B.P. Koirala Institute of Health Sciences

B.P. Koirala Institute of Health Sciences Contact information, map and directions, contact form, opening hours, services, ratings, photos, videos and announcements from B.P. Koirala Institute of Health Sciences, College & University, Ghopa, Dharan.

वी. पी. कोइराला स्वास्थ्य विज्ञान प्रतिष्ठान (BPKIHS), धरानमा जन्म तथा मृत्यु अभिलेखीकरण व्यवस्थापन प्रणाली (BRMS/DRMS) ...
28/09/2026

वी. पी. कोइराला स्वास्थ्य विज्ञान प्रतिष्ठान (BPKIHS), धरानमा जन्म तथा मृत्यु अभिलेखीकरण व्यवस्थापन प्रणाली (BRMS/DRMS) सम्बन्धी अभिमुखीकरण कार्यक्रम सफलतापूर्वक सम्पन्न भएको छ।

कार्यक्रमले जन्म तथा मृत्यु सम्बन्धी अभिलेखलाई व्यवस्थित, प्रभावकारी तथा समयानुकूल रूपमा व्यवस्थापन गर्न आवश्यक जानकारी तथा अभिमुखीकरण प्रदान गर्ने उद्देश्य राखेको थियो।

कार्यक्रममा विश्व स्वास्थ्य संगठन (WHO), नेपाल सरकार स्वास्थ्य तथा खाद्य स्वच्छता मन्त्रालय तथा कोशी प्रदेश सरकार स्वास्थ्य मन्त्रालयको सहकार्य/समन्वय रहेको थियो।

📸 कार्यक्रमका केही झलकहरू:
यहाँ प्रस्तुत तस्बिरहरू कार्यक्रमका केही विशेष झलकहरू हुन्।

BPKIHS परिवार
Caring with Compassion & Excellence

वी.पी. कोइराला स्वास्थ्य विज्ञान प्रतिष्ठानको सहयोगमा सुनसरीका दुई स्थानमा नि:शुल्क दन्त शिविर सम्पन्नवी.पी. कोइराला स्व...
25/09/2026

वी.पी. कोइराला स्वास्थ्य विज्ञान प्रतिष्ठानको सहयोगमा सुनसरीका दुई स्थानमा नि:शुल्क दन्त शिविर सम्पन्न

वी.पी. कोइराला स्वास्थ्य विज्ञान प्रतिष्ठान, धरानको सामुदायिक दन्तचिकित्सा विभागको प्राविधिक सहयोगमा हालै सुनसरीका दुई फरक स्थानहरूमा नि:शुल्क दन्त स्वास्थ्य शिविर सफलतापूर्वक सम्पन्न भएको छ ।

गत भाद्र ३० गते मंगलबारका दिन श्री तीजहरि फाउन्डेसनको आयोजनामा दुहबी – ४, सोनपुरमा एकदिने दन्त स्वास्थ्य शिविर सञ्चालन गरिएको थियो । सामुदायिक दन्त स्वास्थ्य विभागका सहायक प्राध्यापकको नेतृत्वमा ३ जना जुनियर रेजिडेन्ट र ३ जना इन्टर्नहरूसहितको टोलीले सेवा प्रदान गरेको उक्त शिविरमा न्यून आर्थिक स्तर भएका तथा कम्पनीमा काम गर्ने ५७ जना ज्याला मजदुरहरूले स्वास्थ्य परीक्षण गराएका थिए । ५ वर्षदेखि ७५ वर्ष उमेर समूहका सेवाग्राही सहभागी उक्त शिविरमा विशेष गरी महिलाहरूको उल्लेख्य सहभागिता रहेको थियो ।

त्यसैगरी, बाल दिवसको अवसर पारेर गत असेज ३ गते शनिबारका दिन धरान वडा नं. ११ मा पनि अर्को एकदिने नि:शुल्क दन्त स्वास्थ्य शिविर सम्पन्न भएको छ । वडा बाल सञ्जाल, धरान – ११ को आयोजना तथा वडा नं. ११ कार्यालयको समन्वयमा भएको उक्त शिविरमा ५ वर्षदेखि ७२ वर्ष उमेरका ६२ पुरुष र ६२ महिला गरी कुल १२४ जनाले दन्त सेवा लिएका थिए ।

दुवै शिविरहरूमा परीक्षणका क्रममा सेवाग्राहीहरूमा दाँत किराले खाने समस्या (Dental Caries) सबैभन्दा बढी पाइएको थियो । यसका साथै गिजा सुनिने (Gingivitis), Chronic Generalized Periodontitis, Necrotic Pulp लगायतका मुख तथा दाँत सम्बन्धी विभिन्न समस्याहरू पहिचान गरिएका थिए । परीक्षण पश्चात् सामान्य समस्या भएकाहरूलाई सोही स्थानमा परामर्श तथा उपचार प्रदान गरिएको थियो भने जटिल समस्या भएका बिरामीहरूलाई थप उपचारका लागि प्रतिष्ठानमा रेफर गरिएको छ ।

