Radio sailung community fm 104 mhz

बन्दकर्ताहरुलाई हार्दिक अपिल http://www.radiosailung.org/detail.php?nw_id=1959

ग्रामीण समुदायमा सञ्चारको पहुँचका लागि रेडियो शैलुङ, तपाईको हरपलको साथी सुन्नुहोस् है । (www.radiosailug.org)

" तपाईलाई १ दिनमा भेट भएका कति जनाले घर कहिले जाने भनेर सोध्नुभएको छ ??"-

“घर जानेहरु, परदेश छाड्नेहरुको संख्या दिन दिनै बढ्दै, नेपालीहरुको महान चाड विजय दशमी नजिकिदै ।”

असोज ६
दोलखाको प्रहरी प्रमुख प्रहरी नायव उपरिक्षक अजय केसीले दोलखामा शान्ति सुरक्षाको व्यवस्थालाई मजबुत बनाउन लागि परेर काम गर्ने बताउनुभएको छ ।
चाडबाडको समय नजिकिदै गईरहेको बेला यो समयमा हुन सक्ने अपराधिक गतिविधिको कडा निगरानी गर्ने केसीको भनाई छ । जिल्ला प्रहरी कार्यलय दोलखाले आयोजना गरेको पत्रकारहरु सगँको अन्तरक्र्रिया कार्यक्रममा बोल्नुहुदै भर्खरै सरुवा भएर आउनुभएको केसीले आफुलाई सहयोग गर्न दोलखाका पत्रकाहरु संग आग्रह समेत गर्नु भयो । कार्यक्रममा सहभागी पत्रकारहरुले प्रहरी र पत्रकारको सम्वन्धलाई सधै भरी सुमधुर बनाउन प्रयासरत रहने र प्रहरीले गरेको राम्रो कामलाई सधै सहयोग गर्ने वताएका छन् । पत्रकारहरुले पछिल्लो समय दोलखामा भईरहेका चोरीका घटनाहरुलाई न्युनीकरण गर्न तर्फ ध्यान दिन समेत प्रहरी प्रशासनको ध्यानाकर्षण गराएका थिए ।

असोज ६
दोलखाको खोपाचागु गाविस वडा नं ५ मा १ दिने यौन तथा प्रजनन स्वास्थ्य सम्वन्धी अभिमुखीकरण तालिम आज सम्पन्न भएको छ ।
महिला ससक्तिकरण कृषक समुह अध्यक्ष पदम कुमार थामीको अध्यक्षतामा भएको तालिममा खोपाचागु गाविस वडा नम्वर ५ का रिफ्लेक्टका ३४ को सहभागिता रहेको थियो । कार्यक्रममा ईलाका स्वास्थ्यचौकी खोपाचागुका अनमी सविना बस्नेतले प्रजनन अङ्गको सुरक्षा ,सरसफाई ,एडस वाट बच्ने उपाय ,लगाएतको विषयमा प्रशिक्षण दिनु भएको थियो । कार्यक्रममा ओसेलीप परियोजनाका सह व्यवस्थापक रामचन्द्र सिंह श्रेष्ठ लगाएतले मन्तव्य राख्नु भएको थियो ।

असोज ६
अर्थिक वर्ष २०७१÷२०७२ को सामाजिक सुरक्षा कार्यक्रम अन्तरगत रामेछापको गुम्देल गाविसमा पहिलो चौमासिक रकम लक्षित समुहभित्रका नागरिकहरुलाई वितरण गरिएको छ ।
लक्षित समुहभित्र रहेका १ सय १२ जना जेष्ठ नागरिक मध्ये ३७ जनालाई ७४ हजार रकम वितरण गरिएको छ । त्यसैगरि ६० बर्ष भन्दा माथीका ५५ जना एकल महिला मध्ये १२ जनालाई २४ हजार, ६० बर्ष भन्दा मुनीका एकल महिला मध्ये २५ जनालाई ५० हजार र दलित बालसंरक्षण तर्फ १६ जना बालबालिकालाई १२ हजार ८ सय वितरण गरिएको छ भने पुर्ण अपाङ्ग भएका व्यक्तिहरु र बाँकी लक्षित समुह भित्र रहेका व्यक्तिहरुलई दशै अगाडीनै रकम बाडी सक्ने गाविस सचिब गणेश थापाले जानकारी दिनुभएको छ । अर्थिक वर्ष २०७१÷२०७२ को सामाजिक सुरक्ष कार्यक्रम अन्तरगत पहिलो चौमासिकको रकम पाँच लाख पाँच हजार दुई सय रहेको र सबै रकम सहि ढङगले वितरण गर्ने पनि थापाले जानकारी दिनुभएको छ ।

असोज ६
कृषि विकास परियोजना जनकपुर नक्टाझिजले कृषकहरुलाई सिँचाइ सुविधाको लागि डिप ट्युवेलमा जडान गरेको विद्युतिय ट्रान्सफर्मर चोरी हुन थालेको छ ।
१७ वटा जिल्ला कार्यक्षेत्र रहेको परियोजनाको ४ महिना भित्रमा ७ वटा ट्रान्सफर्मर चोरी भएको परियोजनाका अधिकृत सत्येन्द्र झाले जनाकारी दिनुभयो । धनुषाको भूचक्रपुर, नक्टाझिजक, धनुषाधामको एक–एक, धनुषाकै प्रकोमहुवाको दुई तथा सिरहाको बडहारामाल र महोत्तरी रामनगरको एक–एक गरी ७ वटा डिप ट्युवेलमा पानी तान्न जडान गरिएको ५० केभीको ट्रान्सफर्मर चोरी भएको अधिकृत झाले बताउनुभयो । चोरहरुले ट्रान्सफर्मर खोलेर त्यस भित्र रहेको क्वाइलसहितका महत्वपूर्ण बस्तुहरु झिकेर लाने र बाहिरको भाग फालिदिने गरेको परियोजनाले जनाएको छ ।

असोज ६
दोलखाको कालिञ्चोक गाविस वडा नम्वर ५ मा ताजा तरकारी व्यवस्थापन सम्वन्धी २ दिने तालीम आज सम्पन्न भएको छ ।
टुकि शिविन स्रोत केन्द्र खोपाचागु र ओसेलीप परियोजनाको सयुक्त आयोजनामा भएको तालिममा गोदावारी कृषक समुहका २९जना कृषक को सहभागीता रहेको बाबरेवाट सोमछिरि शेर्पाले जनाकारी दिनु भयो । गोदावारी कृषक समुहका अध्यक्ष सिता पख्रिनको अध्यक्षतामा भएको सम्पन्न तालिममा टुकि शिविन स्रोत केन्द्र खोपाचागुका कृषि प्राविधिक कृष्णकुमारी जिरेलले प्रशिक्षण दिनु भएको थियो । तालिममा गोठेमल व्यस्थापन, जैव्कि विषादी वनाउने तरीका, तरकारी वालीका लागी चाहिने खाद्य तत्व , रोग किरा व्यवस्थापन , माटो ,हावा, पानी व्यवस्थापन वारेमा प्रशिक्षण दिईएको शेर्पाले वताउनु भयो ।

"Wish You All Guys Happy Dashian And Tihar Hai ".......Enjoy A Lot..(https://www.facebook.com/RadioSailungCommunityFm92.7Mhz?ref=hl)

Radio sailung community fm 104 mhz Radio Sailung Community FM 92.7Mhz is established by active community organizations, intellectuals, development activists and the general people of Dolakha

"लौ न दशै त नजिकिदै पो छ त"