Brandal friskule

05/05/2026

📚✨ Aktivitet og læring på skulen vår!

Dei siste vekene har vore fulle av spennande opplevingar for elevane våre 👏

🔢 Mattedag
Heile skulen var samla til ein kjekk dag med ulike stasjonar. Elevane samarbeidde på tvers av trinn, løyste oppgåver, spelte mattespel og brukte kroppen i læringa. Ein dag med både meistring og glede!

⚔️ Vikingveke
Vi reiste tilbake i tid og lærte om livet i vikingtida. Elevane laga flotte båtar, skreiv historier og deltok i ulike aktivitetar. Som ein del av veka besøkte skulen Hodr Vikingsete – ei spennande oppleving!

🔬 Newtonrom – 6. klasse
6. klasse har vore på besøk i Newtonrommet saman med andre elevar frå kommunen. Der fekk dei utforske realfag gjennom praktiske oppgåver og spennande eksperiment – ein lærerik dag med høg interesse!

Engasjement, samarbeid og lærelyst 💛

10/03/2026

🎒 Velkomen til innskriving ved Brandal friskule!

Onsdag 11. mars er det tid for innskriving av nye elevar. Vi ønskjer både barn og føresette hjarteleg velkomne til skulen vår.

Vi gler oss til å møte dykk! 💙
Har du spørsmål om innskrivinga? Ta gjerne kontakt med oss.

23/02/2026

⛷️❄️🏔️

23/01/2026

🎉 100 skuledagar = 100 grunnar til å feire! 🎉

I dag har 1. og 2. klasse feira 100 skuledagar med stasjonar, leik, teljing og masse moro. Endå kjekkare blei det då 3. klasse og 5.–7. klasse var med og bidrog som flinke, engasjerte medhjelparar 💛

Det har vore høg aktivitet, mykje latter og mange smil – akkurat slik ein 100-dag skal vere! Takk til store og små for ein super dag 🎈

20/09/2025

Denne veka har vi hatt fokus på å vere ein god venn 🤝
Gjennom ulike aktivitetar har vi fått oppleve kor kjekt det er å skape gode minne saman:
✨Hemmeleg venn - små gleder i kvardagen
✨Armband-laging - symbol på vennskap
✨Vennskapskafé - der dei eldste inviterte dei yngste til spel, prat og kjeks🍪
✨Hei-veke - å løfte kvarandre fram med gode ord og smil
La oss halde fram med å vere gode vener - kvar dag! 💛🌟

20/09/2025

Årets BlimE!-dans 💛🪩🎶

Her er vår BlimE!-dans

01/09/2025

☀️🌊For ein dag på Kvitneset!🌿✨
Med sol frå skyfri himmel, frisk sjøluft og naturen rundt oss, vart det ein dag fylt med glede og fellesskap. Elevar og lærarar fekk tid til leik, aktivitetar og gode samtalar – og ikkje minst til å berre nyte den vakre dagen saman.💛

09/05/2025

Kyllingprosjektet er fullført – og det med stor suksess! 🐣🐣🐣🐣🐣🐣

Etter mykje spenning og venting fekk vi endeleg oppleve at seks søte, små kyllingar klekte frå egga sine! 🐥

Dei har fått masse kos og stell, og vi har lært utruleg mykje om utviklinga frå egg til kylling. Det har vore eit kjempespennande opplegg – og kyllingane har hatt det heilt supert her saman med oss på skulen. ❤️

No har alle seks fått seg ein trygg og god heim – og vi sit igjen med mange fine minner 🐥✨

25/04/2025

Brandal friskule søkjer
Lærar i 80% stilling (vikariat)

Brandal Friskule er nærskulen i ishavsbygda Brandal, og driftar 1.-7. klassetrinn etter offentleg læreplan i tillegg til SFO. Skulen ligg midt i bygda, omringa av fjell, sjø og vakker natur. Vi har god plass i det flotte skulebygget vårt og har ein stor nyrenovert leikeplass.

No søkjer vi ein engasjert lærar med hjerte for alle og eit blikk for den enkelte.

For å lese heile annonsa, bruk linken under:

https://www.brandalfriskule.no/tilsette/

31/05/2024

Du veit det snart er ferie når elevane kjem med alt anna enn skulesekk🎒🧳😜🛒🛍️ Artig fredag med morosamt tema

28/05/2024

Tenk å vere liten og lett på tå,
i ei blomstereng med Engsoleie så langt ein kan sjå🌼
1.-5 klasse var kreative med blomster i dag. Mange fine kunstverk blei det🌼🌷