय परीक्षा बोर्डका पदाधिकारीले बताएका छन् ।

राष्ट्रिय परीक्षा बोर्डका अध्यक्ष प्रा.डा.चन्द्रमणि पौडेलले शिक्षा ऐनमा राष्ट्रिय परीक्षा बोर्डले परीक्षा लिनुपर्ने व्यवस्था भएकाले कानुनअनुसार नै अघि बढ्ने बताए । ‘कानुन संशोधन नभएसम्म परीक्षा लिनुपर्छ, सडक र सदनमा आन्तरिक मूल्यांकनका आधारमा ग्रेड सिट दिन माग गरे पनि हामी कानुन पालना गर्ने निकाय हो,’ उनले भने।

शिक्षा पत्रकार सञ्जाल नेपाल (इजोन)ले गरेको अनलाइन अन्तरक्रियामा पौडेलले जीवन जोखिममा राखेर परीक्षा नहुने स्पष्ट पारे । सामान्य अवस्था भएपछि कम्तीमा दुई हप्ताको समय दिएर परीक्षा आह्वान गर्ने उनले बताए । अहिले विश्वका ७३ बोर्डको परीक्षा स्थगित भएको पौडेलको भनाइ छ।

शिक्षा मन्त्रालयका सहसचिव तथा प्रवक्ता दीपक शर्माले मन्त्रालय अहिलेसम्म ‘पर्ख र हेर’ को अवस्था रहेको बताए ।

‘अहिले नै परीक्षाको विकल्पमा जानुपर्ने अवस्था आएको छैन, विद्यार्थीले सकेसम्म डेरा गरी बस्न नपरोस् भन्ने उद्देश्यले परीक्षाको आन्तरिक तयारी र छलफलमा छौँ,’ प्रवक्ता शर्माले भने । आन्तरिक मूल्यांकनका आधारमा सर्टिफिकेट दिने कानुनी व्यवस्था नभएकाले तयारी अवस्थामै रहन उनले आग्रह गरे।

Source - nepalkhabar.com

19/03/2020

एसइई परीक्षा स्थगित

एसइई परीक्षा स्थगितको सूचना दिँदै प्रजिअहरु – शुरबहादुर सिंहसुर्खेत । मुलुकभर यही बिहीबारदेखि शुरु हुने भनिएको माध्यमकि शिक्षा परीक्षा (एसइई) ‘कोभिड–१९’ को ...

06/03/2020

👉🏻Lets find out the correct number🤔🤔

Want your school to be the top-listed School/college in Gorkha?

Click here to claim your Sponsored Listing.

Location

Gorkha

Website

facebook.com

Address

Ghyalchok
Gorkha
34000

Opening Hours

Monday	09:00 - 17:00
Tuesday	06:00 - 16:00
Wednesday	06:00 - 17:00
Thursday	06:00 - 17:00
Friday	06:00 - 16:00
Saturday	06:00 - 16:00
Sunday	09:00 - 17:00

Shree Gyan Marga Higher Secondary School

Share

Location

Category

Website

Address

Opening Hours

Listing takedown request