27/06/2026
स्थानीय तह मा सरुवा आतङ्क
मङ्गलसेन ....
आफ्नालाई नजिक राख्ने,नियमलाई मोड्ने खेल छ,
शिक्षकलाई दुख दिने,काज सरुवाको खेल छ।
तह र स्तर बिर्सियर, आदेशमात्र बाँडिन्छ यहाँ,
कानुन भन्दा पहुँच ठूलो, अचम्मको यो मेल छ।
समय-समयमा धकेलिन्छन्, मेहनती र इमानदार,
आसेपासे र वरिपरी नै बस्नेहरुको रेल छ।
विद्यालय र विद्यार्थीको पिडा कसले बुझ्ने हो?
कागजभित्र सीमित भएको सेवाको यो खेल छ।
योग्यता र क्षमताभन्दा पहुँचको मूल्य बढेको,
सत्य बोल्ने ओठमाथी ,डर र त्रासको जेल छ।
निष्पक्षताको नाम लिएर,पक्षपातको खेती हुन्छ,
जनप्रतिनिधि र कर्मचारी मूर्ख हुॅदा, अन्यायको झन् भेल छ।
शिक्षा क्षेत्र बलियो बन्थ्यो, न्यायपूर्ण ब्यबहारले,
तर आज नगरभित्र विभेदको मात्र खेल छ।
भोटबैङ्कको खेती गर्न, शिक्षकलाई मोहरा ठानी,
शिक्षा भन्दा राजनीति गर्नेको भयङ्कर ठूलो खेल छ।
धन्यवाद!
