Volda Kulturskule

05/05/2026

I løpet av Mai blir det rockeskule på ungdomsklubben i Volda! vi har satt av tre laurdagar til å drive med workshop i Samspel, Lyd og Lys og musikkutøving på scena! Du får gratis lunsj kvar samling! Målet er å jobbe fram mot UKM i Ørsta 29. og 30. Mai. Meld deg på på tlf: 90125431. 9/5, 16/5 og 23/5 kl. 10-16.

Lenke for påmelding: https://www.ukm.no/arrangement/2026-volda-rockeskulevolda

18/04/2026

Takk til elevane som deltok i tolvkonserten i dag!

16/04/2026

Laurdag er det tolvkonsert med kulturskulen I Volda kyrkje. Ta eit avbrekk frå laurdagshandel og husvask og unn deg ein liten halvtime med musikk i Sunnmøres flottaste akustikk!

16/04/2026

Sjå den fine gjengen med elevar vi har i kulturskulen sitt folkemusikk- og folkedansprosjekt Øyrafolk.
I år har vi elevar frå 1.-8. klasse frå Volda og Ørsta.
Elevane dansar, syng og spelar saman med Jorun Marie R. Kvernberg og Anna Gjendem. I haust har den yngste gruppa i tillegg til dans og song fått prøve seg på fele saman med Jan Beitohaugen Granli.

Til hausten tek vi mot nye elevar.

16/04/2026

På sundag deltek elevane i Øyrafolk (folkemusikk og folkedans) på «MiniFolkeMusikkFestival» på Runde.
Dei skal spele, synge og danse saman med Spelemannslaget Havella med elevar frå kulturskulane i Herøy og Sande.

Velkomne!

FAMILIEARRANGEMENT PÅ RUNDE SØNDAG I FESTIVALEN!
Om nøyaktig ei veke, søndag 19. april kl. 12, blir det eit kjekt opplegg på Runde Miljøsenter. Då får vi med Opplev Runde i samarbeid med oss som arrangerer MiniFolkeMusikkFestival-helga! Opplegget søndag startar med "miljøspeling" ved Havella og Øyrafolk kvar for seg, deretter i lag. Og det blir felles dans for alle som er der (om ein vil ;o) og gjerne ute om det blir fint ver. Tacobuffet (195,- for vaksen og 99,- for born) og litt andre rettar på menyen for dei som vil kjøpe seg mat. Elles blir det omvisning «Gull, sølv og piratar», samt Endre (15) frå Volda som spelar på toraderen sin medan det er mat og omvisning. På repertoaret er både barnesong frå Runde og folketone frå Folkestad m.m. Vi håpar dette vert ei fin avslutning på ei innhaldsrik helg!

21/03/2026

Denne veka tok vi turen til utstillinga «Spor» ved elevar ved KDA i Volda.

Mange imponerande arbeid som inspirerte elevane ved Visuell kunst!🌸

12/03/2026

Onsdag 11. mars arrangerte Onsdagsdansarane og Øyrafolk Miljøkveld på Uppheim.
140 personar tok turen til arrangementet - veldig kjekt!
Takk til Volda toraderlag, Halkjelsvika spelemannslag, Onsdagsdansarane, Volda frilynde ungdomslag, Øyraspel, Øyrafolk, studentar frå NMH og Volda og Ørsta folkedanslag som spelar, dansar og bakar kake.

Foto: Fredrik Hope

01/03/2026

Sjå kor kjekt Øyrafolk hadde det på Sjokoladekappleik i Ulsteinvik!

Frå kulturskulen stilte 20 av borna frå Øyrafolk og Øyrafolk rekrutt med spel, song og dans. I tillegg spelte toradereleven vår to låtar solo.

Borna fekk premie - sjokolade!
Dagen vart avrunda med pizza til alle deltakarane sponsa av Folkemusikklaget.
For ein dag!

08/02/2026

Mange heldige mødre idag💝

Elevane ved Visuell kunst har laga morsdagkort i valgfri teknikk denne veka🙌🏻

12/01/2026

Volda kulturskule er på jakt etter vikar som kan undervise i piano og gitar i Hornindal. Ta kontakt om du kjenner deg aktuell eller har eit godt tips til oss! 🤞

06/01/2026

Juhu! To nominerte frå Volda! Tvi tvi, Torje Nango og Julijane Vasbotn Remmereit!