Barnas Vel barnehage

Hjem
Norge
Ørsta
Barnas Vel barnehage

Sida er tenkt brukt til å syne aktivitetar og glimt frå barnehagekvardagen. Sida skal ikkje nyttast til å diskutere drift og pedagogisk innhald i barnehagen.

Vi vil også nytte den til å synleggjere vår utviklingsprosess i høve det felles utviklingsarbeidet i seksjon barnehage: Saman om Ørstabarnehagen. Slike saker ynskjer vi at de rettar direkte til styrar eller pedagogisk leiar.

18/12/2025

I dag har førskuleborna hatt livets første julebord, og for ei kjekke stund det var!
På førehand hadde personalet laga til på kulturstova. Langbord med raude dukar, lys og julekuler. Pådekka bord med serviettar og stettglas. Lykter og dempa belysning.

Før måltidet fortalte Silviann segna om "jenta som gikk på Nipa julenatta". Ei spanande historie med tilhøyrande bilete, musikk og framsyning. Etterpå hadde vi kino då vi såg den animerte versjonen av "Grinchen" som vil stele jula frå innbyggarane der han bur. Rett før mat gikk vi polonese i gangane :)

Som seg hør og bør på julebord fekk borna servert pinnekjøt, mår, poteter og rabbestappe. Til dessert; riskrem med raud saus. Og vi hadde sjølvsagt raud saft i glaset!

Ei veldig fin, koselig stund i lag

02/12/2025

I november har førskulegruppa holdt på med kunstprosjekt til utstilling på Aasen-tunet.
Boka vi har jobba ut i frå heiter “STOR” av Martine Grande.
Boka handlar om ei storesøster som gjerne skulle ha vore større enn ho er, og alt ho vil gjer når ho blir stor. Men er det alltid så kjekt å bli stor? Og kan ein føle seg liten sjølv om ein er blitt stor?

Saman med borna har vi lest boka både fysisk og digitalt. Borna har vore med i prosessen heile tida, då det skal vere deira arbeid som skal stillast ut. Gjennom samtale med borna har dei fått velje ut kva dei kunne tenke seg å lage, og ut i frå ønska såg vi som vaksne kva som var mogleg å gjennomføre.
Dei aller fleste av borna ville lage dyr, og vi endte opp med å lage rommet til storesøster med alle dyra ho ville fylle det med. Borna har fått velje materiale sjølv, ut i frå det vi har tilgjengelig i barnehagen. Dei har mala, limt, klipt, veva, teikna mm.

Vi har ikkje berre laga kunstprosjekt, men jobba med boka på fleire måtar. Og alle ideane er henta ut i frå boka.
Borna blei spurt ein og ein om kva dei kunne tenke seg å bli når dei blir store. Dei har fått sjølv valgt bilete av yrket dei valgte, og har klipt og lima sjølve.
På kjøleskapet laga vi høgdemålar, å måla høgda til borna.

Etter at kunsten var levert på Aasen-tunet, feira vi med pannekakefest som også er ein del av boka. “Når eg blir stor, er eg så svolten at eg et tusen pannekaker til middag. Eg bestemmer sjølv kor mykje sukker eg skal ha”. Her må det seiast at det blei litt begrensingar på sukker😃

Måndag 1.desember blei vi invitert til Aasen-tunet for opning av kunstutstillinga. Vi tok buss til og frå, fekk høyre boka, sjå på andre sine kunstverk og fekk oss kakao. Tre av borna fekk vere med på snorklipping med tilhøyrande gullsaks.
Ein veldig kjekk dag, og eit veldig kjekt prosjekt.

31/10/2025

Noko utruleg mystisk og småskummelt hadde skjedd på Tikhaugen og Iverhaugen når vi kom i dag tidlig. To spøkelse har vore her å pynta til Halloween! Kanskje dei har fått med seg at førskuleborna har laga små spøkelser og skjellett på kjøkkenet vårt?

Så i dag når vi kom til avdelingane, var det varselteip på port og dører. Fult av spindelvev med edderkoppar, spøkelser, lykter, graskar, masker, grøne fingrar og mykje meir! Det var dunkel belysning og mystisk musikk kom ut frå høgtalar og skjerm.

