12/10/2025
https://www.facebook.com/61572695642687/posts/122154926114756521/?app=fbl
दुखद् खबर
छालिङ जाने सडककाे दूरावस्थाका कारण तीन घाइते
घाइतेमा अभिभावकसहित दुई सन्तान
भक्तपुर । भक्तपुरको छालिङमा सडककाे दूरावस्थाकाे कारण आइतबार तीनजना घाइते भएका छन् ।
भक्तपुरबाट खरिपाटी ब्यारेक- गुडी- वडा कार्यालय जाने सडककाे दूरावस्थाकाे सिकारमा तीन जना परेका हुन् ।
बच्चा स्कुल पुर्याउन गएका बुवा सराेज वाइवा, छाेरा संजाेग र छाेरी अनुषा साइकलबाट लडेर घाइते भएका छन् ।
विहान साढे ९ बजेकाे समयमा खरिपाटी ब्यारेकबाट गुडीस्थित श्रीगणेश माध्यमिक विद्यालयमा बच्चा पुर्याउन जाने क्रममा साे सडककाे उकालाेमा थुपारिएकाे ढुंगाका कारण दुर्घटनामा परेकाे पीडित वाइवाले बताए ।
उनले उकालाेमा विपरीत दिशाबाट आइरहेकाे एक सवारी साधनलाई साइड दिने क्रममा उक्त घटना भएकाे बताए ।
`उकालो भाे, त्यही ढुंगा थुपारिएकाे छ । अर्कोतर्फबाट एउटा गाडी आइरहेको थियाे । म, छाेराछाेरी साइकलमै थियाैं । साइड दिन ठाउँ पुगेन । काेल्टे पर्याे । हामी लड्याैं´, उनको भनाइ छ ।
साईकलबाट लडेर घाइते तीनजनालाई नै भक्तपुरको ख्वप अस्पताल लगिएको थियाे । विद्यालय स्राेतका अनुसार दुर्घटनामा परेका तीनमध्ये बुवा र छाेरीकाे उपचार ख्वप अस्पताल र छाेराकाे धूलिखेल अस्पतालमा भएको छ ।
उक्त सडकको स्तराेन्नतिकाे काममा सम्बन्धित निकायको लापरबाहीका कारण सडकमा यात्रा गर्न जाेखिम बढेकाे छ ।
साे विषयमा स्थानीयले पटकपटक सराेकारवालाकाे ध्यानाकर्षण गराउँदा पनि सुनुवाइ हुन सकेको छैन ।
उक्त सडकको दूरावस्थाबारे सञ्चारकमी हरिसुन्दर छुकांले सम्बन्धित निकायकाे ध्यानाकर्षण गराउँदा चाँगुनारायण नगरपालिकाका नगर प्रमुख जीवन खत्रीकाे सचिवालयबाट अपशब्द प्रयाेग गरिएको घटना सेलाउन नपाउँदै दुर्घटना हुन पुगेकाे छ ।
