Mahanand Prasad Upadhyay secondary school Birgunj-28,Bagahi,Parsa

29/07/2026

गुरुर्ब्रह्मा गुरुर्विष्णुः गुरुर्देवो महेश्वरः ।
गुरुः साक्षात् परब्रह्म तस्मै श्रीगुरुवे नमः ॥

17/07/2026

वीरगंज महानगरपालिका नगर स्तरीय प्रथम त्रैमासिक परीक्षा २०८३ आज मिति २०८३/०४/०१ गते बिहान ६:०० बजे देखि सन्चालन हुँदै ......

16/07/2026

कक्षा १२ को मौका परीक्षा २०८३ को समय तालिका

15/07/2026

पठन पाठन स्थगित सम्बन्धमा ।

11/07/2026

🕊️ शीघ्र स्वास्थ्यलाभको कामना 🕊️
आज मिति २०८३ साल असार २७ गते, शनिवार, साँझ करिब ६ बजेर ४५ मिनेटमा, वीरगञ्जबाट बगही जाने क्रममा अपौनी अगाडि ड्राइपोर्ट जाने सडकखण्डमा भएको दुःखद मोटरसाइकल दुर्घटनामा परी श्री महानन्द प्रसाद उपाध्याय माध्यमिक विद्यालय, वीरगञ्ज–२८, बगहीमा कार्यरत हाम्रा आदरणीय सहकर्मी श्री भरत सहनीज्यूको दाहिने खुट्टा र बायाँ हात भाँचिएको दुःखद खबरले हामी सम्पूर्ण विद्यालय परिवार अत्यन्त मर्माहत भएका छौँ।
यस दुःखद घडीमा हामी उहाँप्रति हार्दिक सहानुभूति व्यक्त गर्दै सफल उपचार, शीघ्र स्वास्थ्यलाभ तथा पूर्ण रूपमा स्वस्थ भई पुनः विद्यालय परिवारबीच फर्किनुहोस् भन्ने हार्दिक कामना गर्दछौँ।
परमपिता परमेश्वरको कृपाले उहाँलाई धैर्य, साहस, सफल उपचार र शीघ्र स्वास्थ्यलाभ प्राप्त होस्। उहाँ चाँडै पूर्ण रूपमा निको भई पुनः आफ्नो कर्तव्यमा फर्किन सकून् भन्ने हाम्रो हार्दिक प्रार्थना छ।
हार्दिक शुभेच्छासहित,
श्री महानन्द प्रसाद उपाध्याय माध्यमिक विद्यालय परिवार
वीरगञ्ज–२८, बगही, पर्सा

10/07/2026

प्रथम त्रैमासिक परीक्षा २०८३ को सूचना

24/06/2026

10/06/2026

बृत्ति मार्गनिर्देशन कार्यक्रम (छैटौँ दिन तथा छ दिने कार्यक्रम सम्पन्न) प्रतिवेदन
विद्यालय: श्री महानन्द प्रसाद उपाध्याय माध्यमिक विद्यालय, वीरगञ्ज–२८, बगही, पर्सा
कार्यक्रम अवधि: २०८३ साल जेठ २२ गतेदेखि २०८३ साल जेठ २७ गतेसम्म
सहजकर्ताद्वय: श्री प्रेमशंकर श्रेष्ठ र श्री प्रमोद भट्ट
श्री महानन्द प्रसाद उपाध्याय माध्यमिक विद्यालय, वीरगञ्ज–२८, बगही, पर्सामा सञ्चालन भइरहेको बृत्ति मार्गनिर्देशन कार्यक्रमको छैटौँ तथा अन्तिम सत्र २०८३ साल जेठ २७ गते सफलतापूर्वक सम्पन्न भएको छ। विद्यालयमा २०८३ साल जेठ २२ गतेदेखि २७ गतेसम्म लगातार छ दिन सञ्चालन गरिएको यस कार्यक्रममा विद्यार्थीहरूलाई आफ्नो रुचि, खुबी, क्षमता र भविष्यको बृत्ति छनोट सम्बन्धी विभिन्न विषयमा सहभागीमूलक तथा क्रियात्मक ढङ्गबाट प्रशिक्षण प्रदान गरिएको थियो।
छ दिनको अवधिमा रुचि र खुबी, पाँच क्षमता, मेरो बृत्ति विश्वास, मेरो क्षमता–मेरो बृत्ति, बृत्तिका प्रकारहरू, नेपालको शैक्षिक संरचना, नेपालको शिक्षा प्रणाली, प्राविधिक तथा व्यावसायिक शिक्षाको महत्त्व, बृत्ति क्षेत्र जीवनरेखा, बृत्ति पथ–१ तथा बृत्ति पथ–२ र योजना निर्माण लगायतका महत्वपूर्ण विषयहरूमा छलफल तथा अभ्यास गराइएको थियो।
कार्यक्रमका प्रत्येक सत्र करिब ११० मिनेट का दरले सञ्चालन गरिएका थिए। छ दिनमा जम्मा ६६० मिनेट समय खर्च गरी विद्यार्थीहरूलाई व्यावहारिक तथा जीवनोपयोगी ज्ञान प्रदान गरिएको थियो। कार्यक्रम सञ्चालनका क्रममा फ्लिपचार्ट, कार्यपुस्तिका, फ्ल्यासकार्ड लगायतका शैक्षिक सामग्रीहरूको प्रयोग गरी विद्यार्थीहरूलाई सक्रिय सहभागितामूलक सिकाइ प्रक्रियामा संलग्न गराइएको थियो।
कार्यक्रमको प्रभावकारी सहजीकरण विद्यालयका सहजकर्ताद्वय श्री प्रेमशंकर श्रेष्ठ र श्री प्रमोद भट्ट ले गर्नुभएको थियो। उहाँहरूको कुशल मार्गदर्शन तथा सहजीकरणबाट विद्यार्थीहरूले आफ्नो रुचि, खुबी र क्षमताको पहिचान गर्दै भविष्यको बृत्ति निर्धारण गर्न महत्वपूर्ण आधार प्राप्त गरेका छन्। साथै विद्यार्थीहरूले आगामी तीन महिनाका लागि व्यक्तिगत योजना निर्माण गरी आफ्नो लक्ष्यतर्फ अघि बढ्ने प्रतिबद्धता व्यक्त गरेका छन्।
कार्यक्रम अवधिभर विद्यार्थीहरूले उत्साहपूर्वक, अनुशासित र सक्रिय सहभागिता जनाएका थिए। उनीहरूको जिज्ञासा, लगनशीलता र सिकाइप्रतिको सकारात्मक सोचले कार्यक्रमलाई अझ उपलब्धिमूलक बनाएको थियो।
अब आगामी चरणमा कक्षा १० का विद्यार्थीहरूका लागि सातौँ सत्र सञ्चालन गरिने योजना रहेको छ।
अन्त्यमा, विद्यार्थीहरूको उज्ज्वल भविष्य निर्माण तथा सही बृत्ति छनोटमा सहयोग पुर्‍याउने उद्देश्यले सञ्चालन गरिएको यो छ दिने बृत्ति मार्गनिर्देशन कार्यक्रम भव्य, सभ्य र सफलतापूर्वक सम्पन्न भएको जानकारी गराइन्छ।
प्रतिवेदक
श्री प्रेमशंकर श्रेष्ठ
सहजकर्ता, बृत्ति मार्गनिर्देशन कार्यक्रम
श्री महानन्द प्रसाद उपाध्याय माध्यमिक विद्यालय
वीरगञ्ज–२८, बगही, पर्सा।