Øystre Slidre kulturskule

12/12/2025

ER DU, ELLER KJENNER DU VÅR NYE KULTURSKULEREKTOR?

Øystein blir kultursjef i Øystre Slidre kommune frå 1. januar, og sender leiaransvaret for kulturskulen vidare til ein som vil leie vårt arbeid med å skape kunst- og kulturglede for barn og unge i kommunen.

Kjenner du deg igjen i utlysingsteksten, eller kjenner du nokon andre som passar til jobben? No er det tid for å søkje. Vi er spente på å lese søknadane på nyåret. 👓

Vil du leie ein kulturskule som skapar kunst- og kulturglede for barn og unge i Øystre Slidre? Øystre Slidre kommune søkjer ein engasjert og framoverretta rektor, som vil vere med å utvikle ein attraktiv og inkluderande kulturskule. Kulturskulen tilbyr undervisning og aktivitet i estet...

10/12/2025

I går gjennomførte kulturskulen sitt lærarband to julekonsertar saman med rØyst - Øystre Slidre sanglag - fyrst på helsetunet og så på Beitostølen helsesportsenter.

Ideen kom då rektor og dirigent møttest - litt som Snekker Andersen og Julenissen - på Kiwi i desember i fjor, etter at vi begge hadde hatt kvar vår julekonsert same kveld, men på ulike arenaer. Vi bytta ikkje arena, men bestemte oss for å gjere konsertane neste år saman - på begge arenaene.

Vi serverte ein time med kjent og kjær julemusikk, der vi spelte og song litt kvar for oss, og litt saman. Vi hadde også med oss elevane Alma Rabben Lundby som er fordjupingselev på song, og Magnus Sunnvoll Melbye som er eit råskinn på bass.

Takk til alle frammøtte, og til Helsetunet og BHSS for at vi fekk koma. 🧑‍🎄

03/12/2025

JULEKONSERT MED LÆRARBANDET OG rØyst!

Tysdag 9. desember spelar kulturskulen sitt eige «Lærarband» to julekonsertar saman med utvalde elevar og Øystre Slidre sanglag - rØyst.

Konsertane er på Øystre Slidre helsetun kl. 17 og Beitostølen Helsesportsenter kl.19.

Lærarbandet består til dagleg av Sindre Andreas Larsen, Arne Nygård, Marita Hovi og Vadim Borodin - denne gongen forsterka med Inga Thon Rogne, Magne Olav Selland og Øystein Skattebu.

Vi vil synge og spele kjende og kjære julesongar med noko attåt, både kvar for oss og saman med sanglaget.

Velkomen til ei triveleg musikalsk førjulstund!

13/11/2025

MUSIKK TIL LUNSJ 🍏

Ved høve likar me å ta med oss elevar og ein lærar for å underhalde tilsette og politikarar i lunsjen på Tingvang. I dag spelte Marian, Trine og Vadim kvart sitt klassiske stykke på piano, til glede og beundring frå lyttarane.

Vi har vald å gjere «kulturinnslaget i kommunestyret» til ein open minikonsert for alle som er på Tingvang, ved å flytte oss ut av kommunestyresalen og inn i det opne gangområdet vi kallar «vrimlehallen». Her er akustikken særskild god for akustiske musikkinnslag, og vi kan gje alle på huset eit avbrekk frå sakspapir, telefonmøte og andre tankar i eit lite kvarter, og syne dei litt av det som veks- og bur i kulturskulen.

Takk til Trine og Marian som stilte opp. Dei og mange andre kan de høyre på kulturskulen sin haustkonsert på Tingvang, tysdag kl.18.

11/11/2025

🍂 HAUSTKONSERT MED KULTURSKULEN

Kulturskulen inviterer til haustkonsert på Tingvang, tysdag 18.november kl. 18.00 Konserten er gratis, og open for alle.

Vel møtt 🍁

10/11/2025

Dette året har vi og dei andre kulturskulane i Valdres gått saman om eit sosialt møtepunkt for elevar på rytmiske fag.

Ein gong i månaden inviterer vi ivrige musikkungdomar frå heile regionen til Trykkeriet kulturarena/klynge på Fagernes for å øve, henge saman og lære med- og av kvarandre. Sindre, Marit og Caroline er vertskap.

Konseptet har fått namnet PO/RK (pop/rock), og neste samling er no på fredag. Sjekk plakaten og meld deg på!

Nord-Aurdal kulturskole Vestre Slidre kulturskule Vang kulturskule

25/09/2025

DET ER FINT Å HA GODE INNEAKTIVITETAR OM VINTEREN. Kva med å lære å spele eit instrument, danse eller drive med tresløyd?

Vi har nokre få ledige elevplassar der vi kan ta inn elevar for oppstart over haustferien – ein her, og ein der. Desse er på piano, song, gitar/bass, spikkeskulen, kulturførskulen, hardingfele og hallingdans.

