25/06/2026
धुलिखेल नगरपालिका वडा नम्बर १० मा अवस्थित साविक शारदा बतासे गाउँ विकास समितिको इतिहास बोकेको जीवन्त संस्थाले आज ७० औं वर्ष पार गरी ७१ औं वर्ष प्रवेश गरेको सन्दर्भमा धुलिखेल नगरपालिकाका कार्यवाहक नगर प्रमुख श्री निराजन जंगमज्यूको प्रमुख आतिथ्यतामा भव्य,सभ्य र व्यवस्थित ढङ्गबाट कार्यक्रम सुसम्पन्न भयो। यस कार्यक्रममा हाम्रो निमन्त्रणालाई स्वीकार गरेर पाल्नुहुने शिक्षा शाखा प्रमुख आदरणीय भोजकुमार ठकुरीज्यू, वडा अध्यक्ष गोविन्दप्रसाद उपाध्यायज्यू, विद्यालय व्यवस्थापन समितिका अध्यक्ष कान्छा तामाङज्यू, विद्यालयलाई विभिन्न समयमा अक्षय कोष दान गर्नुहुने मनकारी व्यक्तित्व क्रमशः ज्ञानबहादुर थापा, उद्धवप्रसाद हुमागाई, इन्द्र प्रसाद हुमागाईं, माण्डवी थापा,रुकु बिष्टलगायत छात्रवृत्ति दाता शिक्षक अनिल कुमार थापा, जनक हुमागाई,जनप्रतिनिधिज्यूहरू,छिमेकी विद्यालयबाट पाल्नु हुने प्रधानाध्यापक ज्यूहरु, समाजसेवी, शिक्षासेवी तथा विद्यालयका पूर्व विद्यार्थीहरू,आम अभिभावकज्यू, प्यारा प्यारा विद्यार्थी भाइबहिनीहरू, शिक्षक तथा कर्मचारी साथीहरु,विद्यालयलाई माया गर्ने व्यक्तित्वहरूको उपस्थिति र आतिथ्यतामा कार्यक्रम सम्पन्न भयो। यहाँहरूको सल्लाह, सुझाव तथा मार्गदर्शनलाई सदैव शिरोपर गर्दै हजुरहरूसँग हातेमालो गरेर विद्यालय निरन्तर उन्नत शैक्षिक गन्तव्य प्राप्तिमा लाग्ने नै छ भन्नेमा हामी विश्वस्त छौं उपस्थितिका निमित्त हजुरहरूप्रति हामी विशेष कृतज्ञ र आभारी छौं ।
कार्यक्रमका मुख्य आकर्षणहरू :
१. एसईई २०८२ मा उत्तीर्ण विद्यार्थीहरूलाई सम्मान तथा बिदाई
२.अक्षय कोष दाताहरूलाई सम्मान
३. गरिब तथा जेहन्दार विद्यार्थीलाई छात्रवृत्ति वितरण
४.विद्यालयका संस्थापक व्यक्तित्व श्री पद्मधवज थापाज्यूको सम्झनामा उहाँको परिवारका सदस्यबाट विद्यालयको चौरमा यसै वर्षभित्र ब्लक बिच्छ्याइदिने योजनाको घोषणा
५.पूर्व विद्यार्थी जयन्द्र लाकौलज्यूबाट यस वर्ष विद्यालयमा नयाँ भर्ना हुन आउने विद्यार्थीलाई निःशुल्क ट्रयाकसुट वितरण गर्ने घोषणा
६.पनौती ९ निवासी समाजसेवी व्यक्तित्व श्री जनक हुमागाईज्यूबाट नगद रु. २५,१२५। - प्राप्त
७.धुलिखेल नगरपालिकाबाट यसै शैक्षिक सत्रमा डिजिटल विद्यालय बनाउन आवश्यक सहयोग हुने प्रतिबद्धता
८.काभ्रे माध्यमिक विद्यालय पनौतीका प्रधानाध्यापक श्री बसन्त नेपालज्यूबाट सहयोगस्वरूप विद्यालयका लागि बर्थडे केक प्रदान
९.प्रधानाध्यापक ज्यूबाट विद्यालयको विगत, विद्यमान अवस्था, चुनौती तथा भावी योजना र शैक्षिक रणनीतिका बारेमा प्रष्टीकरण
१०.विद्यार्थी भाइबहिनीहरूबाट विभिन्न बाल प्रतिभाहरूको प्रदर्शन
११.व्यवस्थित पुस्तकालयको औपचारिक शुभारम्भ
१२.अभिभावकहरूको सकारात्मक चिन्तन,साथ र समर्थन
१३. अतिथि महानुभावहरूको सकारात्मक मनसायसहितको सुझाव र शुभकामना मन्तव्य
१४.उपस्थित सम्पूर्ण महानुभावहरूलाई खाजाको व्यवस्थापन
१५.सबैको मुहारमा सकारात्मक शैक्षिक चेतनासहितको उमङ्ग
यहाँहरू सबैको सकारात्मक सुझाव,साथ र समर्थनको अपेक्षासहित धन्यवाद ! जय कालिका! हाम्रो कालिका!! राम्रो कालिका!!! सबैको कालिका!!!!
