29/08/2025
शुद्ध पिउने पानी हस्तान्तरण कार्यक्रम सम्पन्न
भाद्र १३, २०८२ । भक्तपुर– नबिल बैंक प्रा. लि., SMART पानी प्रा. लि. र श्री पद्म माध्यमिक विद्यालय, भक्तपुरबीच भएको त्रिपक्षीय सम्झौताअनुसार विद्यालयमा शुद्धीकरण प्रविधि जडित शुद्ध पिउने पानी हस्तान्तरण कार्यक्रम आज सम्पन्न भएको छ ।
कार्यक्रममा संस्थाका प्रतिनिधिहरूको उपस्थिति रहेको थियो भने विद्यालयका सम्पूर्ण शिक्षक र विद्यार्थीले सक्रिय सहभागिता जनाएका थिए । यसबाट अब विद्यालयका विद्यार्थी, शिक्षक तथा कर्मचारीले स्वच्छ र सुरक्षित पिउने पानीको सुविधा पाउने अपेक्षा गरिएको छ ।
विद्यालय व्यवस्थापन समितिका अध्यक्ष तथा भक्तपुर नगरपालिका–३ का वडाध्यक्ष राजकृष्ण गोराले धन्यवाद ज्ञापन गर्दै आगामी दिनमा पनि यस्तै खालको सहकार्य निरन्तर रहने विश्वास व्यक्त गर्नुभयो । विद्यालयका प्रधानाध्यापक राम हाडाले कार्यक्रम सञ्चालन गर्दै धन्यवाद ज्ञापन गर्नुभएको थियो ।
विद्यालय परिवारले उक्त सहयोगलाई उच्च सराहना गरेको छ ।
