19/05/2017
One of the books in Tiv language published by Gwatex Publishers entitled "Or Ka Kwase" by Michael Rex Ingbosu>
Cen lu gumor u kwagh hange un yô, sha nahan yô ningir tar shi kar akaa kpishi. Kwase na u hii hii, Naala, kpa vôsu lu sha mlu u ye nahan kpen mdoom. Kwase la her Cen hen ityô na sha aeren na a hôngulugh (idya) je zua ga. Cen hingir tateta, ordoo man orukwa. Va nyôôsu or, til a shima yô a nenge er, mdoom ka ieren nahan a mase vôsun Wan-Jubu; un kera dooashe er u hiihii la ga kpa inja na kuma ashe, ieren na kpaa kuma i una ya tse u Cen. Ieren i Wan-Jubu na Wanyunda u Azôr, anter u Cen, hii iyuhe sha a na kpa iyuhe va kur a na sha aci u ityô na soo imbya ifer man yuhe i noon la ga. Sha nahan yô, ka an nana kôrcio u kaan er, “Or Ka Kwase” ga? Kwagh u vesen u genegh yô, ka kwagh u kwase hen ya. Ingbosu tese se kwagh sha kwagh u Tiv ve kaan er, “mba veren wan sha tse ga; ka kwase la”. Er kwase u Cen u hiihii la doo ashe, shi vôso un sha gumor na nahan cii kpaa, lu u undun un sha tse ga!
Michael Rex Ingbosu ka tica kua orsule u marami. I mar un hen Mbanoughul, Mbakor, Eniel u Tarka. A hen peramari sekul hen LGEA Bashibo, 1976-1981. Hen sekônderi sekul sha GSS Wannune, 1982-1986. Bee makeranta u aticagh sha College of Education (COE), Katsina-Ala, 1997. A er digirii shin Yunivasiti i civirigh i Nigeria, Nsukka, 2007, man er Zwa French. Ingbosu Michael soo bol, takerada u ôron man u tesen mbayev. A vôsu Comfort, ve mar ônov utaan.
