Dalane barnehage

25/02/2026

1.mars er søknadsfrist for barnehageplass i Ørsta kommune, hugs å sende søknad i tide! 😄

I Ørsta tilbyr vi barnehageplass i alle delar av kommunen, og vi har samordna opptak med felles søknadskjema og søknadsfrist.

19/01/2026

Barnehageopptaket for året 2026/2027 er no i gong. Søknadsfrist er 1.mars.

https://www.orsta.kommune.no/aktuelt/treng-barnet-ditt-barnehageplass-barnehagearet-2026-2027.196655.aspx

14/11/2025

Den første snøen ..❄️☃️Revehiet og Ulvehiet kosa seg ute i snøen i dag. ❄️❄️❄️☃️

12/11/2025

Me er rørte og svært takksame for gåva me fekk av Foldal Stempel. Dei har laga tavler til oss med dei lokale segnene og songskatten vår på. Med fargerike, flotte illustrasjonar og tekst prydar desse veggane våre ute. Når de besøkjer barnehagen vår møter de ein del av den lokale kulturarven.
Det er ei svært raus gåve som me sett utruleg stor pris på ❤️
Tusen hjerteleg takk Foldal Stempel!!!❤️

Dalane er ein natur- og kulturbarnehage. Me er mykje på tur i nærområdet og formidlar segner og historier knytt til stadane. Segnene er eit slags ekko frå fortida og dei omfattar alt folk har funne verd å merkje seg. Målet er å skape interesse hjå borna og vaksne for den kulturskatten desse segnene er. Segner kan sette i gong fantasien til borna og skape tilknytning til heimstaden. Det handlar om identitet, tradisjonar og lokal kultur. Segnene skal knytast opp mot tema, songar, bursdagsfeiring, på tur, i leik og kvardagsaktivitetar m.m.

Vår lokale og nynorske songskatt –
“Alle born skal dagleg få oppleve glede ved musikk og song, og songane skal i størst mogleg utstrekning vere på nynorsk” (Lokal rammeplan s. 8).
Dalane barnehage har ei samling med lokale og nynorske songar som borna skal bli kjende med. Musikk og dans er ei kjelde til glede og energi. I barnehagen opplever borna musikk og song gjennom heile dagen. Songane er spelt inn av Maria Hovdenakk og Torgrim Skjerdal. De finn dei på heimesida vår ❤️

18/08/2025

I Dalane barnehage er m so heldige å få kome på besøk rundt omkring. Forrige veke besøkte me Samundgarden i Bjørdalen , " me he so mykje ripsbær , de må kome å plukke", sa foreldra😊Ulveungane er ikkje tungbedde , so me heiv oss rundt, fylte opp minibussen med små og store. Borna fekk plukke rips, ta opp potete, sjå dagens kredefangst , leike og ete nydelige vaffle❤I barnehagen laga me ripsis og ripsgele, som me kosa oss med dagen etterpå. Det er so kjekt å sjå kor ivrige, nysgjerrige og glade borna er når dei får vere med på prosessane: "frå jord til bord" i rette meining🤩Tusen takk til supre foreldre som opnar opp og tek imot oss🥰

25/06/2025

Ulvungane har vore på besøk på brannstasjonen. Vi fekk vere med på å spyle med brannslange, sjå på ulike brannbilar og sitte i den store hovedbilen. Vi såg mange plakatar av brannmannbekledning og ein brannmann fortalde oss om korleis dei ulike draktene vart brukte. Vi fekk også møte Brannbamsen Bjørnis, gi han klem og danse med han. Det var litt skummelt og spennande men veldig kjekt også.

11/06/2025

Takk for denne fine dagen ilag på Hakallegarden.❤️ Lurivarklubben kosa seg på gardsbesøk. Mating og kos med dyra, leik, traktortur, riding, mat og drikke, lære å pakke sekken sjølv, allsong i bussen og kvile på vei heim. Ein alle tiders avslutningstur vart det❤️

07/06/2025

I barnehagen arbeider me tverrfagleg. Ein dag på undretur kan ofte femne om både fysisk aktivitet, kunnskap om lokal kultur og natur, matematiske omgrep, bygging av relasjoner og vennskap, den gode samtalen, utfordringar, samarbeid, felles aktivitetar, meistring, song, leik og læring.

I Lurivarklubben har me lært om Ivar Aasen og at han var glad i å sortere blomar, presse dei og lage herbarium. På tur denne veka leitte me etter blomar i ulike fargar. Alle plukka med seg nokre blomar kvar, nokre ein bukett.💐 Me brukte Venn-diagram til å samanlikne blomane og fann like og ulike ting med dei. Me undra oss ilag over form, farge og storleik.

På turen såg me også spor etter ekorn, gjekk til ein kjempestor foss og sprang slalom mellom grantrea. "Wow, her va det veldig fint!, " sa eit av borna då me gjekk forbi nokre andre små fossar og ei rennande, stor elv midt i den grønaste skogen
🌸💚🤍💜🩷💛

20/05/2025

Ulvungane har vore på Høgetua i dag. Vi snakka litt om tunkatten Lurivar som bur i tunet, såg på ulike blomar og sommarfuglar. Saman gjekk vi stien opp frå Aasentunet til Høgetua. Nydeleg veir, gode venna, leik i skogen og i råsa. Her er det fint å bli lest for medan ein tek seg ein matbit. Vi las ei bok om Jakob og Neikob og "Gjett ordet med Lurivar". Etter lunsj leika vi litt i skogen og i Aasentunet før vi reiste tilbake til barnehagen.

17/05/2025

17. Mai🇧🇻 Endeleg er dagen her som borna har venta lenge på. Vi øvde oss litt på å gå i tog med rosarusserop og song på førehand. Vi hadde 17. Mai leikar ute: potetløp, sekkeløp, kaste erteposar i kasse, kast på blikkboks og ansiktsmaling. Til lunsj hadde vi fellesmåltid ute ilag alle avdelingane. Vi fekk pølse med brød, saft og is. Gratulerer med dagen 🇧🇻🥳