Førskuleborna har også vore på tur til Askjellhaugen i dag, der dei fekk høyre ei spanande fortelling laga av ein ansatt om huldra, troll, kråker og spøkelse! I tillegg til nista vår, varma vi oss med kakao og Halloween-kake (muffins i langpanne med konditorfarge).

Halloween har komt meir og meir inn i den norske tradisjonen, og det er noko som borna er svært opptatt av og har nedtelling til. Så når vi lagar til Halloween for borna, er ikkje det kun fordi det er kjekt. Vi tek barns interesser på alvor, og på den måten medverkar dei til at avdelingane blir fylt med mystiske, magiske og spanande ting som vekkar sansar og fantasiar.

Vi ynskjer alle ei riktig god helg!

15/10/2025

I september har førskulegruppa hatt kroppen som tema.
Vi har brukt ein del tid på korleis kroppen fungerar, korleis skjelettet ser ut og dei ulike delane i skjelettet. Gjennom små videoar og bøker har vi samtala om gode og dårlige hemmeligheiter og det å setje grenser for sin eigen kropp. Borna har fått laga sine eigne skjelett av lim og q-tips av bambus. Med eit lite inspirasjonsbilete blei ingen av dei like, men alle like flotte.

I rammeplanen står det at:

"borna skal bli trygge på eigen kropp, få ei positiv oppfatningar av seg sjølv og bli kjent med eigne følelsar".
"Sette grenser for eigen kropp og respektere andre sine grenser".

18/09/2025

Kvart år, i veke 38, arrangerast den Nasjonale brannvernveka. Og kvart år får vi besøk av verdens kulaste bamse, nemlig Bjørnis! Det blei ei lang veke å vente, og når dagen kom var det mange som var spente. På tysdag denne veka kom Bjørnis saman med to andre frå brannstasjonen i stigebilen til barnehagen vår!

Han helste først på dei minste ute, og deretter kom han inn i kulturstova der borna frå Tikhaugen og Iverhaugen venta. "Hei, Bjørnis" ropte alle sammen. Borna song ein song til Bjørnis, peika på røykvarslar og nødutgongar. Borna fortalte om nødnummeret og kva vi må gjer om det brenn.

I forkant av besøket hadde borna på dei eldste avdelingane fått utdelt brannvernkort som dei skulle ta med heim. Her skulle dei sjekke om røykvarslar fungerte, kvar ein har brannsløkningsapparat mm. Korta fekk Bjørnis ta med seg tilbake til brannstasjonen.

Etter besøket på kulturstova fekk dei som ville bli med ut på parkeringsplassen for å sjå på stigebilen, stille spørsmål og få sjå på innhaldet i bilen.

Tusen takk for besøket, Bjørnis! :)

18/06/2025

Jonsokfeiring i Barnas Vel måndag 23.06 klokka 17.00

Det er heile 80 år sidan tradisjonen med jonsokmoro i Barnas Vel starta opp. Vi håpar på godt oppmøte med mange utkledde barn og vaksne 🥳. Etter lurvetoget er det høve til grilling på barnehagen sitt uteområde.

NB! Vi har endra ruta til lurvetoget slik at vi no går forbi aktivitetssenteret på BakkOla-marka.

Del gjerne innlegget så vi når ut til flest mogeleg!

- Jonsoknemnda

13/06/2025

☀️Avslutningstur for førskulegruppa☀️

Sola strålte om kapp med dei forventnigsfulle borna på førskulegruppa i dag. Dagen kunne ikkje bli finare til ein slik tur! Vi tok buss til Volda med ein smilandes blide buss-sjåfør, og då var det på sin plass å stemme i med songen “Ein busssjåfør er ein mann med godt humør”! Til applaus i bussen, satt dette stemninga på eit kjekt opphald i Volda. Etter eit godt måltid på Burger King og is til dessert, rusla vi oss til aktivitetsparken der vi bl.a klatra og spelte fotball. Tilbake i barnehagen var det kino i kulturstova med popcorn til. Takk for ein kjekk dag med alle dei kjekke borna på førskulegruppa!❤️

03/06/2025

Barnas Vel-koret

Vi har hatt ein draum om å starte opp vårt eige barnehage-kor, og dette har vi no fått til.
I fjor vekk barnehagen spørsmål om vi kunne synge på ei tilstelning på kulturhuset, og slik blei koret skipa.

