Sainik Awasiya Mahavidyalaya, Butwal

महाविद्यालयका कार्यमा अभिभावकका चासो सम्बोधन गर्ने उदेश्यले हिजो मिति २०८३/०३/०७ गते आइतबार यस महाविद्यालयमा अध्ययनरत कक्षा १० का विद्यार्थीका अभिभावकहरू सँग अन्तरक्रिया सम्पन्न गरियो। अभिभावक समक्ष महाविद्यालयका बन्दोबस्ती अधिकृत सेनानी नरेश अर्यालले बन्दोबस्ती तथा सुरक्षा एवम् संयोजक शिव प्रसाद जैशीले शैक्षिक पक्षका सम्बन्धमा प्रस्तुतिकरण गर्नुभएको थियो। प्रस्तुतिकरण पश्चात् महाविद्यालय परिवार र अभिभावकहरूका विचमा अन्तरक्रिया सम्पन्न गरियो।अन्तरकरियाका क्रममा अभिभावकहरूद्वारा राखिएका जिज्ञासाहरूको समाधान महाविद्यालयका प्रिन्सिपल दोलराज भण्डारी तथा व्यवस्थापक अधिकृत प्र.से. विजय प्रकाश आङदेम्बे लिम्बूद्वारा गरिएको थियो।कार्यक्रमको सञ्चालन HoD, ECA सीता शर्माले गर्नुभएको थियो।

मिति २०८३/०३/०३ गते यस महाविद्यालयमा अध्ययन गर्ने जेठ महिनामा जन्मिएका विद्यार्थीहरूको सामुहिक जन्मोत्सव कार्यक्रम आयोजना गरियो। जन्मोत्सवका अवसरमा विद्यार्थीहरूलाई व्यवस्थापक अधिकृत तथा बन्दोबस्ती अधिकृतले केक र शुभकामना कार्ड वितरण गरेर सफल एवम् सुखमय जिवनको कामना गरिएको थियो। उक्त कार्यक्रममा महाविद्यालयका संयोजक, शिक्षकहरू, कर्मचारीहरू र सैनिक सकलदर्जाको उपस्थिति रहेको थियो। जेठ महिनामा जन्मनुभएका सबैलाई महाविद्यालय हार्दिक शुभकामना व्यक्त गर्दछ।

मध्य त्रैमासिक परीक्षाको नतिजा प्रकाशन सम्बन्धमा

मिति २०८३/०२/२९ गते सैनिक आवासीय महाविद्यालय, बुटवलमा कार्यरत हाउसमास्टरहरूको अभिमुखिकरण कार्यक्रम सप्पन्न गरियो। उक्त अभिमुखिकरणको सहजीकरण महाविद्यालयका प्रिन्सिपल दाेलराज भण्डारीले गर्नुभएको थियो। अभिमुखिकरणमा महाविद्यालयका व्यवस्थापक अधिकृत प्र.से. विजय प्रकाश आङदेम्बे लिम्बू तथा बन्दोबस्ती अधिकृत सेनानी नरेश अर्यालले आफ्नो धारणा राख्नुभएको थियो।

खरिदार (विज्ञान ल्याब) पदको अन्तिम नतिजा प्रकाशन:

आउटिङकाे सूचना:

खरिदार (विज्ञान ल्याव) पदकाे लिखित परीक्षाको नतिजा प्रकाशन

Short Listing तथा लिखित परीक्षाको सूचना:

महाविद्यालयमा अध्ययनरत विद्यार्थीहरूलाई व्यक्तिगत रुपमा बुझी उनिहरूलाई उचित पथप्रदर्शन गर्ने उदेश्यले हरेक विद्यार्थीका लागि Mentor Teacher को व्यवश्था गरिएको छ। यसै सन्दर्भमा यस शैक्षिक सत्रको पहिलो Mentor Teacher and Student Meeting (समुहगत बैठक) सम्पन्न भएको छ।उक्त बैठकमा शिक्षकहरूले विद्यार्थीहरूलाई विविध पक्षमा सामुहिक परामर्श प्रदान गर्नुभएको छ।

मिति २०८३/०२/२० गते यस महाविद्यालयमा कक्षा ६, ७ र ८ मा अध्ययनरत विद्यार्थीहरूको वादविवाद प्रतियोगिता सम्पन्न भएको छ। वादविवादको प्रतियोगिताको शिर्षक "कृतिम बौधिकता(AI)ले विद्यार्थीको सृजनात्मक क्षमता घटाँउछ", रहेको थियो। सो कार्यक्रमको सञ्चालन कक्षा ८ की छात्रा कृतीका पराजुलीले गर्नुभएको थियो। उत्साहजनक सहभागिता रहेको उक्त प्रतियोगितामा निम्न विद्यार्थीहरू पुरस्कृत हुनुभएको छ:
क. प्रथम- श्रीयानी राणा, कक्षा-८
ख. द्वितीय- रिज्मा जि.सी., कक्षा-८
ग. तृतीय- विदुषी सुवेदी, कक्षा-७ र रितिका अर्याल, कक्षा-७
सहभागी तथा पुरस्कृत हुनुभएका सबै विद्यार्थीलाई थप सफलताको कामना गर्दछौं।