समुदाय स्तरमा सञ्चालन गरिने यस्ता दन्त शिविरहरूले मुख स्वास्थ्य सम्बन्धी सचेतना फैलाउनुका साथै रोगको समयमै पहिचान र उपचार गर्न महत्त्वपूर्ण योगदान पुर्यासउने भएकाले आगामी दिनमा पनि यस्ता कार्यक्रमहरूलाई निरन्तरता दिनुपर्ने आयोजकज्यूहरूले सुझाव सहित प्रतिष्ठानलाइ धन्यवाद दिनुभएको थियो ।

डब्ल्यूएचओको ७९ औं क्षेत्रीय बैठकमा प्रतिष्ठानका डा. गुप्ताको सहभागितातिमोर-लेस्तेको राजधानी दिलीमा सेप्टेम्बर ७ देखि १०...
25/09/2026

डब्ल्यूएचओको ७९ औं क्षेत्रीय बैठकमा प्रतिष्ठानका डा. गुप्ताको सहभागिता

तिमोर-लेस्तेको राजधानी दिलीमा सेप्टेम्बर ७ देखि १०, २०२६ सम्म आयोजित विश्व स्वास्थ्य संगठन (WHO) को दक्षिण-पूर्वी एशिया क्षेत्रीय समितिको ७९ औं बैठक (RC79) मा प्रतिष्ठानको जेनेरल प्राक्टिस एण्ड इमर्जेन्सी मेडिसिन विभागका डा. प्रमेन्द्र प्रसाद गुप्ता सहभागी हुनुभएको छ । वहाँले वी.पी. कोइराला स्वास्थ्य विज्ञान प्रतिष्ठान, धरानको शिक्षक/ चिकित्सक तथा ‘वर्ल्ड अर्गनाइजेसन अफ फेमिली डक्टर्स (WONCA)’ को दक्षिण एशिया क्षेत्रको अध्यक्षको क्षेत्रीय नेतृत्वदायी हैसियतमा बैठकमा प्रतिनिधित्व गर्नुभएको हो ।

दक्षिण-पूर्वी एशियाली राष्ट्रका स्वास्थ्य मन्त्रीहरू, उच्चपदस्थ सरकारी अधिकारीहरू, विश्व स्वास्थ्य संगठनका शीर्ष नेतृत्व, प्राविधिक विज्ञहरू, नागरिक समाजका प्रतिनिधि तथा विकास साझेदारहरूको उपस्थिति रहेको उक्त उच्चस्तरीय क्षेत्रीय बैठकका क्रममा डा. गुप्ताले ‘प्राथमिक स्वास्थ्य सेवा तथा नसर्ने रोगहरूको (Non-Communicable Diseases) रोकथाम र व्यवस्थापनको सबलीकरण’ का साथै ‘दक्षिण-पूर्वी एशिया डिजिटल हेल्थ एण्ड एआई कोल्याबोरेटिभ नेटवर्क (SEA-DAC)’ को स्थापनामा सहयोग र समर्थन जनाउँदै वक्तव्य प्रस्तुत गर्नुभएको थियो । सो क्रममा उहाँले डिजिटल सार्वजनिक पूर्वाधार (Digital Public Infrastructure) को डिजाइन तयार गर्दा प्राथमिक स्वास्थ्य सेवालाई यसको केन्द्रमा राख्नुपर्ने कुरामा विशेष जोड दिनुभएको थियो ।

प्रतिष्ठान परिवारका तर्फबाट डा. गुप्तालाइ हार्दिक बधाइ तथा शुभकामना ।🎉🙏🎉🌹

सम्बन्धित सबैको जानकारीका लागि
24/09/2026

सम्बन्धित सबैको जानकारीका लागि

🎉 हार्दिक बधाई तथा शुभकामना! 🎉वी. पी. कोइराला स्वास्थ्य विज्ञान प्रतिष्ठान, धरानको प्याथोलोजी विभागका प्राध्यापक प्रा.डा...
24/09/2026

🎉 हार्दिक बधाई तथा शुभकामना! 🎉
वी. पी. कोइराला स्वास्थ्य विज्ञान प्रतिष्ठान, धरानको प्याथोलोजी विभागका प्राध्यापक प्रा.डा. परिचा उपाध्यायज्यू पूर्वाञ्चल विश्वविद्यालयको Faculty of Medicine को डीन पदमा नियुक्त हुनुभएकोमा हार्दिक बधाई तथा सफल कार्यकालको शुभकामना व्यक्त गर्दछौँ। 💐
उहाँको अनुभव, दक्षता र शैक्षिक नेतृत्वले चिकित्सा शिक्षा तथा स्वास्थ्य सेवाको क्षेत्रमा थप महत्वपूर्ण योगदान पुग्ने विश्वास लिएका छौँ।
यस गरिमामय जिम्मेवारीका लागि प्रा.डा. परिचा उपाध्यायज्यूलाई हार्दिक बधाई तथा सफल कार्यकालको शुभकामना! 🌸
वी. पी. कोइराला स्वास्थ्य विज्ञान प्रतिष्ठान परिवार

