05/08/2024
Zanga-zanga...!!!
Masu Zanga-Zanga sunce:
"Ai kune malamai baku fada ma shugabanni gaskiya kuyi musu nasiha, kuyi tagging dinsu saidai talakawa..."
Ni kuma sai nace:
Na fahimta, amma abinda nikeso ku fahimta anan shine:
1: Shi shugaba Shari'a ta hana yi masa gyara ko nasiha a gaban al'umma. Samunshi ake yi a kebe a fada masa gaskiya da fahimtar dashi ba tare da cin mutunci ko wulakantasa ba. In ya karba Masha Allah, haka akeso. In kuma yaƙi, to malami yayi iya abinda zai iya. Dama ba inda akace in kayi nasiha dole ne sai an karba. Yin nasihar shine naka, amma karba da kuma dacewa wani abu ne daga Allah dake bayarwa ga wanda yaso kuma ya nufeshi da alkhairi.
2: In kuma malami ba zai iya haɗuwa da shugaban ba, sai ya samu wanda zai iya samunsa, ya bashi sakon shi kuma ya isar a madadinsa.
3: In hakan ma ba zai samu ba. To sai mutum ya taya shugaban da addu'a cikin ibadunsa tsakaninsa da Allah. In Allah ya amsa sai ya jefa tunanin a zuciyar shugaban sai kawai aga yayi aiki da abin. Sai abubuwa su gyaru cikin ikon Allah.
4: Amma babu inda Shari'a ta bada damar yi masa gyara ko nasiha a bainar jama'a. Asalima hanawa tayi daga hakan, ba don komai ba sai don irin sakamakon dake biyowa baya ba sakamako bane mai kyau. Maimakon ya gyara sai ya kara kangarewa. Abubuwa su kara rincaɓewa.
5: Babu laifi in malami ya dauki wani sabon Allah yayi nasiha a kanshi a dunkule ba tare da fuskantarwa ga wani ba na musamman. Misali akan adalci, illar zalunci, yaudara, fushi da kamun Allah dss.
Su kuwa al'umma sai malamai su ankarar dasu illar sabawa Allah da riƙe amanar da Allah ya basu da jin tsoronsa a fili da boye. Tare da nuna musu su taya shugabanni da addu'ar shiriya da dacewa. Kada su zagesu, ko tsinuwa a gare su. Domin ba shine zai yaye musu halinda ke damunsu ba.
A irin haka ne sai kaga cikin dacewar Allah shugabanni sun gyaru talakawa ma sun gyaru sai al'umma ta amfana.
Kunji abinda ake nufi kenan.
Allah ne mafi sani.
Ɗan'uwanku:
Abdurrahman Isah Lawal Danja.
Monday: 30 Muharram, 1446
5th August, 2024.
