18/02/2023
Bí á bá se sísé onísé là á se tara eni, ìwo omo isé to ń físé ògá rè sàfàlà, múra sí dáadáa, ìwo tògá rè ó gbodò yó'dì boro, b'ògá bá ti fi sóóbù sílè tàbí bójú ba po fírí, kí elòmíràn ó gbówó ojà ògá sálà ni, ònà bí yóò se je é keegun ni omíràn yóò máa sán, bíí kí wón tajà, kí wón ó má kówó jísé, sùgbón bá ò kú, ìse ò tan, èdá tí kò gba kádàrá, à gba kodoro...... Kò kúkú séèyàn mó láyé!
Béè a kò rójà tà mó dàbí alárà. Ogun wó sóóbù, wó sóóbù táwon ìjoba gùnlé kò tilè jé kí a fèdó lórí òróòrò lójà òhun. Àmó sá! Nínú òfíì, nínú òólà ni omo páǹdòrò ń dàgbà....
Ní ti òrò àwon omo òdo ìtájà; ojú to bá dilè ni ìroré ń so.....
Ó mú mi rántí ìtàn Àáyá àti olóko.
Àáyá àti ìyàwó rè ni wón bó sóko àgbàdo. Gégé bí e se mò pé edun féràn àgbàdo ju gbogbo oúnje lo. Kí olóko ó tó dé, wón ti yàgbàdo lo bí ilè, bí ení. Ní kò kò kò tí wón ń gbóròó esè olóko, ni wón ti bo bérébéré sí abé ègbìnrìn kan. Inú bí olóko bí àwon àáyá se je àgbàdo yìí, kò mo ìgbà tí ó so jáde pé bí ó bá ti dòla, òun ń ó kó àwon òré è mi bò láti wá ya gbogbo àgbàdo tó kú. Ó pèyìndà lójó náà lòhun.
Bí ilè se ń mó ní ojó kejì ni ìyàwó àáyá lo jí oko rè pé, ó yá lóko. Àáyá so fún ìyàwó rè pé àwon kò gbodò lo nítorí olóko so pé òun ń kó àwon òré rè bò láti wá ya gbogbo àgbàdo tó ku lójó náà, ìyàwó àáyá so fún oko rè pé kí ó má fòyà, àti pé ìlérí asán ni olóko se. Tòhunténu, àáyá, ìyàwó àáyá àti gbogbo àwon omo won bó sóko àgbàdo, isé bèrè, wón forin sénu bí wón se woko, ó bá di:
Edún yàgbàdo
Hàá!
Edún yàgbàdo
Hàá!
Edú yàgbàdo
Hàá!
Bí wón se tún gbóròó esè olóko ni wón sá pamó, inú bí olóko digidigi. Kò mo ìgbà tó tún sèlérí pé òun àti ebí òun ni àwon yóò jo jí sóko yìí láti wá ya gbogbo àgbàdo ti àwon olórí-boobo yìí je kù. Ó wí pé se bí àwon àáyá olórí burúkú yìí kò bá ti rí àgbàdo je mó, wón yóò fi oko òun sílè. Ò sòrò dà sílè, ò gba ilé rè lo.
Bí ilè se tún mó ní ojó kejì ni ìyàwó tún lo jí oko rè pé ó yá lóko àná, enú ya àáyá ó wí pé se bí ìyàwó òun gbó tí olóko so pé òun àti àwon ebí òun ni yóò jí wá ya gbogbo àgbàdo tó kú lónìí.
Láì fa òrò gùn, àáyá, ìyàwó rè àti àwon omo wón tún forí lé oko àgbàdo gégé bí ìse won. Ó tún di:
Edún yàgbàdo
Hàá!
Edún yàgbàdo
Hàá!
Edún yàgbàdo
Hàá!
Bí wón tún se gbúròòó esè olóko ni wón bo bérébéré. Olóko férè le è fórí gbálè lówó ìbínú. Kò mo ìgbà tó se ipinnu pé bí ilè bá ti mo lóla, òun yóò kò ìbon àti àpò wá láti wá ya gbogbo àgbàdo òun. Òun kò jé fi dá enikéni mó. Ó mú ònà ilú pòn. Àwon àáyá náà fórí lé inú egàn.
Bí ilè ti ń mó ní ojó kejì, àáyá ń retí aya rè kí ó wá jíi ní àkókò tí ó máa ń wá sùgbón oníyen kò wá. Ara rè kò gbà á mó, èpà àná ti dún mo ehoro rè lénu. Ó dìde, ó sì lo bá ìyàwó rè pè òun ti ń retí rè gégé bí i ìse rè àti pé oko àgbàdo ti yá. Ìyàwó rè dá a lóhùn pé àwon kò le è lo sóko lójó náà nítorí pé ewu ḿbẹ lóko. Ó so fún oko rè pé níwòn ìgbà tí olóko ti le è so pé fúnra òun ni yóò wá sóko lójó náà láì fi isé náà dá eni kankan mó, yóò wá ló so yen, bí ó ná jé pé ó sí ń fi dá ènìyàn ni, ohunkóhun kò ní i se....
Isé máa ń di síse, bí onísé bá wà nìdìí isé rè, sùgbón ní kété tí ó bá ti pèyìndà, isé náà pèyìndà nìyen. Àwon ènìyàn máa ń fi isé ráre ni bí kò bá ti si onísé nìdìí rè. Èyin ògá isé náà, e máa fisé pómo isé lorí. Ìwo omo isé náà to kúndùn àsà ibi a tíise là á ti ń jé, ma sògá rè dédún a rínlè, òní lári.......
E kú ojúmó èyin èèyàn wa, a kú àríyá òpin òsè, Olúwa kòní se èyí l'òpin fun gbogbo wa oo! (Àse Edùmarè)
16/10/2015
09/10/2015
16/09/2015
15/02/2015