School for Qur'anic Memorization Training

Assalamu Alaikum.
Muna sanar da Dukkan Dalibai da Iyaye cewa, gobe zamu dora karatu tare da masu zuwan karfe 2:00pm Insha Allahu.

🎉 ALHAMDULILLAH – 10,000k FOLLOWERS! 🎉
Cike da farin ciki da godiya ga Allah (SWT), muna farin cikin sanar da cewa shafinmu na makaranta ya kai mutum 10,000 masu bibiyar mu 🙏
Wannan nasara ba tamu kaɗai ba ce — taku ce gaba ɗaya 🤍
Goyon bayanku, addu’o’inku, da amincewarku su ne s**a kawo mu wannan matsayi.
📖 “Mafi alherinku shine wanda ya koyi Al-Qur’ani kuma ya koyar da shi.”
Muna ƙara ƙuduri da himma wajen cigaba da koyar da Al-Qur’ani da tarbiyya mai kyau ga al’umma.
Allah ya saka muku da alheri 🤲
Allah ya ƙara mana albarka da ɗaukaka.
🌙 School for Qur’anic Memorization Training (Jos North)
✨ Thank you for being part of oujourney!
School for Qur'anic Memorization Training Aliyu A Fittoji Bashir Lawal Abdurrashid M. Sh*tu fans

Alminnah International Academy
☝️🤲✔️

✦ 𝐀 𝐁𝐋𝐄𝐒𝐒𝐄𝐃 𝐀𝐍𝐃 𝐌𝐄𝐌𝐎𝐑𝐀𝐁𝐋𝐄 𝐕𝐈𝐒𝐈𝐓 ✦
Alhamdulillah, a ranar Litinin, 23 ga Maris, 2026, Hafiz Bashir Lawal Adam, babban Darakta na Makarantar Horar da Haddar Alƙur’ani da ke Jos, Jihar Plateau, ya girmamasu da wata muhimmiyar ziyara ta girmamawa a Alminnah International Academy, Potiskum, Jihar Yobe.
Wannan ziyara mai cike da ma’ana ta kasance cike da ƙwarin gwiwa, zumunci da kuma haɗin kai wajen bunƙasa tafiyar haddar Alƙur’ani mai tsarki da ilimin addinin Musulunci. Zuwansa ya kawo ƙarfafa zuciya ga ɗalibanmu da malamai, tare da ƙara tabbatar da manufarmu ta tarbiyyar al’umma mai jingina da Alƙur’ani.
Muna roƙon Allah (SWT) Ya ci gaba da albarkanta ƙoƙarinsa, Ya ƙara masa ilimi da albarka, kuma Ya ba da nasara ga dukkanin cibiyoyin da ke hidima ga Alƙur’ani mai girma🤲

SFQMT
24TH MARCH 2026

KAI TSAYE DAGA WURIN RUFE KARATUN TAFSIRIN ALQUR’ANI – BABBAN MASALLACIN JUMA’A KWANAR SOJA

A yau, cikin ikon Allah Maɗaukakin Sarki, an kammala karatun Tafsirin Alqur’ani Mai Girma da ake gabatarwa a Babban Masallacin Juma’a na Kwanar Soja.

Karatun tafsirin wanda Al-Hafiz Imam Bashir Lawal Adam, tare da AlarammanSa Ustaz Hassan Yusuf Nuhu suke gudanawa yau Allah ya qaddari an rufe, inda malam yayi bayanai masu zurfi kan ma’anoni da darussan Alqur’ani domin ilmantarwa da shiryar da al’umma.

Muna roƙon Allah Ya saka musu da alheri, Ya sanya albarka a cikin wannan aiki na hidimar Alqur’ani, Ya kuma amfanar da al’umma da abin da aka karantar.

SFQMT
27/09/1447
16/03/2026

KAI TSAYE DAGA WAJEN RUFE KARATUN TAFSIRIN YAMMA

Cikin ikon Allah Maɗaukakin Sarki, a yau Al-Hafiz Imam Bashir Lawal Adam ya kammala karatun Tafsirin Alqur’ani Mai Girma da yake gabatarwa da yamma a Babban Masallacin Juma’a da ke Kwanar Shagari.

Wannan majlisi na tafsiri, wanda aka gudanar a cikin watan Ramadan mai albarka, ya kasance wata babbar hanya ta ilmantarwa da tunatar da al’umma muhimmancin komawa ga Alqur’ani Mai Girma da kuma rayuwa bisa koyarwar Sunnah ta Manzon Allah (SAW).

A wajen wannan rufewa, wakilan reshen Unguwar Rimi ta Yamma sun kai ziyara domin halartar wannan majlisi mai albarka. Tawagar ta zo ne ƙarƙashin jagorancin Mataimakin Shugaban Malamai na reshen, Ustaz Sulaiman Usamat Salihu, tare da sauran abokan aiki daga reshen.

Sun bayyana farin ciki da jin daɗi bisa nasarar da Allah Ya ba da na kammala wannan tafsiri, tare da yaba ƙoƙarin da malam ke yi wajen sadaukar da lokaci da ƙarfi domin ilmantar da al’umma da kuma raya majalisun Alqur’ani.

An kuma yi addu’o’in alkhairi ga malam, da ɗalibai, da dukkanin jama’ar da s**a halarci wannan majlisi, tare da roƙon Allah Maɗaukakin Sarki Ya saka da alheri, Ya kuma maimaita mana irin wannan alheri a shekaru masu zuwa cikin koshin lafiya da nisan rai.

Wassalamu alaikum wa rahmatullahi wa barakatuh.

AMS
27/09/1447
16/03/2026