Sjekk ut informasjon på nettsida om kurstilbod, pedagogar, timeplanen, lokaler og påmelding. Danseverkstedet ved Jorunn Reina er ein privat danseskule i Førde, etablert i 1994. Jorunn Reina har utdanning som adjunkt med opprykk for grunnskulen, i tillegg til at ho har ei tatt treårig ballettpedagogikk på Northern Ballett School i Manchester. Ho har også tatt mellomfag i dans på Dragvoll i Trondheim. Sidan oppstarten har Danseverkstedet blitt populært og utmerka seg på kulturelle hendingar i heile fylket. Kvart år har Danseverkstedet ei vårførestilling før sommarferien der alle elevar får vist kva dei har jobba med i løpet av danseåret. I tillegg jobbar danseskulen tidvis med prosjekt, som til dømes ballettstykket "Nøtteknekkaren", som var eit samarbeid med Førde sine distriktsmusikarar. Mars 2013 ventar ein Disney-musikal i samarbeid med Førde Kulturskule. Tidlegare har også elevar delteke på blant anna Gaularspelet, Vevringutstillinga og Nyttårskonserten i Førdehuset. Dette er veldig kjekt for elevane og gode erfaringar å ha med seg vidare. Går ein på ballett får ein moglegheita til å ta eksamen i ulike grader, slik at ein lettare kan ta ei utdanning innan dans for dei som ynskjer det. Danseverkstedet tilbyr desse undervisningsklassane:
- Barnedans; 4-5 år
- Klassisk ballett; 6 år og oppover
- Jazz/Moderne; 8 år og oppover
- Hip hop; 8 år og oppover
For påmelding eller meir informasjon, ta kontakt:
Jorunn Reina, tlf 472 32 429, eller epost: [email protected]
