Jotunheimen vidaregåande skule

11/05/2026

Påminning: Alle nye søkjarar med føresette er inviterte til pizzakveld i Utgard i morgon, tysdag 12. mai kl. 19.00.

Dette blir ein uformell og hyggeleg kveld der de får møte folk frå skulen, bli litt betre kjende og høyre meir om planane framover for Jotunheimen vidaregåande skule.

Vi gler oss til å møte dykk!

25/03/2026

Besøk i Lomskyrkja

Fredag la vi historietimen til Lomskyrkja, dette som ein del undervisninga i norsk middelalder. Ein må jo bruke det ein har rundt seg. Dei fleste har vore i kyrkja før, men ikkje alle har hatt historietime der. Tenk at stolpane/stavane i kyrkja er frå 1158. Lomssamfunnet har altså teke vare på kyrkja si i over 860 år. Bygger vi i dag for at eit bygg skal stå i 850 år?

Tenk at under golvet i kyrkja fann dei i 1973 eit friarbrev frå 1300 talet.

Tenk at dei fann over 2000 myntar, dei fleste frå 1200 talet og frå heile Europa. Kyrkja vår var altså eit reisemål på 1200 talet slik som i dag!

Takk til Kristina som er elev i 2 st ved Jotunheimen privatistskule for hjelp til guiding. Ho har sommarjobb som guide i Lomskyrkja og derfor "proff" på dette.

19/02/2026

Jotunheimen vidaregåande skule ligg berre få minutt frå Norsk Fjellsenter – eit nasjonalt knutepunkt for fjell- og klimaforsking. Vi er ein av få vidaregåande skular i Innlandet som tilbyr geofag, og her kan elevane møte forskarar i arbeid, få tilgang til lokale klimadata og arbeide med geofag og biologi i levande natur.

For oss handlar dette om å oppleve fagkunnskap i praksis – og utvikle forståing gjennom eigne erfaringar i naturen rundt oss.

Les meir på nettsida vår!

Jotunheimen vidaregåande skule er plassert midt i nasjonalparklandsbyen Lom. Skulen ligg berre få minutt frå Norsk Fjellsenter – eit nasjonalt knutepunkt for fjell- og klimaforsking. Gjennom Norsk Fjellsenteret er det knytt kontakt med forskarar frå Universitetet i Oslo, Universitetet i Bergen...

18/02/2026

Arbeid og helse

I dag hadde elevane på bygg og anlegg gjesteforelesar. Kommunelegen i Skjåk, Sondre Bøye fortalte om ergonomiske prinsipp,
og drøfta konsekvensar av støy, vibrasjons og støyeksponering. Nyttig og interessant! Slike ting er viktig skal ein halde ut lenge i arbeidslivet.

17/02/2026

Full aktivitet på VG 1 Bygg og anlegg

Elevane på Vg 1 Bygg og anlegg har no mange timar på verkstaden. Dei snikrar på harde livet, sykkelskur, søppelskur, gamaldags diplomkiosk, baksthus og 2 stk leikarhus er i emning. Artig å bygge noko som skal brukast etterpå. Dette er vinn vinn!

13/02/2026

Elevane i 3.klasse ved Jotunheimen privatistskule får fyrstegongsvitnemål.

Elevane ved den vidaregåande skulen i Lom har hatt mange utfordringar gjennom sitt skuleløp. Dei har opplevd ein tøff skulekamp som endte med at skulen dei gjekk på vart lagt ned. I Lom vart det da oppretta ein privatistskule, elevane valde i stor grad å fortsetja på skulen i Lom, no som privatistar, da vart det eksamen i alle fag. Denne løysinga kvalifiserte ikkje automatisk til førstegongsvitnemål.

I går sørgde Stortinget for at avgangselevane ved privatistskulen får førstegongsvitnemål. Etter debatt enda røystinga med 51 røyster for og 49 røyster mot. Vi ønskjer å rette ein stor takk til partia og politikarane som røysta dette gjennom.

12/02/2026

På Jotunheimen vidaregåande skule blir elevane sett og følgde opp av trygge vaksne i eit fellesskap prega av nærheit og tillit. Lærarane held høg fagleg kvalitet og gjer undervisninga levande, relevant og meiningsfull. Saman skapar vi ein trygg skulekvardag med rom for læring, trivsel og utvikling.

Ønskjer du å bli ein del av dette miljøet og bli kjent med laget vårt, er du hjarteleg velkomen til å søkje skuleplass via nettsida vår. Har du spørsmål, tek du enkelt kontakt gjennom kontaktskjemaet eller via [email protected]

Eit lag som kjenne kvar enkelt elev På Jotunheimen vidaregåande skule blir elevane sett, kjende og følgde opp av trygge vaksne i eit fellesskap prega av nærheit og tillit. Dei vaksne er relasjonsbyggjarar og tydelege rollemodellar som skaper trivsel, struktur og klare forventningar i skulekvarda...

09/02/2026

No som Jotunheimen vidaregåande skule er ein offentleg godkjend vidaregåande skule, har elevar same rett til støtte frå Lånekassen som elevar ved offentlege vidaregåande skular. Les meir her!

Rett til støtte frå Lånekassen ved Jotunheimen vidaregåande skule No som Jotunheimen vidaregåande skule er ein offentleg godkjend vidargåande skule, har elevar same rett til støtte frå Lånekassen som elevar ved offentlege vidaregåande skular. Dette inneber at elevar ved Jotunheimen vidareg...

01/02/2026

Jotunheimen vidaregåande skule har sendt søknad til Utdanningsdirektoratet om å få starte VG2 anleggsteknikk frå hausten 2026. Les meir på jotunheimenvgs.no!

Jotunheimen vidaregåande skule har sendt søknad til Utdanningsdirektoratet, med søknadsfrist 1. februar, om godkjenning av VG2 anleggsteknikk, med planlagt oppstart frå hausten 2026. Søknaden er sendt med ein dispensasjon frå hovudregelen om oppstartstidspunkt, slik at tilbodet eventuelt kan s...

01/02/2026

No som Jotunheimen vidaregåande skule vert ein offentleg godkjend privatskule, er det mange spanande ting som skjer! www.jotunheimenvgs.no er no opna att, og her finn du oppdatert informasjon om skuletilbodet. Framover vil det kome fleire oppdateringar, og vi kjem til å dele meir etter kvart – følg med.

Søknadsskjemaet er ope, og dette skal brukast dersom du ønskjer å søkje skuleplass hos oss.

Har du spørsmål, eller lurar du på noko kring Jotunheimen vidaregåande skule, må du ikkje nøle med å ta kontakt. Bruk i så fall e-postadressa vår ([email protected]) eller kontaktskjemaet på nettsida.