Muhammad Shugaba College of Qur'anic Sciences, Sokoto, Nigeria

. MUN CANJA SUNAN MAKARANTA
السلام عليكم ورحمة الله وبركاته

Muna sanar da ɗaukacin al'umma cewa mun canja sunan makarantar mu
daga
Ibn Aljazari College of Qur'anic Sciences

Zuwa
Muhammad Shugaba College of Qur'anic Sciences

Wannan ya faru ne sakamakon wasu dalilai da kuma shawarwari

Saboda haka daga farkon wannan wata na September 2025 sunan wannan makaranta tamu ya canja zuwan *MUHAMMAD SHUGABA COLLEGE OF QUR'ANIC SCIENCES*

Dukkanin sassan wannan makaranta guda uku
1- Sashen Boarding
2- Sashen Jeka-ka-dawo
3- Sashen Online
za su ci gaba da amsa wannan sabon suna

Muna addu'a Allah ya sa wannan canji ya zamo alkhairi ga wannan makaranta, malamanta, ɗalibanta da ma sauran al'ummar musulmi

Mun gode da irin goyon baya da kuma shawarwari da hadinkai da kuke bamu wurin tafiyar da wannan makaranta

✍️ Habibu Shugaba (Shugaban Makarantar Muh'd Shugaba)
Tuesday
09-03-1447
02-09-2025

كُلِّيةُ ابنِ الجَزَري لِعُلومِ القرءان،صكتو، نِيجِيريا
Ibn Al-jazari college of Qur’anic Sciences, Sokoto, Nigeria
السلام عليكم ورحمة الله وبركاته
Sanarwa! Sanarwa!! Sanarwa !!!
DAUKAR SABBIN DALIBAI
NA SHEKARAR 2025 (SASHEN ONLINE)

Hukumar wannan Makaranta mai suna a sama tana shedawa yan uwa musulmi cewa a wannan wata na April 2025 ta bude kofar siyen Form domin shiga a wannan Makaranta Sashen karatu daga nesa (Online)

MUHIMMAN BAYANAI GAMEDA WANNAN MAKARANTA

Wannan Makarantace ta koyon ilimin Riwayoyi da sauran Ilmukan Qur'ani mai girma wacce aka assasa a watan Janairu (January) 2022

Sashen Online daya ne daga cikin sassan karatu da wannan makaranta ke da su, An buda wannan sashe ne domin bada dama ga wadanda ke nesa domin su yi karatu daga nesa wato(online) musamman ma wadanda ba su samun damar zuwa makaranta domin su koyi wadannan Qira'at ba saboda uzurin aiki ko wani abu na daban

WASU DAGA CIKIN ABUBUWAN DA AKE BUKATA GA DUK WANDA KE SON SHIGA WANNAN MAKARANTA (SASHEN ONLINE)

👇👇👇👇👇👇👇
1- Wajibi ne mutun ya kasance Mahaddacin Qur'ani

2- Riwayah ɗaya ko Qira'ah daya ce kawai mutun zai zaba a wannan sashe domin ya yi karatu da ita

3- Karatun zai kasance ne ta hanyar Kiran waya (Calling📲) kai tsaye ko kuma ta manhajar IMO Ko Messenger (ya danganta da yadda malaminda aka hadaku da shi yake so ku yi karatun)

4- Ana saran mutun zaiyi khatmah (Sauka) daga lokacin da ya fara karatu zuwa Shekara daya ko shekara daya da ƴan watanni in Allah ya yadda.

5- A kowane karshen zangon karatu za a binciki duk karatun da mutun ya yi gaba daya (tun fara karatunshi har zuwa inda ya tsaya)

6- Akwai Ijazah da Certificate wadanda makaranta za ta bawa dalibi bayan ya kammala Riwaya ko Qira'ar da yake karatu da ita

7- Maza da Mata za su iya Shiga wannan sashe

Makaranta da dalibi zai bayar duk bayan wata hudu
Saboda haka a lokacin da mutun zai shiga zai fara biyan kudin Form tare da kudin makaranta na wata hudu, bayan wata huɗu za a binciki karatunda ya yi sannan ya sake biyan wasu kudin wata hudu

