Jibwis Dandume Tv

20/08/2026

SANARWAR DAGA KARATUN DAURAH
Andaga KARATUN DAURAH da za ayi Ranar JUMAAR NAN 21-08-2026 A DANDUME LG Wanda Dr.MUHAMMAD KABIR MARU Zai gabatar zuwa JUMAA TAsama Allah ya kaimu lafiya

08/08/2026

26/05/2026

JAMA'ATU IZALATUL BIDI'A WA IKAMATUS SUNNAH ƊANDUME LG KATSINA STATE...........

A Gobe Laraba Ne Insha Allahu Za'a Gudanar Da Sallar Idin Babbar Sallah EDIL KABEER Na Wannan Shekarar 1447/2026
Za'a Gudanar Da Sallar Ne A Farfajiyar Makarantar GDPSS ƊANDUME LG Da Misalin Karfe 9:00am Kamar Yadda Aka Saba Idan An Tashi Da Ruwa Za'a Yi Sallar Ne A Farfajiyar Masallacin Juma'a Na Izala Ɗandume LG.

SANARWA DAGA PRO I JIBWIS SOCIAL MEDIA ƊANDUME LG.
Salisu Mayana

26/04/2026

SANARWAR TA'AZIYYA DA RASHIN DAN UWA

Inna Lillahi Wa Inna Ilaihi Raji'un.

Ofishin yaɗa labarai na ƙungiyar JIBWIS, reshen ƙaramar hukumar Dandume, yana sanar da rasuwar ɗan uwa, matashi, mai kishin addini.

MARIGAYI Hussaini Sani
Mamba a rukunin Yan Agaji na Karamar Hukumar Dandume.

Marigayi Hussaini Sani, ɗa ne ga Shugaban Yan Agaji na ƙaramar hukumar Dandume, Malam Sani Mai Hakuri.

Wannan rashi ne ba ga iyalansu kaɗai ba, har ma da daukacin ƙungiyar JIBWIS da kuma Yan Agaji (First Aid Group) na wannan yanki, ganin yadda marigayin ya bi sawayen mahaifinsa wajen hidimar addini da sadaukarwa.

ADDU'A:
Muna roƙon Allah (S.W.T) da sunayensa kyawawa:

Allah ya jiƙansa da rahama, ya sa Aljannatul Firdausi ce makomarsa.

Allah ya haskaka kabarinsa, ya faɗaɗa shi, ya kuma sanya shi cikin haske.

Allah ya bai wa mahaifinsa, Malam Sani Mai Hakuri, da sauran iyalai, da kuma ƙungiyar Yan Agaji haƙurin jure wannan babban rashi.

Muna mika ta'aziyya ga shugabannin ƙungiya na matakin ƙaramar hukuma da jiha baki ɗaya.

✍️ PRO ||
26/04/2026

12/04/2026

LABARAI CIKIN HOTUNA......
Yadda Aka Gudanar Da Bikin Saukar Alqur'ani Mai Tsarki, A Makarantar.
Ummahatul Aulad Dake A Unguwar Yan Barkono Ɗandume.

A Gudanar Da Wannan Taro Ne A Farfajiyar Wannan Makaranta Karo Na 5 Kamar Yadda Ta Sabayi A Duk Shekara, Alhamdulilahi Masha Allahu.

20/03/2026

SAKON TA’AZIYYA

Assalamu Alaikum wa Rahmatullahi wa Barakatuhu.

Cikin alhini da jimami, ƙungiyar Jama’atu Izalatul Bid’ah Wa Iqamatus Sunnah (JIBWIS) Ɗandume ke mika sakon ta’aziyya bisa rasuwar ɗaya daga cikin mambobinta, wanda kuma yake daga cikin ‘yan kwamitin Social Media na Ɗandume.

Hakika wannan rashi babbar asara ce ga ƙungiya da al’umma baki ɗaya, domin marigayin ya kasance mai kishin addini, sadaukarwa da hidima ga al’umma. Mun rasa mutum nagari wanda ya taka rawar gani wajen ci gaban ƙungiya da yada alkhairi.

Muna roƙon Allah (SWT) Ya gafarta masa, Ya jiƙansa da rahama, Ya sanya Aljannatul Firdausi ta zama makomarsa. Allah Ya kyautata bayansa, Ya ba iyalai, abokai da daukacin al’umma haƙurin jure wannan rashi.

Lallai mun yarda cewa kowa mai rai mamaci ne, kuma komai daga Allah yake kuma gare Shi zai koma.

Innaa lillaahi wa innaa ilaihi raaji’uun.

Allah Ya jikansa, Ya huta masa, Ya kuma sa mu cika da imani da hakuri.

✍️ PRO II
JIBWIS Ɗandume
01/Shawwal/1447
20/03/2026

20/03/2026

RAHOTON GUDANAR DA SALLAR IDIN AZUMI A ƊANDUME

Alhamdulillahi, cikin ikon Allah Madaukakin Sarki, an gudanar da Sallar Idin Azumi cikin nasara da kwanciyar hankali a garin Ɗandume.

Sallar wadda ta samu halartar al’umma da dama, an gudanar da ita ne karkashin jagorancin Malam Abdulbasir Zakariyya, wanda ya jagoranci sallar tare da gabatar da huduba mai cike da nasiha, tunatarwa da kira ga tsoron Allah da haɗin kai a tsakanin al’umma.

Daga cikin manyan baƙi da s**a halarci wannan gagarumin taro akwai:

Shugaban ƙungiyar JIBWIS Ɗandume, Alhaji Muhammad Gardi.

Shugaban ‘Yan Agaji, Alhaji Idris.

Alhaji Mamuda Wakili.

Alhaji Mustapha Garba.

Alhaji Abubakar Barrister, ɗan Majalisar Funtua/Ɗandume.

Alhaji Garkuwa Ɗandume.

Da sauran al’umma masu tarin yawa.

An gudanar da sallar cikin tsari mai kyau, haɗin kai da lumana, abin da ya kara nuna muhimmancin zumunci da haɗin kan Musulmi musamman a irin wannan rana mai albarka.

Muna godiya ga Allah (SWT) da Ya ba mu ikon kammala wannan ibada lafiya, tare da fatan Allah Ya karɓi ibadunmu, Ya maimaita mana da alheri, Ya kuma tabbatar da zaman lafiya da ci gaba a garinmu da ƙasa baki ɗaya.

Barka da Sallah!

✍️ PRO II
Jama’atu Izalatul Bid’ah Wa Iqamatus Sunnah (JIBWIS) Ɗandume
01/Shawwal/1447
20/03/2026

20/03/2026

SANARWAR SALLAR IDI

Assalamu Alaikum wa Rahmatullahi wa Barakatuhu.

Ana sanar da al’ummar Musulmi na garin Dandume da kewayenta cewa, In shaa Allahu Ta’aalaa za a gudanar da Sallar Idin a yau Juma’a, 20/03/2026 (1447H) a cikin garin Ɗandume.

Za a gudanar da sallar ne a: Farfajiyar Filin Makarantar GDPSS Ɗandume.

Lokaci: 09:00 na safe.

Don haka, ana kira ga daukacin al’umma da su halarci filin idi da wuri, domin samun falala da tsari mai kyau.

Allah Ya karɓi ibadunmu, Ya maimaita mana da alheri.

Barka da Sallah!

Jibwis Dandume
20/03/2026