22/01/2018
कलियुगको अन्त्य हुँदै !
हिन्दु धर्मको धार्मिक दस्तावेजको अनुसार युगलाई सत्य,त्रेता, द्धापर र कलि गरि चार भागमा विभाजन गरिएको छ ।
सत्ययुगमा मानिसहरुको दिमागमा कुनै प्रकारको लालच, इष्र्या वा विकृति थिएन । त्रेतायुगमा दुष्कर्मले समाजमा आफ्नो जरा जमाउन शुरु गर्यो । द्धापरयुगमा आधा भन्दा धेरै मानिसहरुले नकरात्मकताको ग्रहण गरिसकेका थिए र कलियुगमा पाप र आनाचारको बोलबाल हुन्छ ।
कलियुगलाई विनाशको समय मानिएको छ जुन भौतिक विनाशको साथसाथै व्यक्तिको अन्तरात्मा र उसको चरित्रको साथमा जोडिएको छ । कलियुग त्यो समय हो जब कुनै पनि व्यक्ति पुरै तरिकाले पापबाट मुक्त भएको हुनेछैन् ।
धेरै समय अघि लेखिएको भागवत पुराणमा कलियुगको हालतको बारेमा वर्णन गरिएको छ । भागवत पुराणको सबैभन्दा पहिलो भविष्यवाणी अनुसार कलियुगको समयमा व्यक्तिको राम्रो कुलका पहिचान सिर्फ धनको आधारमा हुनेछ । धनको लागि मानिसहरु आफ्नो नातेदार र साथीको रगत बगाउन पनि पछि पर्दैन । धर्मको महत्व, धैर्य, प्रेम र सहयोगको भावना व्यक्तिको जीवनबाट समाप्त हुन्छ ।
भागवत पुराणको अनुसार कस्तो हुन्छ कलियुगको समाप्ति भन्दा अगाडिको हालत ?
शारीरिक इच्छाको पूर्तिको लागि मात्रै महिला र पुरुष एकअर्काको साथमा बस्छन् । पुरुषत्वको अर्थ सिर्फ पुरुषको सम्भोग शक्तिसँग जोडेर मात्रै हेरिन्छ । धर्तीमा भ्रष्ट मानिसहरुले भरिन्छ र यिनै भ्रष्ट मानिसहरुमा जो सबैभन्दा तागतिलो हुन्छ उसैले सत्ता हत्याउँछ ।
महिलाहरु धेरै कडा बोल्न थाल्नेछन् र उनीहरुको चरित्रमा नकरात्मकता भरिसकेको हुनेछ । उनीहरुमाथि न त पिताको जोर चल्छ न त पतिको जोर चल्छ ।
एक सामान्य व्यक्तिको उमेर मात्र १६ वर्ष हुन्छ र ७–८ वर्षको उमेरमा केटीहरु गर्भाधारण गर्न थाल्छन् । धर्तीमा एउटा पनि धार्मिक स्थल हँर्दैन र ताराको प्रकाश पनि कम हुँदै जान्छ ।
मौसमको हालत नियन्त्रण बाहिर जान्छ । अत्याधिक ठण्डा, गर्मी र बरफको कारणले तापमान बिगँदै जान्छ जसको कारणले मानिस प्यास, भोक र बिमारीले पीडित हुन्छन् ।
भागवत पुराणको अनुसार कलियुगको समाप्तिको पहिले मानिसहरु सिर्फ माछा खाएर र बाख्राको दुध पिएर नै जिवन व्यतित गर्छन किनभने धर्तीमा एउटा पनि गाई बच्दैन् ।
स्वच्छन्द जीवन
धर्तीमा रहनेवाला कुनै व्यक्ति कुनै पनि तरिकाले वैद्धिक र धार्मिक कार्यमा रुची लिदैंन, उ एक स्वच्छन्द जीवन बिताँउछ ।
भगवान विष्णुको अनुसार कलियुगको शरुवात तब हुन्छ जब महिलाहरु आफ्नो कपाल काट्न थाल्छन् । जब महिलाहरु आफ्नो कपाल जो उनीहरुको लाज र गहना हो त्यसलाई छेडछाड गर्न थाल्छन तब यो मान्नुहोस कि अब कलियुगको सुरुवात भयो ।
कपाल काट्नुको बाहेक जब महिलाहरु आफ्नो कपालको प्राकृतिक रंगको साथमा छेडछाड शुरु गर्छन तब कलियुगले प्रवेश गर्यो भन्ने बुझ्नुपर्छ ।
यस्तो हालतमा भगवान बिष्णुको अन्तिम कल्की अवतारको जन्म हुन्छ । पौराणिक दस्तावेजहरुको आधारमा कल्कीको जन्म मुरादाबाद, उत्तर प्रदेशको सम्भल जिल्लामा हुन्छ । उनी आफ्नो अभिभावकको पाँचौं सन्तान हुन्छन् र उनको पिताको नाम विष्णुयश अथवा माताको नाम सुमती हुन्छ ।
कल्कीको शरिरमा दैवी शक्ति हुन्छ । कल्की साह्रै नै सुन्दर र गोरो वर्णको हुनेछन् तर उनको क्रोध रुप धेरै नै डरलाग्दो हुनेछ । कल्की धेरै नै बुद्धिमान र साहसी युवक हुनेछन् जसले सोच्नासाथै अस्त्र, शस्त्र र वाहन उनको समक्ष उपस्थित हुन्छ । कल्कीले कलियुगको सबै दुष्कर्म र खराब व्यक्तिहरुलाई नाश गरेर पुनः सत्य युगको स्थापना गर्नेछन् ।
