Kvinnegruppa Ottar Dahl er ein partipolitisk uavhengig organisasjon med utspring i historiemiljøet på Universitetet i Oslo. Vårt mål er å utjamne kjønnsbalansen i historiefaget. Gjennom diskusjon og dokumentasjon ynskjer me å retta søkjelyset mot utfordringane me møter i eit mannsdominert historiefag både institusjonelt på IAKH og i sjølve faget. Me ynskjer å finne vegar mot ei meir balansert, mangfaldig og moderne historieforsking og -formidling, gjennom opplysing og debatt. Desse sidene er for alle som er interesserte i historiefaget. Still spørsmål, diskuter, del aktuelle lenker, nyhende og bilete! Gjennom ein levande diskusjon kan me oppnå store endringar. Namnet Kvinnegruppa Ottar Dahl har me etter historieprofessor Ottar Dahl (1924-2011), ein legende på vårt institutt. Kvinnegruppa Ottar Dahl har, bortsett frå ein viss namnelikskap, ingenting med Kvinnegruppa Ottar å gjera.