Vi har også korte ventelister på andre fag, der det kan vere mogleg å få plass om noko blir ledig.

Les meir om dei ulike faga våre her https://nooestreslidre.speedadmin.dk/registration #/ , og søk plass eller kontakt oss om du har spørsmål. Fyrstemann til mølla!

Hugs – vaksne kan også søkje og få plass i kulturskulen, der det er ledig kapasitet.😜

https://www.youtube.com/watch?v=ZPLPDKjIqNo

Velkommen til kulturskolene i Valdres. Vi er til for alle som ønsker å utvikle og uttrykke seg selv. Vi er til for å støtte reisen til hvert individ. Det gjø...

22/09/2025

Laurdag var vi med å sette rammene for opninga av Bjørg Thorhallsdottir si utstilling på Eker Gård. Hallingelevane, med Håkon og spelemann Magne Olav i spissen, sto for fleire danseinnslag under «opningsseremonien», medan rektor, Øystein, fekk æra med å opne sjølve utstillinga. Anica hadde invitert med seg alle kunstelevane våre på utstillinga med ynskje om å gje dei eit nært, ekte og inspirerande møte med Bjørg og kunsten hennar.

Avisa har skreve ein flott og utfyllande sak om dagen, om utstillinga og om Eker gård. Vi vil anbefale alle å ta turen innom galleriet i Skammestein – her er det noko for alle.

Takk for oss!

Med fem store bilder malt på Gubberud erklærer Björg Thorhallsdottir en ny æra i sitt kunstnerskap. Det ble markert med utstillingsåpning på Eker gård i helga🖌️🎨

Men kunstneren delte villig med seg av glansen og scenetiden denne dagen, noe både kulturskolen og bygningsvernrådgiveren fikk merke👏🏅🎶

19/08/2025

LEDIGE ELEVPLASSAR PÅ KULTURFØRSKULEN!

I dag startar vi to nye tilbod i kulturskulen – «Kulturførskulen» og eit fordjupingstilbod i teikning.

Kulturførskulen er eit gruppetilbod for elevar i 1-3. klasse, med fokus på å oppdage musikk og andre kunst- og kulturuttrykk gjennom leik og utforsking. Gjennom tilbodet skal elevane bli kjende med ulike instrument og dei ulike grunnelementa i musikk, men kan og få prøve seg i dans, litt kunst og kanskje litt drama. Dette er eit gruppetilbod for inntil 10 elevar, der vi framleis har plass til eit par elevar til. Vi held til i auditoriet på ØSUS, Tysdagar frå kl.17.30-18.15. Marit Warberg Vestheim er lærer. Kontakt oss ved interesse.

Vi startar også eit nytt fordjupingstilbod i teikning. Tilbodet er for spesielt interesserte elevar som ynskjer utvikle seg innan teikning. Fire elevar startar på tilbodet i dag, som er eit prøveprosjekt dette året.

18/08/2025

VIL DU BLI MED Å DANSE HALLING?

Kvar måndag har Øystre Slidre kulturskule tilbod om halling- og lausdans for barn og unge i ulike aldrar. Her får du brukt kroppen på ein litt anna måte en til dagleg!

Halling er ein gamal norsk folkedanstype, med kjerneområde i Valdres og Hallingdal. Ordet "lausdans" tyder at dansaren eller dansarane er "lause" og dansar åleine, i ein dans beståande av ulike "turar" og gokarstykkje. Halling er ei fysisk og akrobatisk danseform, som stiller krav til rytme, balanse, spenst og akrobatikk.

Tilbodet er organisert i grupper, der me har stor vekt på det sosiale og at det skal vere moro. Hallinggruppene har også framsyning ved fleir konsertar og arrangement gjennom skuleåret.

Håkon Aasen er instruktør, og øvinganne er i gymsalen på ØSUS, kl. 17.00-18.00 for 1-7. klasse og 18.00-19.00 for 8.klassingar og eldre.

Tilbodet kostar kr. 3092 per skuleår, men vi tilbyr gjerne eit par veker med utprøving før du bestemmer deg for å søkje plass. Kontakt oss om du ynskjer ein prøvetime, eller søk fast plass her https://nooestreslidre.speedadmin.dk/registration #/course/9/0/0/95

18/08/2025

VEL MØTT TIL NYTT KULTURSKULEÅR!

I dag startar vi oppatt, og ynskjer alle tidlegare- og nye elevar velkomne til eit år fylt med opplevingar, aktivitetar, læring og meistring.

Lærarane er (som de ser) klare til dyst – her avbilda under årets semesteroppkøyring, i eit fritt forsøk på å utvikle ein ny og utanomjordisk runddans.

Lukke til 🤩