Vassenden skule

13/05/2026

Sykkel på timeplanen!

Fleire klassar på barneskulen har vore på sykkeltur til Strand gard, og hatt "sykle til skulen-veke"

08/05/2026

⚠️❗️ Kan alle som bur på Vassenden hjelpe oss litt med å følgje med på aktiviteten på skulen kveldar og helgar i tida framover?

Det har vore fleire tilfelle i det siste der folk tek seg opp på taka på barneskulen på kveldstid og i helgar. Dette må vi få stogga før det skjer ei alvorleg ulukke.

Å opphalde seg på taka er strengt forbode, både fordi det er svært farleg og fordi det kan føre til store materielle skadar. Risikoen for fall er høg, og taka er ikkje konstruerte for ferdsel. Ein kan i verste fall gå gjennom taket, eller falle utfor ved stor høgde. Trakking på taka kan resultere i omfattande vasslekasjar og kostbare reparasjonar som vert rekna som alvorleg hærverk.

Dersom nokon observerer aktivitet på taka når de er på treningar el.l. på skuleområda, ber vi om at dette vert meldt direkte til ein av oss i leiinga på skulen. Gjerne som ein SMS til rektor på 992 02 656.

Vi ønskjer å førebyggje ulykker og skadar, og gode observasjonar frå nærmiljøet er til stor hjelp.🫶

På førehand takk for at de bidreg til å hjelpe oss med å halde skuleområdet vårt trygt og godt for alle!

Venleg helsing
Rektor AC Kapstad

05/05/2026

Skulane i Sunnfjord kommune søker etter barne- og ungdomsarbeidarar, assistentar, vernepleiar og andre med relevante fagutdanningar. På Vassenden skule har vi desse stillingane ledig til hausten, med søknadsfrist 13. mai:

30 % fast stilling som barne- og ungdomsarbeidar eller assistent

39 % årsvikariat som barne- og ungdomsarbeidar eller assistent
Stillingar som kjem til fram mot skulestart.

https://sunnfjord.easycruit.com/vacancy/3623489/142837?iso=nn

Det er ledige stillingar i ved sju av skulane i Sunnfjord frå august som barne- og ungdomsarbeidarar og assistentar.

Les meir: https://sunnfjord.easycruit.com/vacancy/3623489/142837?iso=nn

17/04/2026

Ledige stillingar som lærar i Sunnfjord kommune. Vassenden skule har nokre ledige vikariat. Tips og del gjerne vidare!

Sunnfjord kommune Skule

16/04/2026

Førre veke arrangerte ungdomsskulen "Jølstraveka", og elevane fekk utfolde seg på mange ulike arenaer 😀

Førre veke arrangerte ungdomsskulen «Jølstraveka».

14/04/2026

https://sunnfjord.kommune.no/tenester/barnehage-og-skule/skule/skular-i-sunnfjord-kommune/vassenden-skule/nytt-fra-vassenden-skule/innskriving-for-nye-forsteklassingar.36516.aspx

Det vert innskriving for nye førsteklassingar ved Vassenden skule onsdag 29.april kl. 09.00-11.00. Føresette følgjer sitt barn. Same kveld er det foreldremøte kl. 19.00 på naturfagrommet på barneskulen.

