Effektiv trafikkopplæring

16/02/2026

Me er som fyrste trafikkskule i landet godt i gong med etterutdanning for trafikklærarar, der me har fått to ulike godkjenningar for dei valfrie dagane i etterutdanninga. Her frå kurs førre veke i Førde, der åtte engasjerte trafikklærarar møtte fram for å akua kompetansen sin i samhandling med utrykkingskøyretøy.

Me held på å setja opp kursdatoar framover, ta gjerne kontakt om du vil me skal koma til ditt område!

26/01/2026

Etterutdanning for trafikklærar - trafikanten i møte med utrykkingskøyretøy. Kurset er godkjent som ein av dei frie dagane i etterutdanninga, og du som er i pulje 1 eller 2 kan no få det registrert.

I kurset drøftar me mellom anna korleis trafikklæraren bør undervisa dette temaet, kva ynskje og behov utrykkingsføraren har samt korleis trafikklæraren bør samhandla med utrykkingskøyretøy i skulebilen.

Du kan vera med anten digitalt eller fysisk.

Me har ledige plassar på følgjande kurs (tre alternativ, meld deg på der det passar best):

- 2. og 4. februar (to halve dagar), digitalt der det passar for deg
- 10. februar i Fyllingsdalen (Bergen) - fysisk frammøte
- 12. februar i Førde - fysisk frammøte.

Fleire datoar kjem. Påmelding til [email protected]

23/12/2025

Med eit bilete frå då eleven tok "eple til læraren" til nye høgder vil me gjerne takka for i år. Siste eleven for i år har parkert, og no er det fullt fokus på julefeiring frå i morgon.

2025 har vore eit år med ein god del elevar gjennom opplæring til ulike klassar, ymse konsulentoppdrag for mellom anna trafikkskular, oppstart av ny kursarrangør for utrykking og på toppen av det heile: me fekk for nokre veker sidan som fyrste trafikkskule i landet godkjenning til å gjennomføra delar av etterutdanninga for trafikklærarar.

Me ser fram til å ta imot nye elevar i 2026, og ser spesielt fram til å møta deg som er trafikklærar i samband med etterutdanning. Me kjem til å halda den same høge kvaliteten som alltid.

Kurskalenderen vart diverre ikkje heilt ferdig før dagleg leiar måtte montera juletreet i stova og ta fri. Om du saknar eit kurs er det berre å senda eit skjermbrev, eller epost som det heiter på fint.

Ha ei god jul når den tida kjem, so snakkast me på nyåret!

26/11/2025

Det er alltid stas å verta omtala hjå fensen vår i Lærdal.

Enjoy the videos and music you love, upload original content, and share it all with friends, family, and the world on YouTube.

16/11/2025

Effektiv trafikkopplæring AS har alltid vore langt framme i den faglege utviklinga, og legg vekt på å bidra til å utvikla faget vidare. Me har i fleire år hatt tilbod om opplæring i utrykkingskøyring. Når kravet om etterutdanning for trafikklærarar kom var me allereie godt rusta til å tilby delar av denne.

Som fyrste privateigde trafikkskule i landet kan me no tilby kurs for trafikklærarar som er godkjent som ein av to valfrie dagar i etterutdanninga. Det fyrste kurset me lyser ut, er kurset "trafikanten i møte med utrykkingskøyretøy", kor deltakarane mellom anna får sjå videoar som denne - og deretter høve til å drøfta - kva skjer her? Burde møtande trafikant gjort noko annleis? Burde utrykkingsføraren gjort noko annleis? Me høyrer gjerne ditt syn på dette i kommentarfeltet.

Dette er det fyrste kurset me har fått godkjent. Pr no er det berre godkjent for fysisk frammøte, men me forventar innan kort tid å få godkjenning for digital gjennomføring av kurset òg. Det er òg fleire interessante kurs i planleggjingsfasen.

Send oss gjerne idéar om kva du meinar trafikklærarar bør ha etterutdanning om - kanskje det er nettopp din idé som vert verkjeleg?

21/09/2025

Me lyt jo markera ambulansepersonelldagen, me òg. Her med eit bilete av ei av dei me har lært opp både på C1 og kode 160.

Neste kurs på kode 160 i Sogn og Fjordane har oppstart 3. november i Førde.

14/06/2025

Det ser ut til at me har fått oss ein "fens" i Lærdal. Følg gjerne kanalen hans på tuben, kanhenda me dukkar opp der fleire gongar.

07/12/2024

Kjekt å få vera med eit stykke på refleksstafetten! Sjå filmen, men hugs no for all del på å bruka refleks!

29/11/2024

På grunn av stor interesse har me opna fleire plassar på kurset Trafikant i mørkret på Dale fyrstkomande måndag. Me har no 1-2 ledige plassar, som går til dei fyrste som melder seg på.

18/09/2024

Til glede for fensen som etterlyser fleire kvissar kjem denne. Som vanleg kan du velja å ha lyd på for eit ekstra hint.

16/09/2024

Dagens kviss: kor er me i dag? Hugs lyd!