Leið að uppeldi

31/10/2023

❤️HÖND Í HÖND❤️

“Eftir að við eignuðumst börn er ég að sjá hliðar á makanum mínum sem ég hafði ekki séð áður og ég er ekki viss um að mér líki það 👀”

“Eftir að við eignuðumst börn höfum við eiginlega engan tíma fyrir hvort annað”

“Ég er bara alltaf þreytt/ur…”

Er þetta eitthvað sem þú tengir við?

Börnum fylgja breytingar - og engar smá breytingar. Það er eðlilegt að uppá komi ágreiningar og erfiðleikar eftir barneignir og það er enn mikilvægara að átta sig á þeim breytingum.

Meðvitund er máttur, og hana er tilvalið að nota til að lappa upp á og styrkja prasambandið fyrstu árin eftir barneignir.

RIE hvetur þig til hæglætis og meðvitundar, sem vissulega nýtist þér í uppeldinu, en það nýtist einni gríðarlega vel í parasambandinu ❤️

Soffía hjá verður með mér LIVE þar sem við munum ræða um parasambönd eftir barneignir. 🙏🏼

21/10/2023

☕️ DREKKTU KAFFIÐ Á MEÐAN ÞAÐ ER HEITT 😉

Sjálfstæður leikur barna er yfirleitt meðfæddur eiginleiki. Barnið skoðar heiminn með skynfærum sínum og uppgötvar sífellt fleiri leiðir til að móta leik sinn með þróun og þroska.

Það sem kemur í veg fyrir viðhald og þróun sjálfstæðs leiks eru nokkur atriði:

😬truflun frá fullorðnum
😬ófullnægjandi leikaðstæður fyrir barnið
😬takmörkuð trú á getu barns til að leika sér sjálft
😬skjáir

Listinn er að sjálfsögðu ekki tæmandi en ef vel er að gáð eru þetta atriði sem langflest okkar ráða við að huga að, sem svo þar af leiðandi styður við sjálfstæðan leik. Og ekki nóg með það. Sjálfstæður leikur barnsins þíns gefur þér rými til að hlúa að þínum eigin þörfum, fá andrými og stund til að slaka á og drekka kaffið þitt… á meðan það er heitt! 🤩

Okay. Það er ekki nóg að vita hvað þarf að bæta. HVERNIG? er spurningin. HVERNIG styð ég við sjálfstæðan leik barnsins míns frá upphafi.

✅RIE segir:
“Do less. Observe more. Enjoy most.”

Þetta þýðir: leyfðu þér að stíga til baka og fylgjast með barninu þínu. Kannski uppgötvar þú allt í einu að barnið þitt er að:

👶🏼fylgja skugga á veggnum (LEIKUR!)
👶🏼skoða á sér fingurna (LEIKUR!)
👶🏼skoða umhverfið í kringum sig (LEIKUR!)

Það er leikur að læra og barnið þitt er alltaf að læra eitthvað nýtt. Það er alltaf að örva skynfæri sín og sanka að sér upplifunum og þekkingu. Ekki trufla þetta ferli. Þetta ferli ER sjálfstæði leikurinn.

Ertu með barn sem er nú þegar orðið 2ja ára? Jafnvel eldra? 🤷🏼‍♀️

Sigrún Yrja hjá .is er viskubrunnur þegar kemur að sjálfstæðum leik barna og ætlar að deila með okkur upplifunum og ráðum í spjallinu okkar 🥰

04/10/2023

👶🏼LIVE SPJALL👶🏼

🤓 hvernig hefur RIE auðgað líf okkar og hugsun?
🌱hvar færðu gott RIE fræðsluefni?
🤷🏼‍♀️afhverju ættirðu að notast við RIE?
🫣 er þetta ekki bara eintóm vitleysa?

Við Kara horfum yfir farinn veg, hún menntaður sjúkraþjálfari og ég yogakennari, báðar miklir RIE-aðdáendur og vísindakonur í lífi eigin barna.

