05/04/2017
WAYAR KA KIRAR ANDOID TANA ZAFI?
Mafi yawan masu waya kirar android suna kukan wayoyinsu suna zafi, kuma sun kasa Gane me ya Ke kawo wannan matsala, awannan rubutun zanyi bayani akan abubuwan da suke sa wayar zafi da kuma yadda zaka magance.
MEYASA ANDROID TAKE ZAFI
Akwai dalilai masu yawa da suke sa wayar android zafi.
1. WACCE CHAGER KAKE AMFANI?
Ya kamata ka rika lura da yanayin chajin da kake mata, wacce irin chaja kake amfani da ita wajen chaja wayar taka, Meye karfin batir din wayarka, shin chajar da kake amfani da ita zata iya chaja batir dinka, Meye adadin wutar da chajar take bayarwa takai dai-dai da taka, karka yi la'akari da girman jikinta, kawai ka duba nawa taka take bayarwa "Output".
Yayinda kayi amfani da karamar chaja wacce take fitar da wuta kadan sai kaga wayarka tayi saurin cika, amma cikin kankanin lokaci chajin naka zai kare, ko kuma kaji tayi zafi, ko kuma idan ka kashe wayar kaga chajin ya sauka dayawa, saika tabbatar da chajar da kake chaja wayarka tana bada wutar da batir dinka zai iya cajuwa ayadda yake bukata.
2. MUHALLIN CHAJI
Alokacin da kake kokarin yin chajin wayar ka matukar kasan tana zafi ko bata yi, to yayinda kake chajinta karka ajiyeta akan abubuwa kamar
i. Soson katifa, duk abinda yake dauke da soson katifa, karka dora wayarka akai, koda ajiyeta zakayi to ka ajiye wayarka a kan teburi ko kasa, saboda katifa tana rike iska, ta fitar da zafi, wannan yana karar da chajin waya ko yasa waya zafi sosai.
ii. Kayan wuta, karka ajiye wayarka akan abinda yake shima ajikin wuta yake, kuma yana zafi, kamar sitafileza, System Unit wanda aka fi sani da CPU, Yar yawo (Station wire) ko kan keyboard kodai wani abu da yake daukan zafi yayinda yake aiki, amma idan baya hade da wuta Alokacin saika ajiye akansa.
3. YANAYIN LOKACI DA MU'AMALA
Aduk lokacin da kake yunkurin sa waya chaji, karka dora ta achaji ahalin ta dau zafi, koda ta cika, minti kadan chajin zai kare, saika barta ta dan yi sanyi, Idan kuma kasan wayarka tana zafi to karka matsa amfani da ita yayinda rana tayi zafi, saboda zafin yana hawa (Temperature), musamman masu wayar Samsung, HTC, LG da sauran masu irin wannan dabi'a, yayin da baka kiyaye wannan matakin, waya tana daukan wata dabi'a, wato saita fara kashe kanta tana kunnuwa, da kanta, kuma batir dinka zai rika daukewa daga 30% ko 40%, Idan baka chanja wannan dabi'arba sai kuma kaga idan ta mutu sai takai ga amfara dora batir a Universal CHAGER/ Direct charger sannan zai tashi. Sai alura da yadda ake chaja waya, Yayinda kasa wayarka a chaji kaji tayi zafi zaka iya samun tsumma mai kyau, ka jika shi da ruwa saika goge wayar dashi, ko ka dora wayar acikinsa zata dawo dai-dai, amma tsumman ba ruwa ake sawa ya jike sosai ba ko fesa shi kayi shi kenan. Rashin kula da wannan matakin yana haifar da matsala ga waya.
i. Lalacewar batir ko ya kumbura
ii. Mutuwar waya na har abada
iii. Ta rika daukewa tana kunnuwa da kanta.
iv. Tabuwar power IC.
v. Sa waya ta fara zabar chaja
vi. Waya ta fara zabar batir wanda zai kunnata/Raina batir
vii. Saurin karewar chaji.
viii. Saukar chaji da 10-10%
Abin lura ga Power Bank
Masu chaji da power bank ku daina amfani da waya ahalin kun jona mata power bank, domin yana sa waya zafi, yana kashe batir yin hakan shima yana haifar da matsalolin da muka lissafo a Yanayin chaji da lokaci wato a na uku.
Masu manyan wayoyi ku rika mallakar powerbank wanda yake da girman wuta, karka sayi mai karamin Capacity, sannan ka nemi cable mai kyau, mai bada wuta, amfani da karamin Power bank akan babbar waya yana haifar da matsaloli kamar haka:-
i. Lalacewar batir ko ya kumbura
ii. Rashin saurin cika waya
iii. Ta rika daukewa tana kunnuwa da kanta.
iv. Tabuwar power IC.
v. Sa waya ta fara zabar chaja
vi. Waya ta fara zabar batir wanda zai kunnata/Raina batir
vii. Saurin karewar chaji.
viii. Saukar chaji da 10-10%
mu lura da wadannan baya nan. Kuma wasummu suna fama da wannan matsalar saika lura ka gyara zaka ga chanji insha Allah.
