27/09/2025
आज मिति २०८२ आश्विन ११ गते शनिबार मैत्रेय युवा संघको आयोजनामा भएको मैत्रेय बुलेटिन पत्रिकाको समीक्षा कार्यक्रम थथुबहीमा सम्पन्न भयो ।
संघ अध्यक्ष लक्ष्मीचन्द्र बज्राचार्यको सभापतित्वमा श्रद्धेय अरियञाणी गुरुमांको प्रमुख आतिथ्यमा गुरुमांबाट दीप प्रज्वलन र पञ्चशील ग्रहण गरी सुरुभएको उक्त कार्यक्रममा लक्ष्मीचन्द्र बज्राचार्यले स्वागत मन्तव्य व्यक्त गर्नुभएको थियो ।
गत बैशाख २० गते देखि असार २१ गतेसम्म हरेक शनिबार संघद्वारा संचालित बुद्धशिक्षाको आधारभूत कक्षामा सम्मीलित भई परियत्ति कक्षा संचालन भएका प्रभात सेकेण्डरी स्कुलका तर्फबाट शिक्षिका अलिना शाक्य , बासु माध्यमिक विद्यालयकी शिक्षिका सूर्यलक्ष्मी श्रेष्ठ र सेक्रेड हार्ट एकेडेमीका प्रधानाध्यापक श्रीराम सुवालले परियत्ति शिक्षा कक्षा विद्यालयमा सुरु भई सकेको बारे जानकारी दिंदै विद्यार्थीहरूलाई नैतिकवान चरित्रवान बनाउने शिक्षकको धर्म हो भन्ने कुरा व्यक्त गर्नुभयो ।
मुनि विहारद्वारा आयोजित नेपालमण्डलव्यापी बौद्ध वक्तृत्वकला प्रतियोगितामा प्रथम स्थान हासिल गर्नुभएकी एभरेष्ट ईंग्लिश स्कुलकी छात्रा सौम्यता अधिकारी र बौद्ध विद्वान रत्नसुन्दर शाक्यले पनि मन्तव्य व्यक्त गर्नुभएको उक्त कार्यक्रममा श्रद्धेय अरियञाणी गुरुमांले उक्त बुलेटिन पत्रिकाको समीक्षा गर्नुभएको थियो । उहाँले लेखहरू अत्यन्तै घतलाग्दो रहेको कुरा व्यक्त गर्नुहुँदै तालिमबाट धेरै कुरा उपलब्धि भएकोमा खुशी पनि व्यक्त गर्नुभयो साथै संघको कार्यको सराहना गर्नुहुँदै अझ उत्तरोत्तर प्रगतिको कामना गर्नुभयो ।
पत्रिकाका लागि लेख तथा आधारभूत कक्षाको अनुभव लेखी सहयोग गर्नुहुने सम्पूर्णलाई बुद्ध चित्र , सम्पादक लक्ष्मीचन्द्र बज्राचार्य तथा समिक्षक अरियञाणी गुरुमांलाई बुद्धमूर्ति धर्मोपहार तथा बुलेटिन पत्रिकाको प्रायोजन गरी आर्थिक सहयोग गर्ने गणेश ज्यास: पस: लाई कृतज्ञता पत्र र मैत्रीपूर्ण धर्मोपहारबाट सम्मान गरिएको उक्त कार्यक्रममा संघका उपाध्यक्ष तिर्थराज बज्राचार्यले धन्यबाद ज्ञापन गर्नुभएको थियो ।
उक्त पत्रिकाका लागि आर्थिक सहयोग गर्नुहुने दाता हेमबज्र बज्राचार्य ( गणेश ज्यास: पस: ) लाई विशेष आभार सहित कृतज्ञता व्यक्त गर्दै लेख लेखी सहयोग गर्नुहुने सम्पूर्णमा संघ हार्दिक साधुवाद व्यक्त गर्दछ ।
मैत्रेय युवा संघ , भक्तपुर ।।।
🌺🌺🌺साधु!!साधु!!साधु!!🌺🌺🌺
