23/07/2026
मिति: २०८३ साल साउन ६ गते
Rainbow Academy द्वारा आयोजित U-17 नकआउट चरण फुटबल प्रतियोगिता भव्य रूपमा सम्पन्न
Rainbow Academy & Educational Consultancy Pvt. Ltd. को आयोजनामा सम्पन्न U-17 नकआउट चरण फुटबल प्रतियोगिता भव्य, सभ्य तथा सफलतापूर्वक सम्पन्न भएको छ।
यस कार्यक्रमका प्रमुख अतिथिका रूपमा रुद्रपुर इलाका प्रहरी कार्यालय, थकालीचोकका प्रहरी निरीक्षक प्रशान्त तामाङ ज्यू उपस्थित हुनुहुन्थ्यो। त्यसैगरी विशिष्ट अतिथिका रूपमा समाजसेवी व्यक्तित्व तथा Rainbow Academy का कानुनी सल्लाहकार राधिका चौधरी ज्यू र समाजसेवी व्यक्तित्व जीवन क्षेत्री ज्यू को गरिमामय उपस्थिति रहेको थियो। कार्यक्रमको उत्कृष्ट सञ्चालन रेडियो कञ्चनका स्टेशन म्यानेजर गोविन्द आचार्य ज्यू ले गर्नुभएको थियो। कार्यक्रममा उपस्थित सम्पूर्ण अतिथि, खेलाडी, प्रशिक्षक, रेफ्री, स्वयंसेवक तथा दर्शकप्रति Rainbow Academy परिवार हार्दिक आभार व्यक्त गर्दछ।
यस प्रतियोगिताको विजेता LGR FC तथा उपविजेता सामुदायिक FC बन्न सफल भएका छन्। विजेता तथा उपविजेता दुवै टोलीलाई Rainbow Academy परिवारको तर्फबाट हार्दिक बधाई तथा आगामी दिनहरूमा अझ ठूलो सफलता प्राप्त होस् भन्ने शुभकामना व्यक्त गर्दछौं।
साथै, प्रतियोगितामा सहभागी सम्पूर्ण टोलीहरूलाई पनि हार्दिक धन्यवाद व्यक्त गर्दै आगामी प्रतियोगिताहरूमा अझ बढी मेहनत, आत्मविश्वास, अनुशासन र खेलभावनाका साथ सहभागी भई सफलता हासिल गर्नुहुनेछ भन्ने पूर्ण विश्वास लिएका छौं। खेलमा जित र हार स्वाभाविक भए पनि खेलमार्फत सिकाइने अनुशासन, मित्रता, सहकार्य र नेतृत्व नै सबैभन्दा ठूलो उपलब्धि हो।
Rainbow Academy ले हरेक वर्ष आफ्नो आम्दानीको केही प्रतिशत सामाजिक उत्तरदायित्व (CSR) अन्तर्गत छुट्याई कञ्चन क्षेत्रका युवाहरूलाई खेलकुद, शिक्षा, नेतृत्व विकास तथा सामाजिक क्षेत्रमा अघि बढाउने उद्देश्यले विभिन्न रचनात्मक कार्यक्रमहरू सञ्चालन गर्दै आएको छ।
वि.सं. २०८२ भित्र Rainbow Academy ले महिला तथा पुरुष भलिबल प्रतियोगिता, Kanchan Cricket League Season-1 तथा U-17 नकआउट चरण फुटबल प्रतियोगिता सफलतापूर्वक सम्पन्न गरेको छ। साथै, यही वर्ष कञ्चनको माटोमा जन्मिएर अन्तर्राष्ट्रिय स्तरमा आफ्नो पहिचान बनाउन सफल र्यापर व्योमा लाई सम्मान गरिएको थियो। स्थानीय समस्या उजागर गर्दै समाजमा भइरहेका सकारात्मक गतिविधिहरू जनसमक्ष पुर्याउने सञ्चारकर्मीहरूलाई पनि सम्मान गरिएको थियो।
त्यसैगरी, कञ्चन गाउँपालिकाका २१ वटा क्लबहरूलाई जर्सी, फुटबल, फुटबल मोजा (Socks), कप्तान ब्याज (Captain Band) तथा गोलकिपर ग्लोभ्स हस्तान्तरण गरिएको थियो। साथै, नेतृत्व विकास तालिम, अटिजम सम्बन्धी सचेतनामूलक कार्यक्रम तथा विभिन्न सामाजिक एवं जनचेतनामूलक कार्यक्रमहरू पनि सफलतापूर्वक सञ्चालन गरिएको छ।
यी सम्पूर्ण कार्यक्रमहरू कुनै व्यक्तिगत स्वार्थका लागि नभई समाजप्रतिको उत्तरदायित्व, सेवाभाव र सकारात्मक सोचका साथ आफ्नो आम्दानीको केही हिस्सा छुट्याएर सञ्चालन गरिएका हुन्। हाम्रो मुख्य उद्देश्य कञ्चनका आमाबुवा, दाजुभाइ तथा दिदीबहिनीहरूमा सकारात्मक सन्देश प्रवाह गर्नु, युवाहरूलाई कुलत, लागूऔषध तथा अन्य नकारात्मक गतिविधिबाट टाढा राख्दै उनीहरूको प्रतिभा, अनुशासन, नेतृत्व क्षमता र उज्ज्वल भविष्य निर्माणमा सहयोग पुर्याउनु हो।
आगामी दिनहरूमा पनि Rainbow Academy ले समाज, खेलकुद, शिक्षा तथा युवाको समग्र विकासका लागि यस्ता रचनात्मक, प्रेरणादायी तथा समाजमुखी कार्यक्रमहरूलाई निरन्तरता दिने प्रतिबद्धता व्यक्त गर्दछ।
धन्यवाद।
Rainbow Academy & Educational Consultancy Pvt. Ltd.
