Nordbygdo ungdomsskule

20/12/2025

Tradisjonen tru gjekk me inn i ferien med ein feiande flott lunsjkonsert som avslutning på siste skuledag. Tusen takk til alle som bidreg og som gjer dette til ein fest! Og takk til dei to jentene på 10. trinn som held styr på programmet og leier oss gjennom konserten med humor og morsomme innslag.

Rektor Anneli ønskte gode feriedagar med å minne oss på at me er alle del av ein flokk, og oppmoda oss til å ta vare på kvarandre. Ein viktig bodskap!

God ferie til alle og god jul til alle som feirar! Me gler oss til å sjå alle att på nyåret 🌟

17/12/2025

For ein dag! Baking, julekrans, stillelesing, brettspel, aktivitetar i hallen, musikk og band, bordtennis, vedhogst, gåtur, sløyd og strikkegruppe. Alle har fått velje aktivitetar, og det har vore høgt aktivitetsnivå og god stemning på tvers av alle tre trinn. Nok ein viktig dag vel gjennomført 🤩

02/12/2025

Talentfulle Hanna 🎼🥇🎶🤩

Draumen er å spela i Kringkastings­orkestret

22/11/2025

Kjekke Haakon 👏👏👏

Haakon Digernes går på ungdomsskulen og har valt utplassering på museet i Arbeidslivsfag.
I dag fekk han innføring i tjæring av hus - ein tradisjonell form for trebehandling.
Museet er takksam for å få møte ein så engasjert og motivert kar som Haakon.

19/11/2025

Det er god skule å få prøve seg i arbeidslivet 👷

Fredag fekk tre gode representantar frå 9. trinnet vårt prøve seg i Sævarhagen FUS barnehage. Tal frå Statistisk sentralbyrå (SSB) viser ein nedgang i søkartala til barnehagelærar­utdanninga dei siste åra. Det vil NHO gjere noko med.

Utdrag frå saka:

– Det at Sævarhagen gir ungdomsskule­gutar mogelegheit til å læra meir om barnehage­kvardagen, er eit viktig rekrutterings­tiltak. Me må få fram at barnehage­yrket er for alle – også gutar og menn.

– I tillegg er det viktig at barn møter ulike typar menneske og rollemodellar i barnehagen, skriv regionsdirektør Helene Frihammer i NHO Vestland til Sunnhordland.

9.-klassingane fekk bruka skuledagen sin på å jobba i barnehagen.

18/11/2025

I sist veke inviterte 9. trinn føresette til foreldrekveld i samband med Ung på Stord. Ung på Stord er eit førebyggande tiltak i grunnskulen i samarbeid med utekontakten. Programmet har fokus på born og unge sine haldningar og normer i høve til rus, helse og nettvett.

Programleiarane losa oss gjennom eit variert program med musikalske innslag, innlegg frå utekontakten, elevpresentasjonar og diskusjonsoppgåver. Takk for ein fin kveld!

11/11/2025

KI-dikt laga av jenter 10. trinn:

Tala tel, siffer på rad,
Matte gir svar, presist og glad
Ord bygger bru, historier blir til
Engelsk gir stemme, fri som eit spill

05/11/2025

Falturiltu på Nordbygdo 📚📑👩‍💻🐦‍⬛
I samband med litteraturfestivalen får skulen kvart år besøk av ein forfattar. Den siste veka har 9. trinn hatt prosjektarbeid og fordjupa seg i forfattarskapen til Ingelin Røssland. Elevane har vore delt i grupper som har arbeida med tekst gjennom estetiske læreprosessar på ulike måtar. Dette arbeidet enda ut i eit fantastisk bokbad med forfattaren i dag. Me fekk innblikk i boka OMG gjennom tablå, ulike musikkinnslag, dans, dramatisering, dekor og intervju. Me forstår godt kvifor forfattaren sjølv var nøgd etter framsyninga!