Målet med koret er å ha det kjekt saman på tvers av grupper og alder. Vi ynskjer at det skal ver ein morsom, lærerik og lystbetont aktivitet for borna.
I rammeplanen står det at “i barnehagen skal borna få estetiske erfaringar med kunst og kultur i ulike former, organisert på måtar som gir borna anledning til utforsking, fordjupning og progresjon”. Vidare står det at “barnehagen skal legge til rette for samhørigheit og kreativitet ved å bidra til at borna får vere saman om å oppleve og skape kunsterniske og kulturelle utrykk”.

Frå hausten av vil kor vere ein fast aktivitet nokre gongar i månaden for dei som ynskjer å vere med. Då kan vi ha konsertar innad i barnehagen, og kanskje nokon har lyst til å ha eit barnekor på besøk? 🙂

24/04/2025

I Barnas Vel har vi begynt å jobbe med prosjekt. Førskulegruppa har hatt segner som tema, og i dag åpna vi ei kunstutstilling som ei avrunding på dette prosjektet. Prosjekt er ein tverrfagleg måte å jobbe på, der borna får erfaring med mange fagområder som skal jobbast med i barnehagen. Det har blitt tatt utgangspunkt i lokale segner. På denne måten har vi hatt moglegheit til å besøke nokre av stadane borna har høyrt om, og vi har opplevd at borna får ein annan slags tilhøyrigheit til historiene når dei kjem så “tett inn på” oss. Vi etterspurte litt tankar frå barnegruppa om korleis dei opplevde dette prosjektet, og svara var reflekterte med eit glimt av både humor og undring. Akkurat slik vi ønskte det skulle vere:
💛 «Det var rart det kom kanonsmell ut av fjellet på Vartdal!”
💛 «Eg har hørt rykte om at segnene faktisk er heilt sanne!”
💛 «Eg vart vekt av isbilen om natta eg, trur det måtte vere Isflåmannen!”
💛 «Dei underjordiske er veldig skumle, men eg syns det er gøy også!”

Kunstutstillinga er åpen for dei andre avdelingane, og for foreldre og søsken på Førskulegruppa, slik at fleire får ta del i ei ekte kunstoppleving og blir att på til servert trollbollar!❤️

11/04/2025

Barna Vel 80 år 🎂🎉🥳

- 11. april 1945: Barnas Vel barnehage vart skipa og etablert som barnepark vest for kyrkjegarden.
- 1957: ferdigstilt eige barnehagebygg i Holmegata 19 ved idrettsplassen. Bygget er no historie, og låg plassert på delar av parkeringsplassen til Ørstahallen.
- 2012: samanslåing med Kløverhagen barnehage og innviing av nybygg som ein del av nye Barnas Vel barnehage.
11. april 2025: ein barnehage med 5 avdelingar fordelt på to bygg i sentrum av Ørsta.

Barneparken vart ferdig til jonsokafta 1945 og det blei feira med lurvetog gjennom Ørsta sentrum. Det blei bestemt at jonsokafta for ettertida skulle vere BARNAS DAG i Ørsta, og Barnas Vel skulle stå som arrangør. BARNAS DAG står seg fortsatt og samsvarar godt med slagordet vårt "Barnas Vel - borna i sentrum"

MEIR AV HISTORIA TIL BARNAS VEL BARNEHAGE KAN DU LESE HER: https://docs.google.com/presentation/d/e/2PACX-1vR_xOnfTzw_9HFSGqGgg2E6D3jHoz3MspFTdg9C3pk1vGttztNq3VlIIb6YmPrEWPVqBzN3jM_a4pcs/pub?start=false&loop=false&delayms=60000&slide=id.p

20/03/2025

I dag var det beach party for borna på Førskulegruppa🍹🐬🌴. Borna storkosa seg og hadde gledd seg veldig til denne dagen. Vannleik, sansing, koordinasjon, glede og humor på ein annan måte enn i ein vanlig kvardag😊

Adresse

Ørsta
6153

Nettsted

http://barnasvel.orstabarnehagen.no/

Varslinger

Vær den første som vet og la oss sende deg en e-post når Barnas Vel barnehage legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Skolen

Send en melding til Barnas Vel barnehage:

Vil du plassere din skole på toppen av Skole-listen i Ørsta?