Kalika Secondary School, Dhulikhel-10, Batase

आदरणीय अभिभावक तथा प्यारा प्यारा विद्यार्थी भाइबहिनीहरू हार्दिक नमस्कार !शैक्षिक सत्र २०८३ सालको लागि पाठ्यपुस्तक वितरणका साथै भोलिदेखि नै नियमित पठनपाठन हुने बेहोरा जानकारी गराउँदै विद्यालयमा ठिक समयमा उपस्थित हुन जानकारी साथ अनुरोध गरिन्छ धन्यवाद !

हाम्रो श्री कालिका माध्यमिक विद्यालयको स्वामित्वमा रहेको बाख्रे डाँडा क्षेत्रको जग्गा भोगचलन गर्नुहुने मध्येका एक व्यक्ति धुलिखेल वडा नम्बर १० शारदा बतासेका स्थायी बासिन्दा श्री बिनोद अधिकारीज्यूबाट विद्यालयको जग्गा भाडासम्बन्धी कार्यविधि बमोजिम बक्यौता रकम रु.१६६२५ I- विद्यालयमा नै आएर भुक्तानी गर्नुभयो। उहाँप्रति हार्दिक आभारसहित धन्यवाद प्रकट गर्दछौं । हामी विश्वस्त छौं बाँकी रहनुभएका जग्गा भोगचलन गर्नुहुने महानुभावहरुले पनि छिटोभन्दा छिटो विद्यालयमा उपस्थित भई बाँकी बक्यौता रकम भुक्तानी गर्नुहुनेछ सरोकारवाला सबैमा पुनःधन्यवाद !

शैक्षिक सत्र २०८२ सालको वार्षिक परीक्षाको नतिजा प्रकाशन गरिएको बेहोरा सम्बन्धित सबैमा अवगत गराइन्छ ।नतिजासम्बन्धी जानकारी प्राप्त गर्न विद्यालयमा उपस्थित हुनुहुने सम्पूर्ण अभिभावक तथा विद्यार्थी भाइबहिनीहरूप्रति हार्दिक कृतज्ञता सहित आभार व्यक्त गर्दछौं । नयाँ शैक्षिक सत्रको लागि पाठ्यपुस्तक वितरण, कक्षा प्रारम्भलगायतका सन्दर्भमा हामी तपाईहरुसँग निरन्तर सम्पर्कमा रहने छौँ । आवश्यक जानकारीका लागि सम्बन्धित कक्षाका कक्षा शिक्षक अथवा विद्यालय प्रशासनसँग फोनमार्फत पनि सम्पर्क गर्न सक्नुहुनेछ । २०८३ साल वैशाख २ गतेदेखि भौतिक रूपमा नै हामी निरन्तर विद्यालयमा भेटिने छौं धन्यवाद !

आजदेखि सुरु भएको SEE परीक्षा - २०८२ मा हाम्रो विद्यालयबाट सहभागी हुनुभएका सम्पूर्ण भाइबहिनीहरूलाई सफलताको शुभकामना व्यक्त गर्दछौं।

धुलिखेल नगरस्तरीय आधारभूत तह (कक्षा १-५) मा अध्ययनरत विद्यार्थीहरू बीच भएको चित्रकला प्रतियोगितामा यस विद्यालयमा अध्ययनरत छात्रा स्वस्तिका तामाङले प्रथम स्थान हासिल गरी नगद रु ५ हजारसहित प्रमाणपत्र प्राप्त गर्न सफल हुनुभएकोमा हार्दिक बधाईसहित उत्तरोत्तर प्रगतिको कामना गर्दछौं ।
यस कार्यक्रममा पुरस्कृत हुने नानीलाई पुरस्कार वितरण गर्न विद्यालयमा उपस्थित हुनुभएका नगरपालिकाका प्रमुख प्रशासकीय अधिकृत ज्यू, शिक्षा शाखा प्रमुखज्यू र शिक्षा शाखाका अधिकृत सर म्यामहरूप्रति हार्दिक आभार तथा धन्यवाद प्रकट गर्दछौं।

विद्यालयको वार्षिक कार्य योजनाअनुसार आज हाम्रो विद्यालयमा शैक्षिक सत्र २०८२ को समीक्षा र सुरु हुँदै गरेको नयाँ शैक्षिक सत्र २०८३ को समग्र योजनालगायत विद्यालयका भावी कार्यक्रमका सन्दर्भमा प्रधानाध्यापक ज्यूको विद्यालय विकास प्रस्तावमाथि गम्भीर बहस, छलफल र अन्तरक्रिया गरियो।यसबाट हाम्रो कालिकालाई अझै थप राम्रो र मजबुत बनाउँदै गुणस्तरीय शिक्षा प्रदान गर्ने उत्कृष्ट थलोका रुपमा विकास गराउन प्रेरणा प्राप्त भएको छ। सरोकारवाला अभिभावक, समाजसेवी, बुद्धिजीवी, जनप्रतिनिधि ,विद्यार्थी भाइबहिनीहरूलगायत सबैसँग सकारात्मक साथ र सहयोगको अपेक्षा गर्दछौं।

अवसरको सही सदुपयोग गर्नुहुन अनुरोध सहित !!!

प्रतिनिधि सभा निर्वाचनको कारण विगत १८ गतेदेखि रोकिएको हाम्रो विद्यालयको नियमित पठनपाठन मिति २०८२ साल फागुन २५ गते सोमबारबाट नियमित सञ्चालन हुने बेहोरा सम्पूर्ण प्यारा विद्यार्थी भाइबहिनी तथा अभिभावकज्यूहरूलाई अवगत गराइन्छ। SEE तथा अन्य कक्षाहरूका पनि वार्षिक परीक्षा नजिकिएको सन्दर्भमा परीक्षाको संवेदनशीलतालाईसमेत ख्याल गर्दै सबै विद्यार्थी भाइबहिनीहरूलाई पर्सिदेखि नियमित विद्यालय उपस्थित हुनुहुन विशेष अनुरोध छ।

नेपालीहरूको सांस्कृतिक पहिचान झल्काउने रङहरूको पर्व होलीको अवसरमा आज हाम्रो विद्यालयमा पनि खुसी साटासाट कार्यक्रम आयोजना गरियो।

हामी राख्छौं हाम्रो विद्यालय परिसर सरसफाई भन्ने मान्यता अनुसार विद्यार्थी भाइबहिनीहरूको सक्रिय सहभागितामा विद्यालय परिसरको क्षेत्र सरसफाई कार्यक्रम आयोजना गरियो। सक्रिय सहभागिता जनाउनुहुने सम्पूर्णमा हार्दिक आभार तथा धन्यवाद व्यक्त गर्दछौं।

पालिकास्तरीय प्रतिस्पर्धामा अब्बल नतिजा प्राप्त गर्न सफल विद्यार्थी भाइबहिनीहरूलाई आज बिहानी प्रार्थना सभामा पुरस्कृत गरियो।आगामी दिनमा अझै थप मेहनत गर्ने भावनाको विकास होस् भन्ने शुभकामना पनि

हाम्रो विद्यालयमा कक्षा १०मा अध्ययनरत विद्यार्थी भाइबहिनीहरूका अभिभावकको उपस्थितिमा SEE तयारी परीक्षाको नतिजा सार्वजनिक गर्दै अन्तरक्रिया र अभिमुखीकरणसमेत सम्पन्न गरियो।