Korar Bokaye Da 'Yan Tsubbu Tare Da Tabbatar Da Magunguna Ta Hanyar Shari'a

🌿📌 Post 20: Ciwon Daji na Mahaifa da Mama Wanda a Turanci ake Kira da (Cervical/Breast Cancer)

Cutar daji da ke shafar mahaifa ko Maman Mace. Itace babbar cutar da ta fi kashe mata a faɗin duniya.

Alamun Cancer Mahaifa (Cervical cancer):

1. Zubar jini bayan al’ada, bayan saduwa, ko bayan tsayuwar al’ada
2. Fitar ruwa mai wari daga farji
3. Zafi a ƙasan ciki da baya

Alamun Cancer Mama (Breast cancer):

1. Ƙulli mai tauri a Maman Mace
2. Canjin siffar Maman Mace
3. Fatar Maman Mace ta yi kamar "orange"
4. Fitar jini daga Maman Mace

Yadda ake gane Mace tana da Cancer:
1. Ana amfani da Pap smear da HPV test (cervical cancer) dan duba Cancer Mahaifa
2. Da kuma mammogram/ultrasound/biopsy (breast cancer) dan duba Cancer Maman Mace
In Shaa Allah zamu kawo maganin cutar.

🌿📌 Post 19: Maganin Matsalar Al’ada da Ciwon Mara

Kina fama da Ciwon Mara? Al’ada Mai Raɗaɗi? To ga Maganin su.

Idan mace na fama da ciwon mara ko al’ada mai zafi:

1. A tafasa ƴaƴan hulba.
2. A tace ruwan, sai a haɗa da zuma.

A sha sau biyu a rana.

✨ Wannan yana rage zafi, yana daidaita jini, kuma yana tsaftace mahaifa.

Zaku iya comment da cututtukan da kuke son maganin su ko tambayoyi.

🌿📌 Post 18: Menene Hawan Jini?

Hawan jini wata cuta ce da jinin mutum yake matse jijiyoyin mutum fiye da yadda ya kamata.
Idan an auna jini mutum aka samu ya kai 140/90 mmHg ko sama, ana kiransa Hawan Jini.

⚠️ Idan ba a kula da shi ba yana iya jawo:

1. Bugun zuciya
2. Bugun jini (stroke)
3. Ciwon koda
4. Har ma makanta

In Shaa Allah zamu zo da bayanan kariya da Kuma Magungunan sa.

🌿📌 Post 17: Yadda Za'a Magance Ciwon Basir Mai Tsiro.

Mutane da yawa na fama da irin wannan cuta.

Basir mai tsiro ciwo ne dake da wuyan sha'ani sauda dama mutane kansha wahala sosai a kansa, wasu kance ma ciwon baya warkewa kuma wannan batu ba haka yakeba, domin babu wata cuta da bata da magani sai dai wani lokacin kafin sanin maganin za'a sha wahala.

Wannan darasi zai koya mana yadda zamu rabu da wannan cuta ta basir insha Allahu.

Abubuwan bukata

1.Man Tafarnuwa.
2.Man Habbatus Sauda.
3.Man Zaituna.
4.Auduga.

Yadda za'a haɗa

Zaka haɗe wannan abubuwa uku wato Man tafarnuwa, Man Habbatus Sauda, Man Zaitun da muka lissafa baki daya saika gauraye sosai a cikin kwalba kokuma wani abu mai tsafta.

Zaka dauki audugar da ka tanada duk lokacin da zaka kwanta saika dangwali wannan magani daka hada da wannan auduga saika sanya shi a duburarka ma'ana zakayi Matsi dashi.

Zakayi haka har na tsawon sati guda insha Allahu zaku samu lafiya cikin yardar Allah.

Abin Lura:
Yayin yin wannan matsi akwai zafi sai an daure, amma in Allah yarda za'a samu lafiya.

🌿📌 Post 16: Maganin Mura da Tari

1. Lemon tsami Guda 1
2. Ruwan ɗumi kofi 1
3. Zuma cokali 2

A sha sau 2 a rana.
Yana ƙara Vitamin C a jiki, yana kuma maganin mura cikin sauƙi.

