USAMA BIN ZAID KAWO KANO

KA KIYAYE FURUCIN KA.
-
Na sani. Wasu halin ɓacin rai kan sasu su furta mummunar magana ga wani abokin rayuwarsu, wasu kuma domin tsokana ko zalunci, amma koma dai a wane hali ne, kuma ko a wane dalili ne, yana da kyau mutum ya iya harshensa, domin shi harshe haɗarinsa nadama ce ƙarshensa.
-
"Baka san yadda baƙar maganarka guda ɗaya rakk za tayi tasiri a cikin zuciyar wanda ka furtata gareshi domin girman muninta gareshi ba, sabida haka ka dinga tsaftace harshenka kafin ka jefa magana ga ɗan-uwanka koda kuwa a cikin halin fushi kake, domin sau da yawa zaka iya yin magana a cikin halin fushi daga baya kuma kazo kana mai yin nadama a kanta"
-
Har kullum ana so shi musulmi ya zamto cewa alkhairi ne kaɗai yake fita daga bakinsa, kuma Manzon Allah sallallahu alaihi wasallama ya umurce mu da cewa mu faɗi alkhairi ko kuma muyi shiru.
-
Allah ya sa mu dace.

BABBAN ABIN TAKAICI A RAYUWA.
-
❝Mukan wayi gari mu manta da sha'anin ubangijinmu sai kuma mu rungumi sha'anin rayuwarmu wacce babu komai a cikinta sai tarin kusa-kuran yau da kullum masu yawan gaske❞
-
❝Kullum munfi bawa tafarkin da muke jin daɗin binsa muhimmanci, misali yanzu ga alƙur'ani mai girma yana cike da saƙonni waɗanda dasu ne zamu gina rayuwarmu, amma mun ƙaurace masa mun biyewa soshiyal mediya, ya ilahi anya muna son goben mu tayi mana kyawu kuwa?❞
-
❝Babban abin takaici ga rayuwar wasu daga cikin mu musulmai shine: mutum yasan idan ya wayi gari ya nufi inda wayarsa take ko computer, sai yaje ya buɗe ta domin ya duba saƙonnin cikin whatsApp ɗinsa ko facebook ɗinsa, kodai dukkanin wani channel da yake amfani dashi a social media ya ɓata lokacinsa akai, ya kuma wuni yana chatting marasa amfani ga lahirarsa, sai ya manta da buɗe alƙur'ani littafin Allah domin ya karanta shi, haƙiƙa wannan babbar fitinah ce a rayuwarmu❞.

Mu rike tauhidi da kyau domin ba wanda zai rabauta da gidan aljanna a lahira sai wanda ya mutu da ingantaccen tauhidi Da Sunnah Manzon Allah (S A W) .

Manzon Allah S.A.W Yace :"Duk Wanda Ya Roqi Allah Aljannah Sau Uku,Aljannah Din Za Tace:" Ya Ubangiji Ka Shigar Da Shi Aljannah, Duk Wanda Ya Nemi Tsari Daga Wuta Sau Uku, Wutar Za Tace :"Ya Ubangiji Ka Tseratar Da Shi Daga Wuta.

Ya Allah ka bamu Aljannah ka kare mu daga Wuta 🤲

Dr Abdallah Usman Gadon Kaya Hafizahullah

Masu kyawawan ayyuka a cikinmu mu dage da adduar Allah ya datar damu mu dore akan ayyukan har Allah ya dauki ranmu muna yi. Domin bamu san karshenmu ba.

Sannan laifukanmu na barna, mu da ge da tuba akansu ko Yaushe, Kar mu yanke kauna da rahmar Allah. Abin da aka rubata a Littafinmu boyayye ne garemu. Bamu san ya karshen rayuwarmu zai zo mana ba.