Við förum yfir hreyfiþroska innan RIE, hvar við rákum okkur á og hvernig við prófuðum okkur áfram með eigin börn, út frá eigin þekkingu/reynslu.

Kara var sammála öllu í RIE nema að það ætti ekki að þjálfa börn í að vera á kviðnum… en afhverju snerist henni hugur? 🤔

Kara segir:”Ég kynntist RIE með fyrsta barn og varð strax heilluð af nálguninni sem hefur algjörlega umbreytt því hvernig ég horfi á börn og uppeldi. Sem sjúkraþjálfari að mennt var ég þó lengur að hoppa á vagninn hvað varðaði hreyfiþroska, t.d. tummy time o.þ.h. sem ég taldi að þyrfti að þjálfa. Með seinna barn ákvað ég að treysta algjörlega ferlinu - að sjálfsögðu með ákveðin viðmið um hreyfiþroska barna í huga - og leyfa honum algjörlega að hreyfa sig á sínum forsendum. Það var ólýsanlega fallegt ferli að fylgjast með honum uppgötva allar þessar hreyfingar á eigin spýtur á sínum hraða. Ég takmarkaði eins og ég g*t tíma í bílstól og öðrum stólum og leyfði honum að kanna umhverfið á gólfinu sem víðast sem sumum í kring um mig þótti skrýtið en ég var algjörlega örugg í þessu ferli og á í dag barn sem þekkir líkama sinn ótrúlega vel, er varkár en ótrúlega þrautseigur og gefst ekki upp þegar hann ætlar sér eitthvað”

Sjáumst LIVE! 🤩❤️🌱

26/09/2023

Frábær grein!

HEGÐUNARVANDI - FORVITNI OG SAMKENND

Börn og unglingar sem eiga við hegðunarvanda að etja hafa oft tamið sér viðbrögð sem þau eiga erfitt með að breyta. Mörg af þeim viðbrögðum eru lærð í gegnum aðgerðaminnið (e. procedural memory).

Við tengjumst aðgerðaminninu þegar við gerum eitthvað án umhugsunar. Við þekkjum það þegar við keyrum, hjólum, dönsum eða spilum á hljóðfæri. Þetta er sjálfvirk hegðun, færni eða skilyrt svar við aðstæðum.

Við lærum margt í gegnum aðgerðaminnið allt frá fæðingu og erfum mörg viðbrögð frá umönnunaraðilum. Hægt er að nefna getuna til að mynda augnsamband, ýmis hegðunarviðbrögð eins og hvort við séum hvatvís eða ekki, getum sagt nei á viðeigandi stöðum og hvort við forðumst óþægilegar aðstæður eða ekki. Einnig ýmsar sjálfgefnar stillingar í hegðun og hugsun, svo sem tilhneigingu til sjálfsásökunar, hvort við erum opin eða lokuð, upplifum mikla skömm eða reiði og fleiri skilyrtar stillingar sem við virðumst fara á, nánast sjálfkrafa, nánast eins og við höfum ekkert um það að segja.... og það er að mörgu leiti rétt.

Skammir og reiði annarra eru ekki gagnlegar þegar breyta þarf mynstrum aðgerðaminnisins.

Börn geta verið mjög ung þegar þau festast í sjálfvirkri hegðun sem skaða mögulega þau sjálf á einhvern hátt eða aðra. Það að barnið eða unglingurinn læri að vera forvitið um þessa hegðun sina og öðlist getu til að sýna henni mildi (í stað þess að fyllast af reiði eða skömm) getur skipt sköpum í getunni til að breyta.

Janine Fisher segir erfitt að breyta skilyrðingum aðgerðaminnisins ef við náum ekki að læra að verða forvitin um hegðunina. Forvitni og samkennd í eigin garð virkja framheilann, þar sem ígrundun og yfirvegun getur farið fram. Reiði annarra i garð hegðunarinnar virkjar hið gagnstæða – áframhaldandi sjálfvirka hegðun og auknar yfirhlaðnar tilfinningar.

