UWC Leirskule

12/06/2025

Er du den nye kollegaen våres? For meir informasjon om UWC Leirskule og UWC Red Cross Nordic. Sjå www.leirskule.no og www.uwcrcn.no

14/05/2024

Ynskjer du å oppleve herlege seinsommar eller haustveker på UWC Leirskule hausten 2024? Vi har framleis ledig kapasitet i veke 35, 37,42 og 43. For spørsmål send ein e-post til: [email protected] eller ring:41417643☀️

16/11/2022

Førre veke var vi vertsskap for årets nasjonale kurs for tilsette i leirskule frå nord til sør.😀

Les meir her:

Tradisjonen tro var leirskolefolk fra hele landet samlet til nasjonalt kurs i uke 45. Denne gang var det UWC leirskule som var stedet, idyllisk beliggende på Haugland i Fjaler kommune. Fra 6.-10. november fikk over 60 leirskoleentusiaster naturopplevelser, læring og glede, i beste leirskoleånd. M...

07/11/2022

Denne veka er vi vertskap for årets Høstkurs for tilsette I leirskulen frå nord til sør! 😀

Kring 60 deltakerne har funne vegen til Haugland og vi ser fram til fine dagar saman med kompetanseheving, kunnskapsdeling og ikkje minst sosialt samvær!

På dag 1 fekk vi vist litt av korleis vi jobber på UWC leirskule, før det blir livredning i bassenget ikveld!
Imorgen får vi besøk av luftambulansen med redningsaksjon på fjorden!🤕

14/10/2022

Går det an å lage god pizza på stormkjøkken?

Klart ein kan! Ein treng til og med ikkje stormkjøkken, men kan ta med steikepanne ein har i skåpet heime og lage pizza over bål!🔥

Alle ungane blir positivt overraska - og som ein veit; Maten smaker alltid best ute i det fri!🍕😃🍕

02/09/2022

Ei nydeleg første veke med leirskule etter sommaren!🤩

Når ein ser på desse bileta og leik i kano skulle ein ikkje tru det var haustsesongen vi hadde starta!

30/08/2022

Heldige dei som kom på leirskule på Haugland då sommaren endeleg kom!😀☀️😀

Vi er endeleg igang med haustsesongen og denne veka har vi besøk av kjekke elevar frå Dale Barne- Og Ungdomsskule !

17/06/2022

Takk for besøket skulane i Alver kommune !🎯🤿⚽️🚣‍♀️🤸‍♀️

Ein travel og fin vår, med kjekke elever på besøk!
Vi ynskjer alle ein god sommarferie!🌞

Her blir det opplæring av sommarinstruktørar i helga og full rulle allereie frå mandag av med sommarleirar for liten og stor!👌

26/04/2022

Då er vi endeleg igang med årets sesong!
Sol, kjekke ungar og høgt aktivitetsnivå frå morgon til kveld🤸‍♂️🤸🤸‍♂️

Denne veka har vi besøk av Bjørgvin Montessoriskole og elevar frå Sande skule, Bygstad skule og Viksdalen skule!

12/04/2022

Etter påske startar endeleg årets leirskulesesong på Haugland.
Vi har pussa, rigga og er nesten klar! Og som vi gler oss!😀🤩😀

Ynskjer alle ein god påske!

03/02/2022

Frå leirskule-besøk til student på UWC RCN? Vi har hatt mange tidlegare elevar som har vore her på besøk først som leirskuleelev!

Kanskje noko for deg eller nokon du kjenner?

Søknadsfrist 01.mars!

Why study at UWC RCN?/Kvifor studere ved UWC RCN?Detailed information: https://uwcrcn.no/how-to-apply/scholarships/Application deadline: 1 March

31/01/2022

UWC har blitt nominert til Nobels Fredspris 2022 av stortingsrepresentant Alfred Bjørlo.

Vi er utrulig stolt og beæra over denne nominasjonen. Vi veit at alle som har vore her på leirskule verdsetter møtet med ungdommar frå heile verda og den unike læringa det gir unge norske skulebarn!😀

I dag har eg nominert United World Colleges (UWC) til Nobels Fredspris 2022, Nobel Prize. Fordi det at ungdom frå heile verda møtes, lever saman og tar utdanning i lag, er noko av det viktigaste vi kan gjere for fred og ei betre verd.

UWC vart skipa av Kurt Hahn frå Tyskland på slutten av 1950-talet, med bakgrunn i dei grusomme røynslene frå 2. verdskrigen om kva som skjer nå murane mellom folk og nasjonar veks seg høge.

Den fyrste UWC-skulen, Atlantic College i Wales, tok opp fyrste kull elevar i 1962. I dag - 60 år seinare - er det 18 UWC-skular i 18 ulike land på fire kontinent. Dei fleste elevane er 16-19 år, og dei kjem frå heile verda.

Ein av dei 18 skulane, UWC Red Cross Nordic, ligg i den vesle bygda Flekke i Fjaler kommune i Sogn og Fjordane, og er den einaste UWC-skulen i Norden. Skulen har ca 200 elevar frå over 80 land som tek ei 2-årig utdanning. Dronning Sonja er skulen sin høge beskyttar (High Patron), og vitjar skulen jamnleg.

UWC-skulane gir utdanning av høg kvalitet, med vekt på respekt og forståing for andre menneske og kulturar, og at ein gjennom det bidreg til ei fredelegare verd. Meir enn halvparten av UWC-elevane er jenter. Det er særleg viktig for å gi jenter frå land som ligg langt tilbake på likestilling eit høve til å ta vidare utdanning.

Mange elevar får heilt eller delvis dekka skulepengane av nasjonale UWC-komitear i over 150 land, slik at ungdom uansett økonomi og bakgrunn får sjansen til å ta ei UWC-utdanning. UWC har eigne program for å finansiere utdanning for ungdom frå krigs- og konfliktområde - mellom anna ei særleg satsing på ungdom frå Afghanistan akkurat i desse dagar.

UWC-rørsla held også kontakt med tidlegare elevar vidare gjennom livet. Dei har pr i dag meir enn 60.000 alumni-elevar over heile verda i sitt nettverk, som får høve til å vere med på felles aktivitetar og blir oppmoda om å ta samfunnsansvar og engasjere seg for ei betre verd lokalt, nasjonalt og internasjonalt.

Grunntanken til UWC om å nytte utdanning som verkemiddel til å skape fred og knyte band på tvers av grenser, er etter mitt syn heilt i Alfred Nobel si ånd. Eg meiner UWC er ein framifrå kandidat til Nobels Fredspris. Ikkje minst i ei tid kor vi ser tiltakande konfliktnivå mellom land og menneske mange stader i verda. Då er det nettopp med ungdom vi må byrje.

Difor vil eg nytte mitt aller fyrste høve som stortingsrepresentant til å foreslå kandidatar til Nobels Fredspris, til å nominere United World Colleges.

(Foto: Red Cross Nordic UWC)