24/09/2026

जनहितमा जारी

# # # 🩺 दुर्गम क्षेत्रमा अब टेलिमेडिसिनमार्फत प्रशामक तथा होस्पिस केयर सेवाकोशी प्रदेशका १४ वटै जिल्लाका दूरदराज तथा दु...
23/09/2026

# # # 🩺 दुर्गम क्षेत्रमा अब टेलिमेडिसिनमार्फत प्रशामक तथा होस्पिस केयर सेवा

कोशी प्रदेशका १४ वटै जिल्लाका दूरदराज तथा दुर्गम क्षेत्रका गम्भीर बिरामीहरूलाई घरदैलोमै **प्रशामक (Palliative) तथा होस्पिस केयर सेवा** उपलब्ध गराउने उद्देश्यले नयाँ टेलिमेडिसिन सेवा सुरु गरिएको छ।

**वी. पी. कोइराला स्वास्थ्य विज्ञान प्रतिष्ठान (BPKIHS)**, **Two Worlds Cancer Collaboration (TWCC)** र **नेपाल होस्पिस केयर सेन्टर**बीचको सहकार्यमा ‘**Hub and Spoke**’ मोडलमा आधारित यो सेवा सञ्चालनमा ल्याइएको हो। यसमा BPKIHS लाई ‘Hub’ र कोशी प्रदेशका १४ वटै जिल्लाका अस्पतालहरूलाई ‘Spoke’ का रूपमा जोडिएको छ।

यस परियोजनाअन्तर्गत सम्बन्धित जिल्ला अस्पतालका चिकित्सक तथा नर्सहरूलाई विशेष तालिम प्रदान गरी स्थानीय स्तरबाटै जटिल बिरामीहरूको अवस्थाबारे विशेषज्ञसँग परामर्श लिन सकिने व्यवस्था गरिएको छ।

विशेषगरी **क्यान्सर रोगबाट पीडित बिरामीहरू**लाई टेलिमेडिसिनमार्फत परामर्श तथा लक्षण व्यवस्थापनमा सहयोग पुर्‍याइनेछ।

यस सेवाको मुख्य उद्देश्य रोग पूर्ण रूपमा निको पार्नुभन्दा पनि बिरामीको **शारीरिक पीडा तथा अन्य कष्ट कम गर्दै जीवनको गुणस्तर (Quality of Life) सुधार गर्नु** हो।

अब अस्पतालसम्म पुग्न कठिन हुने गम्भीर बिरामीहरूले आफ्नै गाउँ–ठाउँमा स्थानीय स्वास्थ्यकर्मीमार्फत विशेषज्ञ परामर्श प्राप्त गर्न सक्नेछन्। यसले बिरामी तथा परिवारको **यात्रा, समय र आर्थिक भार कम गर्न**समेत सहयोग पुग्ने अपेक्षा गरिएको छ।

यो नेपालमै परीक्षणका रूपमा सुरु गरिएको नवीन पहल हो। आगामी दुई वर्षमा यसको प्रभावकारिता अध्ययन गरी सेवालाई दिगो बनाउने तथा आवश्यकता अनुसार देशका अन्य प्रदेशहरूमा समेत विस्तार गर्ने लक्ष्य राखिएको छ।

❤️ **दुर्गम क्षेत्रमा पनि विशेषज्ञ स्वास्थ्य सेवा — प्रविधिमार्फत बिरामीको घरदैलोमा।**

🇳🇵 राष्ट्रिय संविधान दिवसको अवसरमा वृक्षरोपण तथा दीप प्रज्वलन कार्यक्रम 🇳🇵राष्ट्रिय संविधान दिवसको अवसरमा वी.पी. कोइराला...
19/09/2026

🇳🇵 राष्ट्रिय संविधान दिवसको अवसरमा वृक्षरोपण तथा दीप प्रज्वलन कार्यक्रम 🇳🇵

राष्ट्रिय संविधान दिवसको अवसरमा वी.पी. कोइराला स्वास्थ्य विज्ञान प्रतिष्ठान (BPKIHS) मा वृक्षरोपण तथा दीप प्रज्वलन कार्यक्रम सम्पन्न भएको छ।

संविधान दिवसको यस विशेष अवसरमा आयोजित वृक्षरोपण कार्यक्रमले हरित, स्वच्छ तथा सुन्दर प्रतिष्ठान निर्माणको सन्देश दिएको छ भने साँझ आयोजित दीप प्रज्वलन कार्यक्रमले राष्ट्रिय एकता, समृद्धि र उज्ज्वल भविष्यप्रतिको आशा प्रतिबिम्बित गरेको छ।

यस अवसरका केही झलकहरू 📸✨

🇳🇵 राष्ट्रिय संविधान दिवसको हार्दिक शुभकामना!