Það að temja sér forvitni og samkennd dregur úr sjálfvirkum stillingum og virkjar þau svæði heilans sem tengjast ígrundun og getunni til að taka inn nýjar upplýsingar.

Það að temja sér forvitni og samkennd í eigin garð getum við lært mjög ung, þrátt fyrir að vera með ögrandi eða skaðlega hegðun.. ef og aðeins ef... einhver fullorðinn einstaklingur í kringum okkur kennir okkur það.

17/09/2023

✨ MÖRK ✨

Eitt það mikilvægasta í RIE en líka mjög oft það sem dettur uppfyrir... afhverju? 🤷🏼‍♀️

- að kynnast nýrri uppeldisleið tekur á, ekki bara andlega, heldur þarf heilinn að aflæra ákveðna hegðun og svo læra nýja í staðin. Það krefst hugrekkis og vilja. 🧠

- við ólumst mörg hver upp við harðræði þegar kom að mörkum. Þeim var ma. miðlað með hræðslu, hótunum og hörku. Þá gerist það gjarnan að við förum alveg yfir á hinn endann (undirgefni) áður en við komumst í miðjuna, í jafnvægið. 😠🫵🏻

- við höfum ekki aflað okkur nógu góðra upplýsinga (mistökin sem ég gerði sjálf við innleiðingu RIE) og vitum þ.a.l. ekki á hverju er gott að byrja, hvað ber að varast og hvernig maður ber sig að.
- að verða foreldri grefur upp ýmis æskusár og ýmsa triggera sem við erum jafnvel ekki meðvituð um og finnst erfitt að taka á móti hjá börnunum okkar (t.d. grátur, krefjandi hegðun eða óhlýðni). 😬

Öll erum við ólík og mótumst af einhverju og einhverjum - en öll eigum við samnefnara. 🤔

Í þessu tilfelli er samnefnarinn uppeldisaðferðinar sem stuðst er við hverju sinni og koma frá þeirri þekkingu sem er til hverju sinni. Með tilkomu internetsins og aðgengi að upplýsingum hafa foreldrar orðið meðvitaðri um uppeldi, hvort sem það er úr eigin æsku eða í uppeldi á eigin börnum. 🤗

Áfram er það samt aginn og mörkin sem virðast vera á undanhaldi af því að við erum jafnvel að átta okkur á að aðferðirnar sem við ólumst sjálf upp við voru ekki endilega allar góðar til lengdar - og við höfum ekki enn uppgötvað betri verkfæri. 🛠️

Mörk og agi eru gríðarlega stór partur af velgengni; þau styðja við sjálfsaga, aga í samskiptum, að geta sett sín eigin mörk og virt annarra og svo lengi mætti telja. ❤️

Verum leiðtogarnir og fyrirliðarnir sem börnin okkar þurfa - líka þegar þau eru ósátt við mörkin sem við setjum og berum hag þeirra fyrir brjósti. 👶🏼

Og munum að styðja hvert annað. Foreldrahlutverkið er krefjandi (og gefandi) vegferð.🙏🏼🫱🏼‍🫲🏾

24/08/2023

Ég er svo viss um að einn daginn muni samræðurnar hljóma svona:
“Mannstu þegar börn og unglingar máttu vera með síma í skólanum?”
“Já, dísús, þvílíka vitleysan.”

… af því að í
1️⃣.lagi hafa ungmenni ekki fullþroskaðan framheila sem gerir það að verkum að þau átta sig alls ekki alltaf á afleiðingum gjörða sinna (td að taka laumumynd af bekkjarfélaga og senda eitthvert, með niðrandi athugasemdum jafnvel og afleiðingar þess)
2️⃣.lagi eru skjáir ávanabindandi þar sem þeir auka framleiðslu vellíðunarhormóna og börn/ungmenni hafa yfirleitt ekki getu til að setja sér mörk hvað varðar skjánotkun.
3️⃣.lagi eru símarnir mikil truflun núorðið í daglegu lífi, þá sérstaklega ef þeir innihalda samfélagsmiðla og aðgengi að hverjum og einum lönguorðið fram úr öllu hófi.