01/04/2026

Årets aprilspøk frå Vassenden skule 😉

Vassenden-lærar kåra til Årets lærar i Noreg🇳🇴🥳👏🏼

Ståle Fossheim (44) frå Vassenden vart i helga kåra til Årets lærar 2026. No
haglar gratulasjonane inn — ikkje berre frå kollegaer i Sunnfjord, men også frå verdskjende universitet som Harvard.
– Dette er heilt utruleg. Eg hadde aldri trudd at eg, ein lærar på Vassenden skule, skulle få ei slik utmerking, seier Fossheim med eit stort smil når vi får tak i han på telefon dagen etter prisutdelinga i Oslo.
Kåringa av Årets lærar vert gjort av Utdanningsforbundet i samarbeid med
Kunnskapsdepartementet. Juryen peikar særleg på Fossheim si evne til å gjere faga praktiske og relevante for elevane, særleg innan arbeidslivsfag og kunst og handverk.Frå små bygdeklassar til verdsleg merksemdFossheim har dei siste åra blitt kjend som ein særs engasjert og kreativ lærar ved Vassenden
skule, der han underviser både på mellomtrinnet og ungdomstrinnet.
– Ståle får oss til å lære gjennom å gjere ting i praksis. Vi har fått jobbe med ekte prosjekt som gir meining, seier ein elev i 10. klasse.Rektor ved skulen, Anne Cecilie Kapstad, er full av lovord:– Han har ein heilt unik evne til å møte elevane der dei er. Gjennom arbeidslivsfag og kunst og handverk gir han dei praktiske ferdigheiter dei kan ta med seg vidare i livet, seier ho.Helsing frå Harvard Det er ikkje berre i Sunnfjord at Fossheim si undervisning vekkjer merksemd. Då nyheita om prisen vart kjent, sende sjølvaste Harvard University gratulasjon.
– Fossheim sitt arbeid er eit døme på korleis praktisk læring kan fremje djup forståing og motivasjon hos elevane. Vi håpar å få høyre meir frå han på våre internasjonale konferansar, seier professor Lisa Feldman ved Harvard Graduate School of Education.Også Oxford University har allereie teke kontakt med tanke på gjesteførelesingar.
– Viss eg kan inspirere fleire lærarar, er mykje vunne. For Fossheim sjølv er det viktigaste no å bruke prisen til å fremje praktisk læring i skulen.
– Eg vil vise at også ein lærar på ein liten skule i distrikta kan bidra til å fornye undervisninga. Når elevane får lære ved å bruke hendene, samarbeide og løyse reelle oppgåver, ser vi eit heilt anna
engasjement. Om fleire lærarar tek dette med seg inn i klasseromma sine, har eg oppnådd mykje, seier han.Feiring heime
På Vassenden skule blir det feiring denne veka. Elevane planlegg blomar, kakebord og ei eiga utstilling av elevarbeid frå arbeidslivsfag og kunst og handverk til ære for læraren sin.
– Vi er veldig stolte av Ståle. Dette viser at ein ikkje treng kome frå ein stor by for å nå langt, seier rektor Anne Cecilie Kapstad

10/03/2026

9. klasse har arrangert Kokkesprell i faget mat & helse. Kan dei vinne nasjonal konkurranse med si oppskrift? Vi ventar i spenning 😊

I veke 10 arrangerte 9. klasse Kokkesprell, med iver og glede. Elevane komponerte sine eigne rettar med sjømat, totalt seks gode rettar. Etter hardt arbeid med smaking og vurdering kåra juryen ei vinnaroppskrift, som vert sendt til Fiskesprell. Så vil dei teste og vurdere oppskrifta i konkurranse...

27/02/2026

https://sunnfjord.kommune.no/tenester/barnehage-og-skule/skule/skular-i-sunnfjord-kommune/vassenden-skule/nytt-fra-vassenden-skule/skidag.36303.aspx

Ikkje alltid like lett å planlegge korleis vêret ser ut etter ein ferie, men jammen greidde vi å treffe den eine dagen denne veka utan nedbør. Store og små har storkosa seg i Jølster skisenter og i langrennsløypene like ved. Topp skiføre begge stader. Tusen takk til Jølster skisenter og Jø...

05/02/2026

https://sunnfjord.kommune.no/tenester/barnehage-og-skule/skule/skular-i-sunnfjord-kommune/vassenden-skule/nytt-fra-vassenden-skule/skoyteis-pa-vassenden.36175.aspx

Vassenden skule har vore velsigna med kalde, fine dagar på skøyteisen!