Modibbo Hamman Tukur For Governor Of Adamawa State 2027

Jam’iyyar African Democratic Congress (ADC) ta nada sabbin shugabanninta na kasa daga Arewa Maso Gabas, a wani yunkuri na sake fasalin jam’iyyar domin fuskantar zaben 2027. Babachir David Lawal, tsohon Sakataren Gwamnatin Tarayya, ya zama Mataimakin Shugaban Jam’iyya na Kasa kuma Shugaban Yanki, yayin da Umar Bello Jada (Calculate) ya zama Mataimakin Sakataren Tsare-tsare na Kasa/Shugaban Tsare-tsaren Yanki.

Wannan nade nade na da nufin karfafa ADC a yankin Arewa Maso Gabas da kuma kalubalantar APC. Calculate ya bayyana cewa za su gudanar da gagarumin kamfen mai mayar da hankali kan matasa, mata, da manufofin da s**a dace da bukatun jama’a. Masu sharhi sun bayyana hakan a matsayin wani sabon salo na siyasa da zai iya tayar da sabuwar rayuwa ga ADC a yankin.

Ga wasu daga cikin sabbin shugabannin:

B.D. Lawal – Adamawa

Umar Bello Jada – Adamawa

Suleiman Nazif – Bauchi

Naomi Abel – Gombe

Babagana Buhari – Borno

Hauwa Yusuf – Yobe

Harira Pamanga – Taraba

Wannan sauyi na iya zama matakin farko na farfadowar ADC a yankin Arewa Maso Gabas.