Barneskulen i sentrum av Førde:
Førde Barneskule ligg i Elstervegen - ein sideveg til den gamle Bydalsallèn - som går frå sentrum mot Kyrkja. Skulen er den eldste i Førde og har gjennom åra vore folkeskule, framhaldsskule, realskule, ungdomsskule og gymnas. 125 års-jubileum vart feira i 2019. Det er til vanleg to klassar på kvart trinn. Det er om lag 250 elevar på skulen. Skulen har barn frå mange ulike nasjonar. I dei siste åra har skulen hatt ein innføringsklasse for fleirspråklege born. Til denne kjem elevar frå andre skular i Førde for å få grunnleggande norskopplæring. Skulefritidsordninga (SFO) er eit tilbod før og etter skuletid til elevar i 1.- 4. klasse, og for elever med særskilde behov i 5.-7. SFO på Førde barneskule er organisert i 2 ulike basar. Bikuba for elevar i 1. og 2. klasse og Edderkoppen for dei som går i 3. og 4. klasse og barn med særskilde behov. SFO har ope frå kl. 07.00 – 16.30.