Skólinn á að vera staður fyrir börn til að njóta sín, læra og einbeita sér, spjalla saman, finna fyrir öryggi og skjóli frá snjallsímum. Meðfylgjandi grein er góð lesning.

https://www.vikubladid.is/is/frettir/simana-burt-talad-af-golfinu?fbclid=IwAR0xOqRB27u8QzcDb6W2qv35MvXWIgvMRlB0h36pJbl1KJ4crsqk4nkAhq8_aem_ASUye7WQ1lfgXs2bDBSY6x0JQJ-JS_IKSp1Lh6tMqlf9olTHo3LC8uigZRggVpHzWMQ

Ég vil ekki sjá einkasíma nemenda í grunnskólunum á skólatíma. Burt með þá. Ekki reyna að segja mér að ég sé bara tækniheft, miðaldra kennslukona sem nenni

12/08/2023

Mikilvægt ✨

Höfundur er Anna Mjöll Guðmundsdóttir, forman Fyrstu Fimm (árin í lífi barna) sem er hagsmunafélag foreldra og fagaðila um barn- og fjölskylduvænna samfélag.

08/08/2023

Gríðarlega mikilvægt framtak fyrir verðandi/nýja feður 🤩
Veistu um faðir sem getur nýtt sér frábært námskeið?
Ertu verðandi/nýr faðir og ert til í að bæta við góðum verkfærum í töskuna fyrir nýtt og spennandi hlutverk?

Ólafur Grétar Gunnarsson er frábær í að bera á borð nytsamlega hluti enda þaullærður og reyndur ✨

https://www.faedingarheimilid.is/fadir-verdur-til?fbclid=IwAR270LQNjuhqgcTfmP9z3CaL45XMOxgrDiH4Y9GlcvOTuoDVbdZTL-7mGP8_aem_AaZWYKmyipJLtlWB-2VN9V5kZkiSz3WgNXjzsJYdN6mzqZByPU4redx_i2vKfVrblnc

Faðir verður til – Fræðsla, tengsl & þátttakaÞetta námskeið er sérstaklega fyrir verðandi feður og feður ungra barna þar sem fjallað verður um mikilvægi sjálfsumönnunnar, hversu þarft sé að móðirin fá góða umönnun og nærgætni og mikilvægi góðrar umönnunar ungabarn...

18/07/2023

✨SAMÞYKKI✨

RIE er ekki bara uppeldisaðferð heldur er þetta mikil andleg vegferð þar sem foreldrið stígur fyllilega inn í leiðtogahlutverk en án þess að eigna sér líf litla einstaklingsins sem er í gríðarlegri þróun.

🫠 ég man þegar ég las fyrst bókina “The Conscious Parent” og hugsaði hvað rithöfundurinn væri rugluð. Átti ég bara að sleppa tökunum af litlu börnunum mínum þegsr þau reiða sig á mig allan sólahringinn, alltaf?!

Little did I know 😅 þegar ég las mig dýpra ofan í RIE fræðin, sjálfið, egóið (varnarsystemið okkar) og sjàlfsheilun fann ég loks samnefnarann sem ég hafði ómeðvitað leitað að.

✅ uppeldið er ekki hverju börnin mín hlýða… uppeldið snýst um það
👉🏼hvernig fyrirmynd ég er,
👉🏼hvernig ég hlúi að sjálfri mér,
👉🏼hvernig ég elska náungann,
👉🏼hvernig ég leiðbeini,
👉🏼hvernig viðbrögð ég hef tamið mér

❤️ að elska barnið mitt snerist ekki lengur um það hvernig barnið mitt væri að standa sig heldur hvernig ég speglaði það.

Skammir breyttust í faðmlög.

Hótanir breyttust í aðstoð við að fylgja eftir þeim mörkum sem höfðu verið sett.

