09/06/2015
Hei alle saman! Eirik Sognnes her, leiar for fjorårets sommarbandskule. Eg har fått ein del spørsmål i det siste om det blir sommarbandskule i år. Det er med tungt hjarta eg dessverre må seia nei, det blir dessverre ikkje det.
Fjorårets sommarbandskule er noko av det kjekkaste eg har gjort og eg blei så stolt over alle deltakarar og det dykk fikk til SAMAN som band på øvingsromma. Når eg likevel no vel å ikkje arrangere bandskule igjen er det med grunngjeving i at eg frå 1. august er tilsett i 100% jobb, og før den tid skal gi ut ny musikk og spela live andre stadar i landet i sommar, i tillegg til anna jobb. Eg har med andre ord ikkje tid nok, for å arrangera ein bandskule tek litt tid :) Dei andre lærarane er også travle med anna jobb.
Eg er svært stolt og glad for det me fikk til saman i fjor. Målet med skulen var å skapa kjensla av mestring og glede hos dei påmeldte gjennom musikk, og eg føler meg viss om at det klarte me! Ekstra kjekt er det sjølvsagt å få høyra av foreldre og fjorårets elevar at dei no er byrja å øva og ha det kjekt gjennom musikken saman med andre. Håpa dykk vil halda fram med det! Så.. Her kjem ei oppfordring til alle elevar og foreldre som me blei kjent med i fjor:
Elevar: Kanskje detta er sommaren der du skal starta ditt eige band? Du kan ta kontakt med nokon du blei kjent med på bandskulen i fjor, ein nabo, nokon i klassen din eller på skulen, å spørja om dei kunne tenkt seg å spela saman med deg? Dei treng ikkje nødvendigvis kunna spela eit instrument. På ein sommar har dei nok av tid til å læra seg litt, og du som var med på skulen i fjor kan jo alt masse! Kanskje du kan læra noko vekk til ein venn? Det går også ann å spørja venner, foreldre, familie eller andre vaksne om litt hjelp også. Det er også masse gode «lærevideoar» på youtube.com
Så eit tips: Start med ei enkel låt. At det ikkje er di favorittlåt er ikkje nøye. Maks 3 grep/ akkordar. Tru det eller ei, men 90% av alle songar består av berre tre grep, så det bør vera nok å velja i (du finn grep og tekst på nettet). Dykk kan også senda meg ein melding å be om hjelp til velga ei egna låt (tlf 46662863, eller på facebook). Så om det skulle skje, må dykk ikkje høyra på folk som klagar ber dikka vera stille. Volda er så stille om sommaren at litt lyd før klokka 23 tåle bygdi, MEN pass på øyrene dikkast og bruk øyreproppa!
Eg er ikkje så glad i for mange reglar, men eg har laga meg eit lite sett "bandreglar" som eg følgjer den dag i dag.
1. Det skal vera moro. All moro starta med at me er greie med kvarandre.
2. Instrumentet er stemma di. Me snakkar minst mulig i munnen på kvarandre og syng mest mogleg saman!
3. Bruk øreproppa (Øyreproppa får ein kjøpt på apoteket. )
4. Når eg skal skru opp volumet så skrur eg volumknappen roleg opp.
Til foreldre: Kanskje detta er sommaren for å rydda litt plass i garasjen eller kjellaren å legga til rette for eit realt garasjeband? Eller kanskje det går ann å gjera ein avtale med eit sommartomt lokale i bygdi å låna eit rom, kanskje til og med eit musikkrom til eit sommarband? Eg er tilgjengelig på tlf 46662863 dersom dykk treng råd eller har spørsmål.
Då ynskjer eg dykk alle ein riktig god sommar!
Med rockande helsing
Eirik Sognnes
PS: Om nokon der ute vil arrangera liknande bandskular i Volda eller omegn, er det berre å ta kontakt om det er noko eg kan hjelpa dykk med eller lat oss få reklamera litt for dykk.