🌿📌 Post 15: LEMON TSAMI DA YANDA AKE AMFANI DASHI

Shin ko kun san cewa lemon tsami yana maganin cututtuka da dama kar su mura, rage kiba, tsabtace fata, har ma da cututtukan da bamu ambata ba.

A jerin nan zan zo mana da baya nai akan amfanin sa da yadda zaku iyi amfani da shi a gida.

🌿📌 POST 14:🩸 _Sihirin Zubar Jini_

Kin taɓa ganin mace tana fama da jini yana fita a lokacin da ba al’ada ba, kuma ba babu wani ciwo, batare da ya tsaya ba?
Wannan na iya zama sihirin zubar jini – wannan wani nau’in sihiri ne da ake yi domin cutar da mace, ko rage mata ƙarfi, da hana ta ibada ko rayuwar aure mai daɗi.

Alamominsa:

1. Fitar jini mai yawa a lokacin da ba haila ba
2. Kasala da jiri mara dalili
3. Mafarki marasa daɗi (dabbobi, jini, ƙazanta) ds.
4. Jin kamar ana kiranki ko ana bin ki

Magani:

Shan ruwa da aka karanta ruqyah, safe da yamma:

1. Ayatul Kursiyyu
2. Ayoyin sihiri na cikin Suratul A’araaf
3. Yunus
4. Taha
5. Falaq & Nas

Shan cokali 1 na Man Habbatus Saudah da Zuma sau 2 a rana

Wanka da ganyen magarya da gishiri da aka karanta masa ruqyar dake sama.

🌿📌 POST 13: SIHIRIN HAUKA – Sihirin da Ke Ɗaukewa Mutum Hankali Dashi

Sihirin Hauka (سِحْرُ الْجُنُونِ)

Wannan nau’in sihiri ana yinsa ne domin a jefa mutum cikin hauka, firgici, ruɗewa, da rashin daidaiton tunani. Yana jawo hauhawar hankali, ko jin abu da ganin abu da ba ya nan.

Wasu suna cutar da ‘yan uwa ko abokai da wannan sihiri saboda tsantsar ƙiyayya ko hassada.

Alamomin Sihirin Hauka:

1. Jin murya ko kira ba tare da kowa ya kiraka ba
2. Ganin wani abu ko wani mutum a mafarki ko a ido biyu da bai wanzu ba (bai faru ba).
3. Hauhawar zuciya, tashin hankali ko bugun zuciya
4. Faɗa da mutane ko barin gida cikin ruɗani
5. Tsoro daga kaɗaici ko duhu
6. Jin yana ko wani abu yana motsi a jikinka
7. Zagin kai, yawan shakku da zargi maras tushe

Kariya Daga Wannan Sihiri:

* Karanta Ayatul Kursiyya da Suratul Falaq da Nas da safe da yamma
* Karanta Suratul Baqarah kullum a gida
* Yawaita istighfari da azkar
* Sadaka da rokon Allah da sunayenSa kyawawa
* Zama da mutane masu tsoron Allah da guje wa kadaici

Magani:

* Ruƙiyya ta musamman da ayoyin da ke maganin hauka:

1. Suratul A’raf 117–122
2. Suratu Yunus 79–82
3. Suratu Taha 65–69
4. Shan ruwa mai ruƙiyya da wanka da shi kullum
5. Garin Habbatus Saudah (cokali 1 da safe)
6. Zuma + Citta + Tafarnuwa: a markada a sha da safe
7. Tafasa ganyen magarya + ganyen baure + habba a yi wanka da shi
8. Ka nisanci shaye-shaye da abinci daga wanda ake zargi da sihiri

🌿📌 Post 12: MAGANIN ƘARA ƘARFIN HADDA

Abubuwan da za a haɗa:

1. Garin Habbatus Saudah cokali
2. Zuma kofi 1
3. Man Zaitun cokali 2
4. Garin Na’a Na’a cokali 1
5. Ganyen Zaitun (Idan ana da shi) – cokali 1 (zaɓi ne)

Yadda ake haɗa shi:

Idan ganyen Na’a Na’a da ganyen zaitun sabbi ne (wato ɗanye ne), za'a iya markaɗa su da ɗan ruwa kaɗan har su zama kamar lalle. Idan kuma bisashen ne ba matsala.

