Zam-Zam Islamic College

A ranar Asabar da ta gabata 9/5/2026 wanda yayi dai-dai da 21/11/1447H Makarantar Zam-Zam Islamic College dake Darmanawa ta samu baƙuncin babban Limamin Juma'a na Masallacin Sabuwar Jami'ar Bayero dake birnin Kano, Associate Professor Nuhu Abdullahi Usman Giwa.

Malam ya kawowa Makarantar ta Zam-Zam ziyara ne domin gabatar da laccar da hukumar Makarantar ta ɗauki nauyin gabatarwa a duk ƙarshen wata.

Mau'du'in da Malamin ya tattauna shine; Dogaro da Allah; Maganin Wayyo Allah.

Cikakkiyar laccar tana nan tafe in sha Allah a wannan shafi.

MUHIMMAN GAYYYAR ZUWA GA IYEYEN ƊALIBAI DA KUMA MALAMAN MAKARANTAR Zam-Zam Islamic College

Hukumar Makarantar Zam-Zam Islamic College tana gayyatar iyaye da kuma Malaman wannan makaranta gagarumar lacca da ta shirya da za a gabatar A ranar Asabar; 9/Mayu/2026.

Mau'du'i: Dogara ga Allah maganin wayyo Allah.

Mai Gabatarwarwa: Associate Professor Nuhu Abdullahi Usman Giwa.

Lokaci: 11:00 na safe - 12:30 na rana.

Guri: Ɗakin koyar da sana'o'i dake farfajiyar makarantar, da kuma Google meet ga masu bi daga nesa.

Mun gode,
Hukumar Makaranta.

Assalamu alaikum warahmatulLahi WabarakatuH,

Hukumar Makarantar Zam-Zam Islamic College tana sanar da al'umma cewa an sake buɗe rejista (registration) na ɓangaren Koyon Yaren Larabci.

Ana gudanar da wannan karatun ne a Makarantar Zam-Zam a ranakun Asabar da Lahadi da kuma Alhamis da Juma'a.

Za'a fara karatun wannan zangon a ranar 7/5/2026 ga maza. 9/5/2026 ga mata.

Domin neman ƙarin bayani, za'a iya zuwa Makaranta Zam-Zam dake Darmanawa, Kano. Ko kuma a kira lambobin da suke ƙasa.

Sanarwa,
Hukumar Makaranta.
Mun gode.

A yau Asabar 11/Afrilu/2026 wanda ya yi dai da 23/Shawwal/1447 Sheikh Bashir Yahya Umar Al-Ifriƙiy ya ziyarce Kwalejin Musulunci ta Zam-Zam dake Darmanawa, Kano domin gabatar da laccar ƙarshen wata.

Malamin ya yi bayani ne akan mau'du'i mai taken: "HATSARIN GAGGAUTA ƘURUCIYA TARE DA RAINON ƳAƳA BA TARE DA HAƘURI BA".

Malamin ta taɓa ɓangarori da yawa. Ku cigaba da bibiyarmu, zamu kawo muku cikakkiyar laccar a nan gaba.

Zaman Senior Management Team (SMT) Kenan na Kwalejin Zam-Zam da yake a duk ƙarshen wata.

Ana zama ne domin tattauna muhimman batutuwa na cigaban makaranta ta fuskar walwala ɗalibai, samar musu da ingantattun Malamai, da kuma abubuwan koyo da koyarwa na zamani.