09/12/2025
Måndag opna kulturskulen si juleutstilling i Austevoll Folkebibliotek.
Heile 56 elevar i teikning og maling er med på utstillinga!
Elevane har brukt topunktsperspektiv, som er ein måte å teikna tredimensjonale objekt på, slik at dei ser verkelege ut.
Alle horisontale linjer møtest i to separate forsvinningspunkt på ei horisontlinje.
Dette blir brukt for å skapa djupn, spesielt når ein ser på eit hjørne av til dømes eit hus eller ein bygning, fordi ein kan sjå to sider samtidig.
Elevane har valt å teikna eller måla det personlege peparkakehuset sitt, som er det eine av to arbeid som kvar elev har laga.
Vinterlandskapet er laga som ein kollasj med monotrykk på geléplate som utgangspunkt.
Bileta er deretter sette saman av mindre utklipp og materialbitar, i kombinasjon med teikning.
Sjå den sjarmerande utstillinga på biblioteket no i førjulstida!
