श्री जनता आधारभूत विद्यालय धनगढी -३ विशालनगर

06/08/2026

🙏 कृतज्ञता तथा धन्यवाद ज्ञापन 🙏
जनताधारभूत विद्यालय, धनगढी–३, विशालनगरको दैनिक प्रशासनिक तथा शैक्षिक कामकाजलाई अझ बढी सहज, प्रभावकारी र नवीनतम बनाउने उद्देश्यका साथ यस विद्यालयका प्राथमिक तहका स्थाई शिक्षक आदरणीय विष्णा भट्ट पाठक ज्यूले विद्यालयलाई एक थान रङ्गीन प्रिन्टर (Color Printer) उपलब्ध गराउनुभएको छ।
उहाँको यो अमूल्य सहयोगले विद्यालयको दैनिक कार्यसम्पादनमा देखिएका असहजताहरू हट्नेछन् र बालबालिकाहरूको सिकाइ सामग्री निर्माणमा ठूलो मद्दत पुग्नेछ।
विद्यालयको प्रगतिका लागि आफ्नो तर्फबाट यसरी महत्वपूर्ण योगदान पुर्‍याउनुभएकोमा आदरणीय शिक्षक विष्णा भट्ट पाठक ज्यूलाई जनताधारभूत विद्यालय परिवारको तर्फबाट हार्दिक आभार व्यक्त गर्दै आदरका साथ धन्यवाद ज्ञापन गर्दछौँ। उहाँको सुख, सुस्वास्थ्य र दीर्घायुको कामना गर्दछौँ।
– विद्यालय परिवार
जनताधारभूत विद्यालय
धनगढी–३, विशालनगर

19/07/2026

22/06/2026

आदरणीय अभिभावक ज्यू तथा प्रिय विद्यार्थी भाइबहिनीहरू,
धनगढी उपमहानगरपालिकाको शिक्षा शाखाबाट प्राप्त सूचना अनुसार अत्यधिक गर्मी तथा लूको जोखिमलाई मध्यनजर गर्दै मिति २०८३ असार ९ गतेदेखि २०८३ असार १२ गतेसम्म (४ दिन) विद्यालयमा बिदा दिइएको जानकारी गराइन्छ।
उक्त अवधिमा विद्यालयका सम्पूर्ण पठनपाठन तथा अन्य शैक्षिक गतिविधिहरू सञ्चालन हुने छैनन्। साथै, असार १३ र १४ गते सार्वजनिक बिदा रहेकाले विद्यालय असार १५ गते सोमबारदेखि पूर्वनिर्धारित समयअनुसार नियमित रूपमा सञ्चालन हुने व्यहोरा समेत जानकारी गराइन्छ।

बिदाको अवधिमा सम्पूर्ण विद्यार्थी भाइबहिनीहरूले घरमै सुरक्षित रहने, अत्यधिक घाममा ननिस्कने, प्रशस्त पानी पिउने तथा गर्मी र लूबाट बच्न आवश्यक सावधानी समेत अपनाउनुहुन अनुरोध गर्दछौँ।

धन बहादूर सिंह
प्रधानाध्यापक

04/06/2026

श्रीमान, अभिभावक ज्यू
विषय - सूचना

भोलि मिति 2083 जेष्ठ 22गते शुक्रबारका दिन यस श्री जनता आधारभूत विद्यालय धनगढी 3 विशालनगर मा कक्षा 4 र 5 मा अध्ययनरत छात्र छात्रा का अभिभावक हरु संग पठन पाठन सम्बन्धी अन्तरक्रिया तथा छलफल गर्नुपर्ने भएकाले बिहान 7 बजे बिध्यालयमा उपस्थित भइदिन हार्दिक अनुरोध छ ।

प्रधानाध्यापक
9858422434

15/05/2026

विद्यालयमा आज नयाँ विद्यार्थी लाई स्वागत गरियो।

03/05/2026

ग्रेडवृद्धि परीक्षाको प्रकाशित नतिजामा चित्त नबुझि पुनर्योग गर्न चाहने विद्यार्थीहरुले विद्यालय मा मिति २०८३।०१।२२ गते दिउँसो १२:०० बजेभित्र विद्यार्थी ले विद्यालय मार्फत कार्यालयको राजश्व शाखा ले तोकिएको राजश्व प्रति विषय रु. १००-(एक सय) का दरले बुझाई यसविद्यालयमा निवेदन पेश गर्ने व्यवस्था मिलाइएकोले सोको जानकारी विद्यार्थीहरुलाई जानकारी गरिन्छ।

30/04/2026

आधारभूत तह (कक्षा ८) को ग्रेडवृद्धि परीक्षाको नतिजासम्बन्धी सूचना !सफल भएका विद्यार्थीहरूलाई हार्दिक शुभकामना।

27/04/2026

आज 2083 बैसाख 14 गते
नी: शुल्क पाठ्यपुस्तक वितरण तथा पठन पाठन आरम्भ गरियो ।

18/04/2026

आधारभूत तह (कक्षा ८) को पुनर्योगको नतिजा प्रकाशन सम्बन्धी जानकारी!