Plassebakken Barnehage SA

BARNEHAGDAGEN 2026
Tusen takk til alle foreldre, besteforeldre, tanter og småsøsken som har vore med oss på tur i dag! For ein dag det har vore!! I dag fekk borna nyte godt av ei ekstra hand eller eit fang eller ein leiken vaksen. Mange har leika gjemsel, vore på skattejakt, spikka, studert kvistar og kongler, tusser og troll, sklidd på isen, gått i fjellet, spist skive med mose og leverpostei, eller smakt på småsvidd tomatsuppe og hellebrød. Pinneskogen, Moseskogen, Trollskogen, Bjørkebarke- skogen og Hautua (fjelltur) har vore dagens turmål. Rett og slett "Eit lite stykke eventyr" på mange måtar.

Gjennom markering av Barnehagedagen har vi eit ønskje om å vise fram nokre av borna sine opplevingar og erfaringar i barnehagekvardagen. Og så ville vi at dagen skulle bli litt ekstra spesiell både små og store. Med slagordet "Rom for alle" håper vi at alle har fått ei lita kjensle av tilhøyrsle, inkludering og fellesskap - med naturen, Skøyebygda og med Plassebakken barnehage. Takk for besøket og velkommen igjen :-)

Minner om familiekonsert laurdag 8.mars på Gomerhuset!🎵🎶☺️

Miljøvennlig gjenbruk av kle og utstyr 😀

Vi brukar La Vandre for å gi kle og utstyr nytt liv i vår barnehage. No er dei nominert til Årets bærekraftspris i samband med HER Conference & Awards 2026.

La Vandre arbeider for eit meir miljøvennlig gjenbruk og sirkulær økonomi blant anna ved å hjelpe oss til å gjere gjenbruk enklare. La Vandre - appen gir brukarane (foreldre i barnehagen) eit unikt verktøy der dei enkelt kan selgje, gi bort eller kjøpe kle og utstyr - med eigen barnehage, skule, idrettslag eller arbeidsstad som marknadsplass.

Vi heiar på La Vandre - og har stemt :) Les meir om eit kjempegodt tiltak her: https://www.lavandre.no/

Ope hus torsdag 12.februar kl.10-12
Er du på jakt etter barnehageplass frå hausten 2026, eller kjenner du nokon som er det…? Plassebakken barnehage inviterer til ope hus slik at de kan få ei lita omvisning og helse på nokre av oss som jobber her.

Hugs at søknadsfristen er 1.mars!

Ta turen då vel! Velkommen! ☺️

PS! Om datoen ikkje passer, ta kontakt så finn vi eit anna tidspunkt.

Lihkku Beivviin! ❤💙💛💚 Gratulerer med dagen! I dag, 6.ferbuar, er Samane sin nasjonaldag. I Rammeplan for barnehager står det: "Alle barnehagar skal synliggjere samisk kultur og bidra til at born utvikler respekt og fellesskapskjensle for det samiske mangfaldet." I Plassebakken barnehage har vi førbebudd oss til dagen på ulike måtar. I dag har vi feira med Bidos og Gahkko, musikk og lassokasting. Bileta viser nokre av opplevingane våre gjennom veka. Vi ønskjer alle ei god helg! Buorre vahkku loahppa!😃

Det å lese bøker med og for barn har mange fine fordelar. Forutan språk - og omgrepsutvkling, gir det oss tid til å lande og roe ned i ein hektisk kvardag. Det gir tid til ettertanke og stimulerer kreativitet, og ikkje minst er det med på å bygge fellesskap. Denne veka har ei lita gruppe frå Hasselnøtta vore på besøk på det flotte biblioteket vårt på Skodje. Her blei det rom for å utforske både bøker og andre kjekke aktivitetar i lune og romslege omgivnadar.

I dag var det vår tur til å få besøk av Christian og Laura frå biblioteket, som hadde fine lesestunder for alle avdelingane. Dei aller yngste på Furutoppen og Grankongla fekk ein smakebit av prosjektet "Les Vegas, baby!" Ei lesestund som eigentleg er for føresette og babyar. På Skodje har biblioteket slike samlingar ein gong pr månad, så det er berre å hive seg med for dei som kan! Sjå vedlagt bilde for meir info.

Visste du forressten at du no kan få eige nøkkel til biblioteket og benytte deg av "Meirope bibliotek"? Vi i Plassebakken har ialle fall fått påfyll av nye, kjekke bøker, og vi gler oss til å lese endå meir i dagane framover.

NY DATO: 12. FEBRUAR. VI MÅ DESSVERRE UTSETTE "ÅPENT HUS" TIL SEINARE PGA. SJUKDOM. Hjelp oss å dele :)

Vi vil gjerne ta godt i mot dei som kjem på besøk, så vi må drøye til vi er friske igjen før vi åpnar dørene :) Det er kanskje galskap å sette dato for åpen dag i januar med influensa og andre infeksjonar som herjar denne tida på året? Dei som kjenner oss veit at "galskap" og det å gjere ting på litt andre måtar er ein av barnehagens kjerneverdiar. Det er vi ganske stolt av å vere kjent for, så vi prøver igjen 12. februar til samme tid. Kjenner du nokon som treng barnehage- plass frå hausten av….? Hjelp oss gjerne med å dele info om «Åpent hus»☺️
Søknadsfrist for barnehageplass nærmer seg!

Vi førebur oss på hovudopptak for 2026, og startar med å dele dette bildet som viser barnehagen med eit fantastisk uteområde. Her er det både husrom og hjerterom :) Husk å søke før 1. mars. Vi kjem også ut med invitasjon til åpent hus 29. januar, så ta gjerne turen innom. Del gjerne 🤩

Å sanse med fargar, tekstil, lys, mørke, rørsle og skuggar. Å kjenne på fellesskap når vi surrar oss inn og surrar oss ut. Når vi kryp inn i og under og rundt om. Når vi saman freistar å bygge eit høgt og lysande tårn. Når det kilar i magen og på kroppen, og når vi ler høgt fordi håret står til alle kantar. Bakom er musikken som gir ro og nærvær. Det likar vi godt.

Familiekonsert på Gomerhuset laurdag 29.11. Nydeleg julestemning, heilt gratis, for små og store!