Þögnin breyttist í viðurkenningu á eigin mistökum og hegðun sem ekki var sæmandi fullorðinni manneskju og leiðtoga.

Skömmin yfir mistökum í foreldeahlutverkinu breyttist í meðvitund, viðurkenningu og valdeflingu.

Reiðin breyttist í forvitni.

Hugsunin um hið fullkomna foreldri leystist upp og í staðin kom sjálfsmildi og sjálfsaga.

Vertu viss um að þú sért að hlúa að þér. Barnið þitt er að fylgjast með ❤️👶🏼

22/06/2023

✨ÞAÐ BYRJAR OG ENDAR MEÐ FORELDRINU✨

Börn hafa ekki ÞÖRF fyrir að vera með öðrum börnum fyrstu æviàrin. Þvert á móti hafa þau gríðarlega þörf fyrir að læra af fullorðnum umönnunaraðilum. Börn hafa samt oft gaman af öðrum börnum en það er ekki það sama.

Börn þurfa ekki að “læra að leika við önnur börn” heldur þurfa þau öruggt rými til að leika við önnur börn þar sem þau fá viðeigandi aðstoð þegar við á.

Samleikur hefst fyrst í kringum 3ja ára aldur og börn eru ekki farin að læra að “deila” (aka. lána frá sér) fyrr en um og eftir 5 ára aldur. Fyrir það hafa þau ekki þroskann til þess að “deila”.

Auðvitað eru börn mis virk og mis félagslynd en öll hafa þau langmesta þörf fyrir heilbrigt og gott samband við fullorðinn umönnunaraðila, náttúruna og nærandi umhverfi ❤️🌱

13/06/2023

13/06/2023

✨ÉG ELSKA ÞIG ALLTAF, LÍKA ÞEGAR ÞÉR LÍÐUR/GENGUR EKKI VEL✨

Okay… let’s face it samt…
🤷🏼‍♀️það er ótrulega erfitt að elska manneskju sem sýnir af sér virkilega krefjandi hegðun OG beinir henni allri að okkur. Ef maðurinn minn láta við mig eins og börnin mín gera á sínum verstu stundum skal ég lofa að ég myndi ekki hika við að hend’onum út - og vise versa haha🤭

Börn eru hinsvegar ekki litlir fullorðnir einstaklingar. Síður en svo! Þau hafa engan veginn þroskað með sér rökræna hugsun og tilfinningagreind - og þeim þroska er reyndar ekki fullnáð fyrr en um 25 ára aldur !! 🤯😬

Nokkurra mánaða barn getur þess vegna engan veginn verið að ráðskast með foreldra sína - alveg sama hversu krefjandi hegðunin er. Það er að tjà þörf!

2ja ára barn er heldur ekki að reyna að stjórna, heldur þykir því í raun ríkja stjórn- og markaleysi þegar það fer sjálft að stjórnast. Þetta eru náttúruleg viðbrögð þess, ekki úthugsað plan 👀 það er að kalla eftir skýrari ramma og betra utanumhaldi.

🫠Hættum að trúa því að börn séu endalaust að plotta eitthvað. Hættum að trúa því að lítil börn þurfi skammir, hótanir og mútur - af því að rannsóknir og vísindi eru búin að sanna það fyrir okkur að þau þurfa ást, alltaf!!

En hvernig elskarðu barn þegar það sýnir sínar verstu hliðar?

👉🏼 mörk (bæði þín eigin og fyrir barnið)
👉🏼 nánd og/eða nálægð
👉🏼 skýr skilaboð og staðreyndir
👉🏼 “ég elska þig, líka þegar þér líður ekki vel”

❌ engar útskýringar afhverju ehv má ekki/er ekki í boði
❌ einvera barns (nema það velji það sjálft en vertu viss um að láta barnið vita hvar þú ætlar að vera á meðan og að það hafi greitt aðgengi að þér þegar það er tilbúið)
❌ hunsun

Hvað finnst þér best að gera þegar þér líður ekki vel með krefjandi hegðun barnsins þíns? 🤓