Idan an gama a ɗan sa ruwa kaɗan a dafa su sai a zuba a kwalba mai tsabta, a adana a guri mai sanyi.

Yadda ake amfani da shi:

1. A ɗauki cokali 1 da safe kafin cin komai.
2. A ɗauki cokali 1 da yamma ko kafin kwanciya.
3. Za a iya sha tsawon kwana 21 zuwa 40 a jere, tare da yawan maimaita karatu.
4. Ake karanta waɗannan Addu'a:
Rabbi zidni ‘ilman, warzuƙni fahman waj‘alni minal muttaƙin.

Amfanin wannan haɗin:

1. Yana buɗe kwakwalwa.
2. Yana hana mantuwa.
3. Yana sa nutsuwa da ƙwazo.
4. Yana magance raguwar fahimta da gajiyar karatu.

🌿📌 Post 11: MAGANIN ZUBEWAR GASHI DA RAUNIN SA

Abubuwan Da Za'a Haɗa:
1. Man hulba
2. Man habbatus saudah
3. Zuma

Yadda ake amfani:

1. A gauraya man hulba da habbatus saudah
2. Sai a zuba zuma a ciki
3. A shafa a fatar kai da gashin kai gaba ɗaya
4. A murza kan na minti 10
5. Sai a barshi yayi awa 1 kafin a wanke
6. Ayi amfani dashi sau 3 a sati.

🌿📌 Post 10: SIHIRIN HANA AURE

Wannan Sihiri Ne Da Ke Hana Aure Duk Lafiyar Mace/Namiji da Kyan Sa/Ta.

Sihirin Hana Aure (سِحْرُ تَعْقِيدِ الزَّوَاجِ)

Wannan nau’in sihiri ana yinsa ne domin a hana mace ko namiji samun aure. Sau da yawa ana yin hakan saboda hassada, kishi, ko tsantsar mugunta. Mai fama da wannan sihiri yana kallon kansa a matsayin wanda be dace da aure ba ko kuma masu so su na gudunsa.

Alamomin Sihirin Hana Aure:

1. Ana samun masoyi, amma da zarar maganar aure ta taso sai a samu saɓani
2. A ko da yaushe ana fasa aure ko shirin sa ba tare da dalili mai ma’ana ba (mai ƙarfi)
3. Wanda ake so yana fasa soyayyar ko ya gujewa wanda yake son nasa
4. Yawan mafarkin auren dabba ko jima’i da wani baƙo
5. Rashin jituwa tsakanin mutum da wanda ke son ya aura
6. Mace ko namiji yana jin kamar aure tsoro ne ko nauyi

Kariya Daga Wannan Nau’in Sihiri:

1. Karanta Ayatul Kursiyyu da Suratul Falaq da Nas kullum (safe da yamma, da kuma lokacin kwanciya bacci)
2. Karanta Suratul Baqarah a gida akai-akai
3. Karanta addu’ar Annabi SAW:
“Allahumma iftah li abwaaba rahmatika.”
4. Tuba daga duk wata hanyar sabo
5. Sadaka da rokon Allah cikin dare da addu’ar istikharah

Magani:

1. Shan ruwa mai ruƙiyya da wanka dashi: A karanta masa ayoyin sihiri kamar (Al-Baqara:102), (A’raf:117–122).
2. Sha man Habbatus Saudah + Zuma + Lemon tsami (a karanta ayoyin warware sihiri a ciki)
3. Shan ruwan da aka tafasa ganyen magarya, habba da citta (a karanta ayoyin warware sihiri a ciki)
4. Goge jiki da ruwa da aka karanta masa ruƙiyya da zuma da gishiri
5. Karanta Suratul Baqarah a kalla sau 1 a rana na tsawon mako 2 (Sati 2)