Mu nemi gafarar Allah,
UBANGIJI ‫سُبْحَانَهُ وَتَعَالَى‬‎ Yace a Qurani:
“Ka ce: (Allah ya ce); “Ya bayiNa wadanda s**a yi barna akan rayukansu! Kada ku yanke kauna daga rahmar Allah. Lallai Allah na gafarta zunubai gaba daya. Lallai Shi, Shi ne mai gafara, Mai jin kai.” (Az-zumar 53)

Domin kasancewa cikin tafarki nagari.
Inji Rasulullah Annabi ﷺ Mu Yawaita yin.
“Allahumma ya Muqallib al Quloob thabbit qalbi ‘alaa Deenik,”

Allah yasa mu mutu muna musulmi masu imani. Amin.

HUKUNCIN ABINDA ZA A YANKA DOMIN LAYYA.
Daga Ibrahim usman Adam Alkanawy,
Assalamu Alaikum yan uwa musulmi,
Ya halatta ga mutane Bakwai (7) su hadu suyi layya da SA ko SANIYA daya, ko mutane bakwai (7) ko goma (10) suyi layya da Rakumi daya. Amma RAGO ko AKUYA da dangoginsu sai dai mutum daya.
Bayan haka, yana da kyau ga duk wanda yayi niyyar yin layya ya kiyaye da wasu sharruda akan dabbobin da s**a cancanci ayi layya dasu domin kiyayewa, wadannan kuwa sune:-
>Ba'ayin layya da RAKUMI sai yakai shekara 5,
>SA ko SANIYA, sai sun kai shekara 2,
>RAGO ko TINKIYA, sai dan wata 6 zuwa sama,
>AKUYA ko TAURE sai sun kai shekara 1 zuwa sama.
Hakanan kuma lallai ne dabbobin su zama lafiyayya domin ba a layya da:-
¤marar lafiya mai bayyana rashin lafiya,
¤ko Ramammiya mai bayyananiyar rama,
¤ko Gurguwa mai bayyananniyar gurguntaka,
¤ko makauniya,
¤ko wacce ta karye.
A KULA -
An Haramta sayar da naman layya, ko biyan Mahauci ladan Aikinsa da naman layya.
Allah yasa mudace.

Khalil
2015

WA NENE MAI AZUMI NA GASKIYA?

Ibnul Qayyim RA yace:

"Mai azumi shine wanda gabbansa suke azumi daga ayyukan sa6o, harshensa yake azumi daga karya da alfasha da maganar zur, cikinsa yake azumi daga abinci da abin sha, farjinsa yake azumi daga jima'i.

Idan zai yi magana ba zai fad'i abin da zai raunata azuminsa ba, haka ma in yayi aiki ba zai aikata abin da zai bata azuminsa ba, sai maganganunsa duka suke fitowa masu amfani kuma nagari, haka ayyukansa suna a matsayin qamshi da yake shafar wanda ya zauna da mai dauke da Almisk, haka wanda ya zauna da mai azumi yake amfana da zama dashi, kuma ya amintu daga maganar zur, karya da zalumci.

Wannan shine azumin da a ka shar'anta mana ba kawai kamewa daga cin abinci da abin sha ba.

Azumi shine azumin gabbai daga laifuka/zunubai, da azumin ciki daga cin abinci da abin sha, kamar yanda abinci da abin sha ke yankeshi da bata shi(azumin), to haka zunubai suke yanke ladanshi suke lalata amfaninsa, su maidashi kamar wanda bai yi azumi ba!.

ƊAYA BISA UKUN DARE NA ƘARSHE!

💧Daga Sahabi Abi Huraira Allah Ta'ala ya yarda da shi ya ce, Lallai Manzon Allah saw ya ce; Ubangiji yana saukowa mai girma da daukaka a kowani dare zuwa saman duniya, a sanda ya yi saura daya bisa ukun dare na 'karshe , yana cewa, Wa zai kirani in amsa mishi, wanene zai rok'eni in bashi, wanene zai nemi gafarana ni kuma in gafarta masa.

{Imam Bukhari da Muslim, Dariqus-salihin, 58p.