#संविधानदिवस #राष्ट्रियसंविधानदिवस #वृक्षरोपण #दीपप्रज्वलन

🩸 रक्तसञ्चार सम्बन्धी Continuing Medical Education (CME) — तेस्रो संस्करणवी.पी. कोइराला स्वास्थ्य विज्ञान प्रतिष्ठान (BP...
17/09/2026

🩸 रक्तसञ्चार सम्बन्धी Continuing Medical Education (CME) — तेस्रो संस्करण
वी.पी. कोइराला स्वास्थ्य विज्ञान प्रतिष्ठान (BPKIHS) मा रक्तसञ्चार सेवासम्बन्धी Continuing Medical Education (CME) कार्यक्रमको तेस्रो संस्करण आयोजना हुँदैछ।
रक्त तथा रक्तजन्य पदार्थको तर्कसंगत प्रयोग, अनावश्यक रक्तसञ्चार तथा रक्तको खेर जाने अवस्था न्यूनीकरण, बिरामीको सुरक्षा र प्रभावकारी Transfusion Practice सम्बन्धी नवीनतम ज्ञान तथा व्यावहारिक पक्षमा विज्ञहरूबाट प्रस्तुति तथा छलफल हुनेछ।

👨‍⚕️ कार्यक्रमका प्रमुख विषयहरू:
🔹 Resource-limited settings मा inappropriate transfusion तथा blood wastage न्यूनीकरण
🔹 Bone marrow failure तथा hematological malignancies मा transfusion
🔹 Critically ill तथा ICU बिरामीमा Massive Transfusion Protocol
🔹 CKD बिरामीमा blood transfusion
🔹 Palliative oncology care मा blood product को प्रयोग तथा patient-centred decision making
🔹 Discussion Session

📅 मिति: ३ अक्टोबर २०२६
⏰ समय: बिहान ११:०० बजे
📍 स्थान: Auditorium Hall, BPKIHS

💰 Registration Fee:
• UG Students: रु. १५०
• Faculties/Residents/Medical Officers/Registered Nurses: रु. ३००

📌 यो CME Continuing Professional Development (CPD) Programme अन्तर्गत नेपाल मेडिकल काउन्सिल (NMC) द्वारा मान्यता प्राप्त कार्यक्रम हो।

👉 इच्छुक स्वास्थ्यकर्मी तथा विद्यार्थीहरूलाई कार्यक्रममा सहभागी भई आफ्नो ज्ञान तथा सीप अभिवृद्धि गर्न हार्दिक अनुरोध गर्दछौँ।

आयोजक:
BPKIHS Students' Blood Donation Committee
सहकार्यमा सम्बन्धित BPKIHS विभाग/संस्थाहरू


For registration, please go through -
https://forms.gle/nZTre4z24RBLD9xM8

15/09/2026

♿ निःशुल्क ह्वीलचेयर सेवा — आवश्यकताअनुसार अधिकतम उपयोग गरौँ

वी.पी. कोइराला स्वास्थ्य विज्ञान प्रतिष्ठानमा G-OPD भवन अगाडि Wheelchair Pool को व्यवस्था छ।

शारीरिक रूपमा असहज, हिँडडुल गर्न कठिनाइ भएका तथा ह्वीलचेयर आवश्यक पर्ने बिरामीहरूका लागि यो सेवा निःशुल्क उपलब्ध छ।

🙏 सम्बन्धित बिरामी तथा सेवाग्राहीहरूलाई यस सुविधाको अधिकतम उपयोग गर्न हार्दिक अनुरोध गर्दछौँ।

साथै, प्रयोगपछि ह्वीलचेयरलाई पुनः Wheelchair Pool मै फिर्ता राखी अन्य आवश्यक बिरामीका लागि उपलब्ध गराउन अनुरोध छ।

तपाईंको सानो सहयोगले अर्को बिरामीको उपचार यात्रा अझ सहज बनाउन सक्छ। ❤️

वी.पी. कोइराला स्वास्थ्य विज्ञान प्रतिष्ठान
धरान, नेपाल
Caring with Compassion & Excellence

Address

Ghopa
Dharan
56700

Website

Alerts

Be the first to know and let us send you an email when B.P. Koirala Institute of Health Sciences posts news and promotions. Your email address will not be used for any other purpose, and you can unsubscribe at any time.

Shortcuts

Share

Category