9- Makaranta zata iya ɗaukar matakin dakatarwa ko kuma horo ga duk wanda ya saba daya daga cikin dokokinta

GA LAMBOBIN DA ZA'A TUNTUBA DOMIN SIYEN FORM
👇👇👇👇
+234 813 764 4148
Wannan da ke Sama👆 za a fara tuntuba idan ba a samuba za a iya tuntubar ta kasa👇
+2347063504549

https://www.facebook.com/Quranicsciences1?mibextid=JRoKG

✍🏻 Ibnul-jazari College.
+2348034468543
Monday
10-02-1447
04-08-2025

الحمد لله
MUN DAWO HUTU

Ɗaliban makarantarmu ta Ibn Aljazari College Of Qur'anic Sciences, Sokoto, Nigeria (Sashen Jeka-ka-dawo da kuma Boarding) sun dawo hutun babbar Sallah

Sun fara zube Muraj'ar karatun Qurani da s**a yi a wannan makaranta daga farko zuwa karshe.

Dama muna da tsarin muraj'a lokacin zuwa Hutu da kuma bayan dawowa hutu.

Idan za mu je hutu kowane sai ya zube karatun da ya yi tun daga farko zuwa karshe ko hizb nawa ne.
Haka ma idan an dawo Hutu.

Muna fata Allah ya shige mun gaba👏

YAU ZA MU JE HUTUN BABBAR SALLAH إن شاء الله

Yau Lahadi 05-12-1446 (01-06-2025) Makarantarmu ta Ibn Aljazari College Of Qur'anic Sciences, Sokoto, Nigeria za ta ba wa dalibanta na sashen Day da kuma Boarding hutun babbar Sallah.

A watanni biyu zuwa uku da wadannan ɗalibai s**a yi suna karatu tare da mu muna kyautata zaton idan sun koma gida iyayensu za su ga gagarumin cigaba da kuma banbancin karatunsu na da da na yanzu الحمد لله

Muna addu'a Allah ya kara shige muna gaba

✍️ Habibu Shugaba
Shugaban Makarantar Ibnul Jazari Sokoto

TARON BADA IJAZAH CERTIFICATE GA DALIBAN MAKARANTARMU TA IBNUL-JAZARI

Jiya talata (15-11-1446/13-05-2025) ne babanmu kuma malaminmu limamin Masallacin Jumu'ah Na Anas bn Malik R.A da ke Guiwa Eka a nan Sokoto Sheikh Dr Muhammad Sani Abdullahi Jos ya zo makarantarmu ta Ibnul-jazari domin karrama wasu daga cikin daliban wannan makaranta da s**a nuna kwazo da jijircewa wurin haddar littafai biyu
1- نظم النائلي في بيان المكي والمدني
2- حسن البيان في نظم سجدات تلاوة القرآن

Wannan makaranta ta rubuta IJAZAH ga duk ɗalibin da ya haddace daya daga cikin wadannan littafai ko kuma ya haddacesu duk tare da shirya Daurah ta kwana uku domin fassara daya daga cikin wadannan littafai wato
نظم النائلي في بيان المكي والمدني

Bayan kammala daurar ne muka gayyato malam domin hannunta wa wadannan dalibai IJAZAH kamar yadda kuke gani

Ita dai wannan makaranta makaranta ce da ke da sassan karatu guda uku
1- Boarding
2- Day
3- Online

Tana da tsare-tsare da dama wadanda ta ke bullo wa dalibanta da su domin inganta karatunsu

Ba wa dalibai IJAZAH idan sun yi khatmar Qur'ani ko s**a haddace tare da karanta wani littafi na Tajwidi ko Qira'at yana daya daga cikin tsare-tsaren wannan makaranta

A lokacin gudanar da wannan taro wasu daga cikin iyayen yara sun shedi bada wadannan IJAZAT haka kuma an gayyato wasu daga cikinsu domin mika IJAZAH ga wasu daga cikin daliban da s**a haddace littafai biyu

✍🏻Habibu Shugaba (Shugaban Makaranta)
Wednesday
16-11-1446
14-05-2025