Austevoll Vidaregåande Skule

22/12/2025

Austevoll vgs treng lærar i akvakultur! 🐟🐟🐟
Vil DU vera med å utdanne ungdommar til ei spanande næring i vekst?

Austevoll vgs er ein yrkesfagleg vidaregåande skule som har utdanningstilbod innan naturbruk, fiske og fangst, akvakultur, teknologi- og industrifag og maritime fag. Skulen har 16 klassar, 240 elevar og 45 tilsette.100 % fast stilling som lærar i akvakultur.

18/12/2025

Volleyballturnering og tautrekking

I dag har me hatt den årlege volleyballturneringa. 16 sportslege lag stilte spennklar til ein aktiv dag. Det var mykje godt spel. Nokre av laga var jamngode og måtte derfor ha ein tredje omgang. Etter at alle hadde spela tre kampar kvar, vart det lunsjpause og tautrekking. Når det er tautrekking, er det ramme alvor. Her er samarbeid, kommunikasjon og teknikk grunnlaget for å gå av med sigeren. Og desse blir ofta finjustert enda litt til om ein går vidare til neste runde. Det vart ein finalekamp mellom FF B og Mar B, der FF B gjekk av med sigeren.

Etter at pølselunsjen var inntatt, vart det nye kampar med volleyball. Etter ein teknisk feil, måtte diverre lærarlaget trekkje seg for å gje plass til eit anna lag som også skulle videre. Til slutt havna Mar C og Tif A i finalen, der Tif A vant heile turneringa.
Enda ein fin dag saman med kjekke ungdommar

11/12/2025

NORTH SEA GIANT!
I dag var klassen vår i maritime fag E på spanande og lærerikt opphald på North Sea Shipping sitt flotte fartøy, North Sea Giant! Her vart det både omvisning og julestemning ombord! Særs kjekt er det å treffe att tidlegare elevar som no er lærling om bord på det 160,9 meter lange skipet.

25/11/2025

«STØ KURS» - OPPDATERING! 😊⚓️

Rett før helga fekk den knalldyktige gjengen på Solund Verft heist det nye styrhuset på plass om bord. No pågår arbeidet med å tilpasse og sveise det fast, før Maritim Montering kan starte innreiingsarbeidet for fullt. Dei har allereie starta med isolasjonsarbeid ulike plassar om bord, så no ser ein stor forskjell frå dag til dag!
No krysser me alle fingre for at dei ulike underleverandørane kan levere bestilt utstyr etter oppsett framdriftsplan - slik at båten blir klar til Lofotfiske i midten av februar! 😅🐟👍

Vår nye maskinist, Per Inge Økland, gjer ein fabelaktig jobb som inspektør om bord, og er blitt eit fast inventar på verftet no 😊 Skuleleiinga følger prosjektet via jamnlege møter, og reiser sporadisk om bord når det trengs. Fleire av klassane våre har vore på dagsturar for å inspisere arbeidet, og me planlegg fleire kjekke dagsturar til Solund framover! 😊

03/11/2025

HOSPITERING AV NORE NESET UNGDOMSSKULE
Fredag 31. oktober kom det elevar frå Nore Neset Skule (Ungdomsskule) på hospitering. Kvar morgon får elevane våre gratis frukost, så hospitantane fekk nytta seg av dette tilbudet. Varme rundstykker, et utval av pålegg, melk og jus. Etter frukost vart elevane delt opp i tre grupper som skulle rulere på ulike stasjonar. Nr.1: omvisning og simulatorar, nr. 2: nothallen, knyte tau og informasjon om ulike arbeidsoppgåver/arbeidskrav ein møter gjennom året, nr.3: ut i båt og hale garn.
Me håpar at elevane vart freista til å søkje skuleplass her, og at me ser nokon av dei igjen til neste skuleår.

17/10/2025

⚓️ STØ KURS ⚓️

Opplæringsfartøyet vårt «Stø Kurs» får no nytt styrhus, instrumentering, stabilitetstank, bysse, vaskerom, mm.
Etter ein god og grundig planleggings-og innkjøpsprosess blei båten for ei stund tilbake segla til Solund Verft AS som vann anbodet. Maritime Engineering AS har bistått med alt av teiknearbeid i prosessen, og følgjer opp med nye stabilitetsberegninger mm.
Arbeidet er godt i gang og skal etter planen vere ferdig til januar/februar, slik at båten er klar til lofotfiske 😊🐟

Austevoll vgs jobbar kontinuerleg med å kunne tilby elevane opplæring på nytt og relevant utstyr, sjølvsagt innafor dei økonomiske rammene som er tilgjengelege. Gleda var difor stor når skulen i lag med eigedomsavdelinga og opplæringsavdelinga i Vestland fylkeskommune fekk på plass finansieringa av dette prosjektet, omlag 30 mill.

Dei siste åra har det vore gjort mykje med båten.
I 2018 blei alt av teknisk utstyr i maskinrommet skifta, med ny hovudmotor, hjelpemotorar, gir, propell, hovudtavle, hydrolikkpumper mm. I 2019/2020 blei all innreiing skifta med nye lugarar, nye bad og ny messe. I 2021 blei ny mast, masthus og ny dekkskrane montert, og i fjor kom ny garnhalar på plass.

Det som stod igjen som gammalt om bord vert no skifta, og kort oppsummert er det;
- nytt styrhus og bruinnreiing
- ny komplett instrumentering. Det vert i all hovudsak av merke Furuno, med nye radarar, ecdis, matrix skjermmatrise (6 stk 43’’), ekkolodd osv.
- ny stabilitetstank
- ny styremaskin
- ny utvida bysse
- nytt vaskerom
- ombygd hekk med nye garnbinger og nytt storesrom
- utvida ferskvannstank

I tillegg er det ulike «klassejobber» som vert gjort samstundes, ettersom fartssertifikatet skal fornyast.

Me gler oss stort til ombygginga er ferdig, og til at elevane igjen kan få god praktisk opplæring om bord på den flotte båten vår! 😊

29/09/2025

VIL DU BLI MED I UNGDOMSRÅDET I AUSTEVOLL?
https://austevoll.kommune.no/nyhet/bli-med-i-ungdomsraadet
Ønsker du å vere med på å påverke kvardagen din i Austevoll?
Søk plass i Austevoll ungdomsråd for 2026-2027.

Ungdomsrådet arbeider for at Austevoll kommune skal vere ein god plass å bu og leva i for unge. Ungdomsrådet si viktigaste oppgåve er å gi innspel til kommunestyret, andre politiske utval og kommunen sin administrasjon om kva som er viktig for unge i Austevoll. Ungdomsrådet kan også ta opp saker på eige initiativ.
Ungdomsrådet arbeider med saker innan kultur- og fritidstilbod, skule, helsetilbod, utvikling av Austevoll, kollektivtrafikk og mykje meir.
Fakta om ungdomsrådet
• Austevoll ungdomsråd består av 8 medlemmer.
• Medlemmane er frå 13 år og på valtidspunktet ennå ikkje fylt 19 år.
• Ungdomsrådet blir vald for to år om gongen av kommunestyret.
• Ungdomsrådet har vanlegvis mellom fem og seks formelle møter i året.
• Ungdomsrådet har møte- og talerett i kommunestyret og andre politiske utval.
• Medlemmane i ungdomsrådet får betalt per møte dei er med i.
Frist for å søke er 26. oktober 2026.

Helsing Austevoll kommune

Søk plass i Austevoll ungdomsråd for 2026-2027.