💧Wanda duk ya takaita baccinsa, ya dage da sallan dare don Neman yardan Allah, da sannu zai 'kara samun kusanci ga Allah, da kuma biyan bukatunsa na duniya da lahira.

Allah ya sa mu dace.

*DUK ABIN DA YA YI SAMA WATA RANA ZAI YI KASA.*👌

Kada ka taba tunanin tabbatuwar wani abu a rayuwa,mulki ne ko shahara ko daukaka ko farin jini, arziki ko talauci, lafiya ko rashin lafiya,ni'ima ko akasinsa.

Rayuwa baki dayanta jarabawa ce shi yasa Allah madaukakin Sarki ya ce:"Shi ne Wanda ya halicci mutuwa da rayuwa, domin ya jarabtaku yaga suwa nene za su kyautata aiki"wasu malaman kuma s**a ce:"domin yaga suwa nene za su yawaita tuna mutuwa"
Manzon Allah S.A.W ya ce:"ku yawaita tuna mai yanke jin dadi,MUTUWA"

Abin duniya ko ka Kare ne ka barshi ko kuma ya Kare ya barka.

Arzikin da kake takama da alfahari da shi, ka sani ba naka ba ne,na Allah ne, domin Allah madaukakin Sarki ya ce a cikin hadisul Qudusi:"ya ku bayina dukanku matalauta ne sai dai Wanda na azurta shi,ku nemi azurtawana zan azurta ku... "
Kuma ya ce a cikin Al-Qur'ani Mai girma:"Ya ku wadanda kuka yi imani ku ciyar daga abin da muka azurtaku tun kafin wata rana ta zo muku, Wanda babu kasuwanci a cikinsa kuma babu soyayya kuma babu ceto kuma kafirai su ne azzalumai.

Ya Allah ka rabamu da girman kai sakamakon wata ni'ima da kai mana, ka sanyamu cikin bayinka masu yawan godiya. 🙏

Wasu daga cikin 'Yan Matan Yau Zasu Baka Mamaki Sosai Idan Ka Kalli Yadda Suke Gudanar Da Rayuwarsū; Zaka Gansu Da Handset Mai Tsada Irinsu; Iphone6 Ko 6plus; Galaxīes, Blackberries Just Saboda Kawai Kada Aji Kunya Wajen Guys.

Babban mamakin kuma shine Idan Ka Kalli Handset Din Zaka Ganta a Rufe Kirif Da Phone-Cover, Ga Guidance Series An Zagaye Wåyar Da Shi.
Idan Ka Kalli Screen 'Din Zaka Ga An Sanya Masa Screen Guard Mai Tsada Unbreakable.
Idan Kaga Keys Din, An Basu Kariya Da Keypad-Protector.

Amma Inda Gizo Ke Sakan Kuma Abin Haushin Shi Ne: Suna Tafiya Akan Hanya Duk Jiki a Waje Babu Protection Ko Kuma Cover WHY???

Shin Wayarku Tafi Ku Daraja Kenan Ko Kuma Baku San Mutuncinku a Matsayinku Na Mata Bane???
Kuna Tafiya Da Kaya 'Damammu Transparent Just Kawai Don Ku Ja Hankaln Wasu.
ALLAH Shi Kyauta, Ya Shirye Mu Baki Daya Ameeen.

Ib7

ANA BUDE KOFAR AMSA ADDU'A LOKACIN KIRAN SALLAH
Idan kaji Ladan yana kiran Sallah,to kasani Lallah an bude kokofin sama dan amsa addu'ar bayi,dan haka ka gaggauta rokon Allah a wannan lokaci.
Manzon Allah ﷺ yana cewa:-
*(Idan mai kiran Sallah ya kira Sallah,to an bude kofofin sama kuma ana amsa addu'a)*
@ ﺻﺤﻴﺢ _ ﺍﻟﺠﺎﻣﻊ ‏( 803 ).
Allah ne mafi sani
*Allah ka biyawa dukkan musulman duniya baki daya buqatunsu na alkhairi ya Allah ka gafarta masu dukkan laifukansu baki daya*.